اخواني الاداريه
اليوم 24.7.2013

اطلب غلق الموضوع ..

اشكر كل الاعضاء اللي قدموا النصيحه واشكر الاعضاء اللي تمنولي التوفيق بظهر غيب
المستجدات راح احتفظ فيها لين عقب العيد ان شالله وراح اطرحها لسبب واحد لاني تعودت على هالمكان في الاخر محد بيفرح لشخص مجهول من قلبه ..

تقبل الله منا ومنكم صيامنا ..






يرجى غلق الموضوع..

روضةحبيبتي كلهم ردين تﻻتة الكﻻم فيهم خارج الموضوع ترى ﻻتشات عام وﻻخاص:-P
بالنسبةماحد يفرح لحد مجهول من قلبه هالشيئ غلط ﻷن اﻷرواح تتﻻقى دون اﻷجساد والحب في الله جميل وهون العضوات مثﻻ يحبو بعض ﻻلشيء سوى المحبة دون وجود اي مصلحة ...فالانسان يفرح لغيره حتى لو عالنت ... وانت مش مجهولة وﻻشي وبنفرحلك بس تفرحي ولوﻻ اهتمامنا ماكان حد رد مدام انك مجهولة صح؟وبما انه ردينا واهتمينا رغم انو منتدى فهادا دليل بنفرح لفرحم برضو ... موفقة

__________________

السلام عليكم ورحمه الله وبركاته ..




انا اليوم طايره من الفرحه... سالم ربي يحفظه لي زارنا زياره وديه ... اتصل فيني ابويه قالي زهبي الميلس والفواله جماعه بيون ...
اتحراهم حد من الاهل او جي من دخل عليا خليفه قالي بشاره روضه قلت امر قالي شو بشارتي قلت قول والله اعطيك قالي اتحيدين سالم السعودي قلتله احلف انه هو نفسه ماغير جان يقول سلم عليا بالويه بالغلط بعدين رد يسلم بالخشم قلته هات المهم شو قال جان يقول بس يروح بخبرج ييت ابشرج شكله بيخطبج من سوالفه مع ابويه قلتله سير سير الحين لااضيع وقت اقعد عنده صرخت ماصدقت يوم دخل خليفه حجرتي سرت ومن نص ساعه سالم سار.. خليفه يضحك وكان بيخبرني شو صار وشو قالوا بس ابويه زقرني وقال روضه تعالي برمسج..

قلته ان شالله.. انا عاد تبلمت .. جدا م ابويه جان يقولي روضه تعرفين منوا عندنا قلتله هي دريتبه .. قالي شو تعرفين .. قلتله ابصراحه الريال متصل ع رقم بطي ومارديت جان يطرش مسج عشان ارد ورمسته قالي كلمتين وبسكر .. هاتي رقم ابوج.. وجان اعطيه رقمك.. وماادري شي عقبها... جان يقولي الريال رمس يباج واتصل بخاله عشان يرمسني والبيت بيتهم مرحبابهم متى ماعزموا وانتي فكري ع راحتج لين وقتها ان شالله .. وعطيته ان شالله عقب العيد حياهم الله.. وعقب قالي بطلع بسير احجزلي مكان في مسيد الشيخ زايد قبل الزحمه جان اقوله شل خليفه معاك ..


خليفه يخبرني. عن االلي دار بينهم




الله يتمم الامور ع خير ان شالله ويحقق الاماني . دعواتكم لي بالخير ..

ربنا يتمم ع خير
ويفرح قلبك

ابوك يعرف انك الثانية راح تكوني؟

__________________


اللهم اعنا على ذكرك وشكرك وحسن عبادتك

مانجرات اسال ابويه بس يرد خليفه بعرف اللي صار وابويه مابيرمس في التفاصيل الا يوم يجتمعون الكبار ...

مبروووووووك ...
وحياه مقبله سعيده ان شاء الله بالحب والايمان وطاعة الرحمن ...
بالتوفيق والله يكتب لك الخير ...

الله يبارك لج ويسعدك ... ويرزقج الذرية الصالحه

وتذكري كلام الأعضاء ونصايحهم لج بموضوعج الأول روضه .. الدنيا زايله وما عليها حسوفه

__________________

اجمعين اخت بيتا .. اشكرج

الله يبارج فيج حبوبه .. ماخليت البجكاره تنام قبل ماتخبرني سو جافت وكيف صاير شكله وشو كان يسوي طلعت موب هينه بجكارتتنا قالت اول قولي والله باجر توديني كوفي بعدين انا بقولج .



اليوم شكلي برقد في الميلس اشم ريحه دهن عود ها مال ابويا وعطر سالم بعد ياريحه الحبايب ريحه القلبين ابويا وسالم . الله لايحرمني منهم

الله يتمم سعادتك عزيزتي .. ويقدم لك اللي فيه الخير ..

أهم ما في الأمر أن يكون والدك مطلع على كل التفاصيل .. وفقكِ ربي

__________________