آميين يارب ولكل المسلمين ......... جزاك الله خيرآ والله بأفكر مثل ما قلت وأمي الله يحفظها مستعجله تقول كم واحد واحد وتقولي لا وميين يقبل فيك واحمدي ربك ومن هالكلام وانا ابي واحد احس بالامان ومشكلة السرقه هذه ماني قادره أتقبلها واخوي بيسأل عنه ويقول لسه اصبروو لا تردوو وخالته تبغى الرد عاد اذا فيه خيير الله يكتبه واذا شر ربي يصرفه عني ويرزقه باللي تسعده .......... نسيت اقول تختلف لهجته عن لهجتي ومستواه التعليمي وبيئته كثيير نختلف

الحب الاول................ جزاك الله خيرآ
ندى ..........جزاك الله خيرآ

تمهلي وصدق اخوك تمهلوا واسالوا فانتي ما زلتي على بر سوف تصبحين في ذمة رجل من هو الرجل ؟ ما هي اخلاقه ثم ستكونين ام من الذي يربي ابنائك ؟؟ فسوف ينقل ويربي ابنائك على ما ترباء ..

ثم استخيري .. استخيري ... استخيري .. فهو يعلم ونحن لا نعلم ..

ووفقك الله

اريد رأي من خلاله اقرر قرار نهائي والله تعبت .........
اخوي سال عنه يقولي ما ينفع مو منتظم بدوامه وما عنده اصحاب غير اثنين حقين حشيش والحي اللي ساكن فيه يقولو مو مصاحب احد فينا حاله حال نفسه واختي اللي من طرف زوجها تقولي يتغير ويستقر انتي بيدك تغيريه لانسان ثاني وامي معاها واخواني اثنين واحد يقول على راحتك تحملي ما يجييك والثاني يقول لا واخواتي نصهم مع والنص ضد مع الاجنبي يزنو ع راسي وانا استخرت ربي وبس اشوف اني اطيح بحفره واطلع وخايفه ساعات اقول دام انه بار بأمه يعني فيه الخير وساعات اقول الصاحب ساحب واخته تتصل علي تحلف انه طيب وانه حنوون وانه ,,,,,,,,,,,وما زلت افكر ووكلت امري لرب العالمين ولازم ارد خلال يومين ...........

لما سالتوا امام المسجد اللي عند بيتهم وش قال؟
ما اكذب عليك أحس الاثنين مايصلحون لك.. أولا عنده أصدقاء بهالشكل تخافين لأنه هو اختارهم له يعني يرتاح لهم يعني مؤيد لهم ومهما كان ترى الانسان اللي يطلع من تجربة وتعلم منها يحاول يثبت للناس اني تغيرت وأول شيء الاصدقاء يغيرهم ويداوم بالمسجد ويصير محبوب بين الحي حتى ان الكل يشهد له بس جيرانهم يقولون مايحتك بأحد وهذا اللي يخوف..
الرجل اللي توافقين عليه لازم الأغلبية يمدحونه .. صحين الأنسان مش كامل والكمال لله بس في أمور مايجرب فيها الأنسان نفسه خاصة انه عشرة عمر..
والأجنبي بياخذك اتوقع فترة بس الله أعلم بنواياه..
تأكدي ان الله ماراح يتركك وحتى لو عندك اعاقة ..
وتوكلي على الله في أي قرار والله يوفقك

انا من راي لا هذا ولا ذاك......................
لكن لو اخترتي فأقول الاجنبي احسن
لان هذا السعودي سارق و خريج سجون و له مشاكل و طامع بفلوسك و مدخن
و انا ايضا لا استبعد فكره انه بيتعاطى حشيش بما انه يعاشر ناس بتتعاطى مخدرات...
اسمعيني و انا اقول لك ابعدي ابعدي من هذا السارق
انتي تستحقين افضل من واحد خريج سجون.....
اياك و الزواج به لان بتندمين بعدين.....
و نصيحة اخرى مهمة انك احذري من ان تتزوجي على حسب مزاج اخوكي
ولا ابوكي ولا امك ولا عمك ولا مدري شو...
لانك انتي اللي بتتزوجي مو عمك ولا خالك و لا عمتك ولا مدري شو...
انتي المفروض اللي تفكرين بمصلحتك
و لازم تكونين مقتنعة 100% لان هذا زواج مو لعبة...
ربي يوفقك فاختيار الزوج

تحياتي

__________________

جزاك الله خيرآ
الاثنين ما ينفعوو وانتهى الموضوع
وسواء بإعاقه او غير اعاقه الله لا يترك احد فهو ارحم وأعلم بعباده

جزاك الله خيرآ
الاجنبي ليس أفضل مستقبلآ وهو كذلك طمعان مثله مثل السعودي
ولن ارتبط بمزاج احد لكني أتأثر برأيهم وفي النهايه القرار قراري