|
|
27-07-2013, 06:51 PM
27-07-2013, 08:50 PM
|
المشاركة الأصلية كتبت بواسطة روح الطير
أكمل الموقف ..
رحنا المول ، و لقيناه مقفل و باقي عالأذان 5 دقايق يمكن .. قالي و هو معصب ، هو هذا اللي قالت عليه أختك ؟ قمت ابتسمت و قلت له يالله المطعم هذا مفتوح خلينا نفطر فيه .. مو مشكلة ، و مزحت معاه و ضحكت .. و هو لسى قالب بوووووزه شبرين .. قال مو عاجبه المطعم ؟؟؟؟؟؟؟؟ فيه مطعم ( تشيليز ) .. و مطعم ( أبل بييز ) و غيرهم مطاعم كانوا مفتوحين .. . . قام يعصب علي ، عشان راح أفطره في مطعم ؟؟؟؟؟ دخلنا المطعم ، و أنا تعبانة تعبانة تعبااااااااانة بجد .. حامل بالشهر السابع ، و صايمة .. و مشيت كثير ، و ماتسحرت كويس .. و ضاغطة على أعصابي و أمشيها له من أول و ألطف الجو و اضحك و ابتسم و أخد بخاطره .. دخلنا المطعم ، و خلاص باقي عالأذان دقيقتين .. لسى تونا بندخل و نجلس ، يقول لي بتكشيرة .. ياللا بسرعة اختاري دحين .. قلت له ، طيب لحظة تعبانة .. يقول لي ، ياللا الجرسون يستنى و بعد ما يأذن مافي طلبات .. فتحت المنيو .. و أنا ميتة عطشششش .. قلت له ، طيب خليه يجيب تمر و موية على بال كذا ، عطشااااااااااااااااانة .. قال لي ، ياللا بسرعة .. و يرفع صوته .. فتحت المنيو و بلعت قهري و قام الجرسون قال له بالإنجليزي : ( حتى لو اخترتوا دحين و سجلنا الطلبات .. معليه ما راح نجيب الطلب غير بعد الصلاة ) زوجي قال له ( أهااا .. طيب خلاص تعال بعد ما يأذن ) .. أنا أخدت راحتي و جيت بأجلس أرتاح شوي .. ( تعبانة مو راضي يفهم ) .. رجع يكمل النكد ، و يقول ( إيش المطعم هذا ؟ لو إني فطرت بالمسجد على تمر و موية كان أحسن لي ووو إلخ ) جابوا لنا ضيافة ، مثل عادة المطاعم ( تمر و قهوة عربية و 4 حبات سمبوسة ) .. قمت أنا مثل الهبلة ، ضحكت و قلت له : ( تخيييييل .. ناكل التمر و السمبوسة .. و نشرب الموية و القهوة و نخرج نقول لهم مع السلامة ) .. قام ينافخ كمان و يعصب .. . . أنا وقتها خلااااااااااااااااااااااااص بجد ، وجهي قلب و كتتتتتتمت الدموع و مابغى أنكد اليوم لإني خارجة أبغى انبسط و أروق .. قمت فكيت ريقي و أكلت التمرة و شربت القهوة و باين إني معصبة ، و هو منتبه إني معصبة .. بس أحسسسسسس كل حركاته اللي قبل من قصد .. يستنى اللحظة هذه ؟؟؟؟؟؟؟؟؟؟؟؟؟؟ نزلت الطرحة شوي على عيني عشان ما يشوف عيوني بدأت تدمع .. و ما بأكلمه ، و تويي أكل حبة السمبوسة .. قام يطالع فيا ، و يرفع صوته و يقول ( ياللا .. مو ناقصنا نكد ، تقلبي وجهك تكشيرة .. أنا كمان ترى ) ما كمل الجملة ،، إلا و أنا انفجرت و خلاص ما حسيت بحالي .. رميت - استغفر الله - باقي السمبوسة من يدي و جات عالصحن و طرطش الزيت اللي فيها على ثوب زوجي .. و قلت له ( شوووووووف .. ترى و ترى و ترى و ترى .... إلخ ) ما أعرف إيش صرت أتكلم .. و صرت ألوح بيدي و صوتي سمعوه الجرسون ، لدرجة إنه واحد منهم بسرعة جاء و يسألنا إيش الطلبات ؟ شكلهم انفجعوا .. و من ضمن الكلام قلتلته ( إنت إيش تبغى بالضبط ؟ من أول تعصب و تصرخ و متحملتك .. ماني خارجة أتنكد .. ماتخلي الواحد ينبسط لو يوم واحد .. إيش فيك من أول تصرخ ؟ إلا لازم تنننننكد .. جايبتك بمطعم و مو عاجبك ؟ إيش تبغى بالضبط ؟ بالقوة إلا تنكد عالواحد ، ما تخلي الواحد ينبسط ؟ من أول اضحك لك و انكت معاك و إنت قالب بوزك ... إلخ ) شوي و حسيت الناس سمعوني .. قلتله ، إنت الواحد ما يخرج معاك مرة ثانية .. . . سبحان مغير الأحوال .. ( أنا قلت ، خلاص بيعصب و نطلع من المطعم ) .. ما أشوفه غير أخد قطعة السمبوسة اللي طارت ، و أكلها .. و مبتسم ابتسامة عريضة جدا .. و صار ساكت عشان أهدأ .. و طلب الطلبات من الجرسون ، و أنا طلبت أي شي و كنت مرة معصبة خلاص .. و ينكت مع الجرسون و يبتسم له .. و التكشيرة اللي من ساعتين ، انقلبت لضحك و ابتسامة و فرح و سرور .. و يطالع فيا ، و بكل بروووووووووووووووود يقول ( إيش أسوي ؟ كنت جوعان و صايم ؟ ) و كذا ابتسامته ---> . . و أنا دمي فااااااااااااااااااااااااااااير وقتها ، لو اكسر الصحن براسه ما همني وقتها .. و قام انقلب و صار ( زوجي اللي أعرفه ) .. أليف ، و لطيف ، و حنون ، و حبوب ، و يتريق و يمزح .. و يقول تعليقات عشان ارجع اضحك .. و أنا وقتها خلاص بجد ، دمووووووعي ماقدرت أتمالكها .. لإني بجد تعبانة كنت .. و صار لنا من زمان ما خرجنا و ما غيرت جو .. في اليوم الي نخرج فيه ، كذا يعمل فيا ؟؟؟؟؟؟؟؟؟؟؟؟ . . قلتله ( إنت ما ينفع لك غير محل الرز الفلاني ) .. محل شعبي .. و مو عاجبك المطعم ، دحين تروووووح جري لأصحابك في الشغل و تقول لهم و الله و فطرت في المطعم الفلاني اليوم .. قام يضحك و يقول لي ( شايفتني روح الطير ؟ دحين تاخدي الكاميرا و تتصوري جنب الصحن و توريه لصحباتك ) قلت له ( جيت المطعم هذا قبل كذا مع صحباتي ، و المطعم الفلاني رحته مع أخواتي ، و المطعم الفلاني رحته كمان كم مرة ) هو عارف إني جيت المطعم هذا مع صحباتي قبل شهر ، بس كذا عشان أنسى إني مقهورة منه .. يقول لي ( بجد ؟؟؟؟؟؟؟؟؟؟ متى جيتي ؟ ) قلت له ( جيت هذيك المرة و إنت تدري متى !!؟ ) قال لي ( كذابة ، شكلك ماعمرك دخلتي المطعم ، شوفي حتى مانتي عارفة إيش الشوربات اللي عندهم ) قلت له ( جيت بس ما طلبت شوربة ) . . المهم ، مع الكلام نسيت كل شي .. و هو مبسوووووووووووووووووط و كأنه عمل انجاز ، إنه خلاني أعصب .. !!!؟؟؟؟؟ . . أول مرة أشوف رجال زي كذا ؟؟؟؟ ماني لاقية تفسير لحركته هذه اللي يعملها معاي ؟؟؟؟ يحب يشوفني أعصب ؟ و لا يحب أحد يعصب عليه ؟ و لا إيش ؟ . . و لو سكتتتتتتتتتتتتتتتتتتتت و ما عصبت ، يقوم ينكد و ينكد و ينكد .. و في الأخير ، لما انفجر خلاص .. يبتسم و يقول ليش تحبي النكد ؟ , , قلت له اخر مرة .. ( إنت تعودت تعيش في بيت أهلك .. كل يوم نكد لازم .. فتشتاق للنكد .. صارت عندك عقدة نفسية و تدور عالنكد ) يتريق و يقول ( لازم .. ملح الحياة ) قلت له ( يا حبيبي .. لما تشتاق للنكد .. فيه بيت بابا هنا قريب .. رووووح عنده و ما يقصر معاك ، بيعيشك بنكد ) يضحك و يقول تضحكي لما تعصبي .. |
28-07-2013, 06:13 AM
|
المشاركة الأصلية كتبت بواسطة مرام سعود
يا الله انا كنت راح اولد وانا اقراء موقفك
روح حبيبتي ايش انكت واسولف عشان ماتخرب الطلعه مهرج انتي!!!!! المفروض اول ما بداء حركات نص الكم حطيتي عينك في عينه وبكل هدوء وصوت واضح قلتي له حط لسانك في حلقك وسكر فمك وحسابك لما نرجع البيت وخليتيه يجلس على اعصابه ولما ترجعي البيت الله الله في اسلوب النكد عشان يحرم يزعلك انا لو مكانك اشتريت لي فطور واخذته معاي وقلت له روح افطر في المسجد 😁😁 |
27-07-2013, 07:09 PM
27-07-2013, 07:27 PM
27-07-2013, 09:59 PM
|
المشاركة الأصلية كتبت بواسطة مبتعثة متفائلة
يب دام انتي الي بتدفعي للمطعم لا تطلعي معاه
دام فيها نكد قولي له صراحه دام فيها نكد وزعل وتتضايق خلاص اخر مره اطلع معك مطعم بروح مع اخواتي |
27-07-2013, 09:17 PM
27-07-2013, 09:33 PM
27-07-2013, 09:51 PM
27-07-2013, 10:17 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور