السلام عليكم ورحمة الله و بركاته
عندي ابني الكبير فهد 4ونص سنوات يروح الروضة اول سنة يعني KG1 و كم يوم ويجلس يتسلى فية طبعا

وبنتي الصغيرة فوز 3 سنوات

وانا حامل في اول الشهر الرابع ومتعبة طبعا

ابنائي كما ترون الفرق بينهم بسيط جدا

وهوة ميزة في انهم متقاربون و يحبون بعض و يلتهوون احيانا من بعض

ولكن هناك الكثير من الامور المتعبة وانا صرت عصبية واضربهم و كثيرة الصراخ واصبت بالملل جدا منهم

الله يخليهم ويسعدهم
وولكن

طبعا اطفال صغار وفي سن بعض

لكم ان تتخيلو

في جميع الاحوال صراخ

لقرب السن يتشجارو عنفس الالعاب و بدهم مين يفك بينهم

ولو متفقين وبلعبو برضو صوتهم عالي من الانفعال والتسلي

و الضحية انا في الحالتين

هواياتهم متعبة ولا اقدر اخليهم براحتهم

متسلطين عالمية من ايام الشتا والبرد

يعبو الطشت مية ويبهدلو حالهم والدنيا

يا يسكرو الحوض مية

ومرة صحين لاقينا البيت كلو مية عايم زي حوض السباحة ( عندي مساحات بلاط )

وهكذا

طبعا عشان بحبو هادا الامر انا عاقبتهم على قصة تعبية البيت مية

ولكن صرت كل كم يوم اخليهم يلعبو براحتهم في الطشت في الحمام

ولكن لا حياة لمن تنادي

مايننعطو وجه ... يصيرو من ورايا كل يوم كل يوم بهدلة

طيب والمية مش حرام يضيع

انا قلت كل يومين يتسلو او كل تلات ايام مش مشكلة

بس هادول ماخدينها مقاولة وانا مليت جدا جدا من هالمسالة وصرت اضربهم عليها ولا فائدة

يلعبو بتسكير الباب على بعض يعني يجرو ورة بعض

ماينكست عشان يخرب الباب وازعاج والجيران

يطلعو للبلكونة ممكن يأذو نفسهم

يلعبو بسلك المكواة مثلا

يتركو كل البيت والمساحات الواسعة

يلعبو عطاولة اللاب توب وعاللاب توب يحطو العابهم

ماينكست عليه عشان اللاب توب يخرب واكتر من مرة وقعوه

وانا كل شوي افتحو مااقدر اخبيه في الشنطة كل شوي

ولو اجيت انام ماساة يتركو البيت كلو ويجلسو جمب غرفتي

والدنيا حر مااقدر اسكر على حالي

ولو سكرت يخبطو عالباب

وبنتي الصغيرة دلوعة من الهوا الطاير تسرخ كنو حد قاتلها وتيجي ترتمي علية كانها تعاني من سنوات طوال
والحقيقة تكون امر تافه جد

ممكن يلعبو في المطبخ و بخبطو في خزانات المطبخ

و هكذا امور لااسكتت عليها لانو فيها خراب و مصايب

عندهم العاب

مكعبات

حيوانات بلاستيك يحبوها جدا

عندهم الوان ودفاتر

بسكليت

يلعبو ويملو و يروحو للتخريب

هما يتسلو ويكونو مبسوطين مش انو مجرد تخريب

يعني يكون اداة من ادوات اللعب

اطلع فيهم احيانا ولكن بحكم عمل زوجي والجو صار حار جدا ماعدت اقدر اخرجهم زي ايام الربيع والشتا كنت اخرج فيهم في الظهر للحديقة اكتر


اروح بيت اهلي واهل زوجي

اخدهم لو في حفلة او زيارة بعيدة عشان يتسلو في السيارة

يعني احاول قدر المستطاع

افتحلهم وقت محدد للكرتون عشان مايخرب مخهم طول النهار كرتون

يعني اعمللهم من كل شيء شوي

اما بالنسبة لي صراحة صايرة مع الحمل عصبية اكتر و حساسة

ومالي خلق ابدا ابدا

وامل بسرعة و ماكتير بلعب معاهم او بجاريهم لاني فعلا تعبانة ضغطي منخفض وراثيا والجو حار ومع الحمل

اصبحت دائما في دوخة وهبوط

بعدين اولادي ملزقين فية بشكل مو طبيعي

ماادري احس انو هية ردة فعل لاحساسي الدائم بعدم حبي للتلزيق وحبي لترك مساحة و حرية لذاني

حاولت تغيير هالامر داخلي ماقدرت مالي خلق صراحة للاطفال و الدوشة وهي فية بالطبيعة

احبهم واموت فيهم بس مااتحمل التلزيق طول النهار الله يحميهم

لو جلست عاللاب توب يلزقو وانا انرفز بسرعة و احاول ابعادهم يلزقو زيادة

وتنتهي كل الاماكن في الدنيا الا عند المخدة الي وراء ظهري او لزق في كتفي او ورائي وانا مع الحر استفز جدا

لاادري كيف اقول لكم

ايضا انا حريصة عالنظافة والترتيب جدااااااااا

لهيك يمكن احيانا اعصب واتنرفز اكتر من مشاغبتهم

وقصة المية هي صراحة صارت ازمة لانو كل انواع العقاب مانفع ومصرين نفس القرف و التوسيخ و البهدلة كل يوم

هما امورين وشطورين ماشاءلله تبارك الله ولكن الله يهديهم

الاطفال عنا عادة ايشوفو بعض لانو عنا الاعمام فوق بعض ساكنين فتجدي اطفال العائلة يتجمعو في الحوش ويلعبو سوا

اما نحن لا ساكنين لوحدنا بعيد عن اهل زوجي واصلا مافي اولاد عمام الا عم واحد

وهيك

احاول اطنش واقول طيب العبو في المية

احذر ابني الكبير من اغراق الحمام والمنزل لانو ماشاءالله زكي وبيفهم وبيستوعب تماما

يقلي حاضر

ولو ماضليت اسرخ كل شوي وهس واسكت وخلص وماتفتح الدوش

الاقي الدنيا غرقت

هوة صراحة راس الفساد بنتي لوحدها بتكون هادية جدا

وابني طبعا في سن العناد وال ....... افففف مليت ههههههههههههههههه

مممممممم

اكثر مااكرهه صرت نرفزتي و نفوري و عدم قربي منهم ورواق الاعصاب بحيث اهتم فيهم اكتر

انا احبهم واربيهم وارعاهم قدر المستطاع

والحمدلله الناس يشيدو بهم دائما
وانو هما مربيين ونظاف

طبعا فانا روحي تطلع

واركز عالامور هي غصب عني مع انو اشوف الناس حوالية غير مبالليين لهدرجة

يعني اشوف العجب من اولاد الناس واهاليهم طناش

بس انا مابقدر اشوف بنتي رمت ورقة في البيت واسكت

يعني واعلمهم كل امور النظافة

غسل ايدك قبل الاكل
بعد الاكل
بعد الحمام

امسح وجهك

حط حذائك مكانه
ماتمشي بالحذاء عالسجاد والبلاط ... جاي من برة غير متوقع يكون موضع ثقة هالحذاء عشان يمشي عليه في مكان جلوسنا ومعيشتنا

علق ملابسك

رتب العابك

طبعا احيانا اطنش واحيانا لا

اطنش عشان مااضغط عليهم زيادة

وبنفس الوقت اركز عشان ماانقهر لما يكبرو ويطلعو فوضويين

اضافة الاقيها امور مهمة جدا وهي المشكلة اني اصاب بالضغط العصبي نتيجة لفي ورائهم طول النهار

ممممم

سامحوني ان اطلت ولكن اشعر بالذنب كثيرا واشعر ان جزء من بعض تصرفاتهم مسؤوليتي كرد فعل منهم على

مللي او عصبيتي او او

كيف اصير ام هادية مروقة

كيف انشط نفسي معاهم واتحملهم

والله العظيم خلقة الله مالي طول خلق حاولت حاولت تحسنت لجد معين فقط لااقدر اكتر ماالعمل

يعني عايزة اصير اتحملهم اكتر

وقولو لي ماالعمل في هواياتهم الي لاينسكت عنها من العاب خطر او مياه او او

اخدهم امشيهم للدكانة واشتريلهم الي بدهم اياه اخليهم ياخدو الفلوس بنفسهم و ينقو الي بدهم اياه عشان يحسو بالحرية والثقة

ابوهم ياخدهم دايما معاه يمشيهم في المنطقة و ياخدهم يتفرجو عاماكن معينة

ياخدهم عالسوق ينقو معاه الخضار ويشترو عشان يحسو بالثقة

يعني دوامه طويل واتقيد به في الجو الحار خاصة
مو بايدي

وبعدين بنتي انا مابعرف ليش مش راضية تتعلم امور النظافة مثل ابني اختلافات يمكن لاادري

لكن تعبت وعجزت معاها طول النهار بعد كل شيء لازم اقلها امسكي الاكل كويس ماتوسخي
اغسلي حالك

ماترمي عالارض

نظفي نفسك

رجعي الكوب مكانه

ابدا ابدا ابداااااااا
تتصرف كنها في اوتيل

مو اوتيل انما تتصرف كنها في بيت يهود

تمشي تاكل الاكل وتترك الصحن مكانه وين مكان ممكن في الحمام

تفتح الحلوى وترمي الورقة عالارض

تشرب مية وتروح تطلع خصوصي تودي الكوب في مكان بعيد كنو عشان تقهرني

تبهدل حالها كتير في الاكل

وشيء غريب الي يشوفها يقول امها ماعلمتها شيء

مع العلم والله العظيم راسي يصدع من كتر التعليم لها

اتفاهم معها ياماما ياروحي انتي اميرة وشطورة وووو

تقللي حاضر وقتها وتنسا

هية صغيرة ولكني اقارن انو اخوها عكسها تماما بالعكس يمكن طالعلي يحب الترتيب و النظافة ويتقرف كمان ههههه

اما هية غير مبالية ابدا

وانا مليت وبنفس الوقت تعمل حركات لااقدر اخليها براحتها

خاصة ممكن تاكل وتمسح بملبسها فورا

والله احيانا احس بدي اموتها ضرب

كل يوم لازم ستين مرة اقلها ياروحي ماتمسحي بملابسك

شيء يرفع الضغط

قلت و حكيت ونصحت و قلت قصة البنت الشاطرة النظيفة

كافئتها عاقبتها فشششششششششششش ايييييي فائدة

جلطة والله العظيم

والي يفقع المرارة اخوها بالعكس تماما فهادا يخليني اعرف انو هادا سن يسمح بفهم هالامور

ماشاءالله عليه

الاطفال يختلفو بعرف ولكن البنت زكية وشاطرة ليش مش راضية تتعلم النظافة
وعاد لو رحت عند اهلي هما عارفين اني اعلمها وحريصة

ولكن برضو انقهر وهية تمسح في حالها او الكنب او الستارة

ليش ياعالم انا نفسي افهم

وش السواة على قولت اخواننا في السعودية هههههههه

احكي كل مافي جعبتهم وعقولكم من نصائح و تكلمو و ماتخلو في قلوبكم شي

تجاربكم نصائحكم لي دعاء يخليني اصير اهدا واروق واتحمل اكتر

وسامحوني عالاطالة

__________________

ماشاء الله تبارك الله الله يحفظهم لك حبيتهم وحبيت مغامراتهم الله يسعدهم
الطفل كائن ذكي جداً يعرف نقاط الضعف والقوة ويستغلها لنفسه رغم أنه طفل
أهم طريقه للتعامل مع الطفل لا تخاطبينه وتجادلينه ولاتتأمرين عليه وأنتي واقفه أنزلي لمستواه في الطول لا المستوى العقلي
ثاني شي الطفل لايفهم معنى كلمت لا ابداً
مثال / ياشطوره لاترمي الصحن
يفهم الطفل / ياشطوره أرمي الصحن
حتى لو نفذ طلبك لكن مستحيل يستمر بتنفيذه كل مره وبنفسه
الحل : تعطينه بدائل مثال /مين العسل اللي يساعد ماما نرفع الأكل
أو رفعت صحني سبقتكم يعني تحدي مره مرتين إلا أن هو يبدأ يتحدى
أو تؤكلين لهم مهمه مثلاً ترتيب الغرفه وضعي لهم حوافز لكن لاتكذبين بالحافز ابداً نفذيه صح
ممكن كمان تضعي لوحة لهم جدول بشكل رائع وطفولي وأكتبي المهام المطلوبه منهم وفهمي هم المطلوب منهم واللي يجمع أكثر نجمات نهاية اليوم يأخذ حلوى أو يلعب ساعه زياده أو أضع صورته على شاشة الكمبيوتر أو أي حافز سهل تنفيذه ثم تطوري للاسبوع بدل نهاية اليوم
أما اللعب بالماء أقفلي قسام الماء بدورة المياه ومثلي الدور أنك ما تعرفي شو السبب وحاولي قدامهم أنك بتصلحي الصنبور وقولي ننتظر بابا ونشوف شو يقول أذا جاء زوجك أفهميه الموضوع بينك وبينه ثم أرفعي صوتك وقولي دورة المياه ماادري شو فيها مافيها مويه وأبوكم يكمل تمثيل أنه يروح ويشوف ويحاول بعدين يبداء يقول هذا من اللعب وخلصت المويه وخرب الصنبور واتركيه يومين او اربع مقفل اذا انتي مااحتجتيه الا ان يسهو عنه .
وحاولي وحاولي وحاولي الأطفال يبغى لهم طولة بااااال مع تحايل. .

ام ترف شكرا لتجاوبك
اغلب الامور جربتها
قصة الجدول وهيك جربتها تعطين تائج جيدة احيانا واحيانا ماحد يهتم لها
لكن كنت احطلهم جوائز طويلة المدى يمكن هادا السبب
بدي اشوف كما قلتي امور يومية اسهل و اكتر تاثير
بالنسبة لصنبور المياه كنك تقري افكاري
مبارح بالليل فكرت نعمل حركة انا وزوجي
اخليه يسكت المصدر الاساسي للمياه الي بمد البيت كلو بالمياه
موجود داخل البيت ومسكر بباب زي خزانة المطبخ
والله فكرت قلت زوجي يسكره ونصير نقول سكرت المية عشان الاولاد يلعبو
وشوفو جزاء الي بلعب مية كيف خلصت المية
واخليهم يروحو الحمام الله يكرمك ومايلاقو سيفون ويحسو انو الدنيا صارت وسخة بسبب لعبهم
لعل وعسى يتعلمو
فكرة والله و دعمتيني بيها ان شاءالله انفذها
شكرا لك ودعواتك

__________________

ما شاء الله عليهم ربي يحفظهم لك ويفرحك بهم

ما عليك الا الصبر اعمارهم جدا متقاربه وراح يغلبوك اكثر

بالنسبه للمويه سوي فكرة الاخت واقفلي المويه لمده يوم كامل ولو احتجتيها افتحيها مع عدم وجودهم ‏
وقولي ان المويه خلصت بسبب لعبكم ‏

وقولي لهم اننا ما راح نلقى نشرب او نتحمم او حتى ناكل من غيرها ‏
اكيد بيخافو واول ما تشوفيهم اصابهم الهدوء من اللعب بالمويه رجعيها وقولي لهم عشان هم شاطرين وما لعبو بالمويه رجعت لنا ‏
اكيد بيكون في شي في نفسهم من هذا الكلام لكن مع ذلك قوليه ‏
ربي يحفظهم لك من كل سوء ‏

__________________




سبحان الله وبحمده ♥
سبحان الله العظيم ♡
♥♡♥♡♥

والله يا ملوكة يا حبيبتي
كان الله بعونك
خوفتيني الصراحة وكل ما اجي اكتب لك رد اخاوف واتردد واطلع
هههههههههه
اختك عندي توم وجيري --توامي -- وافكر بالحمل بعد رمضان --مجرد افكار تروح وتجي --

لكن بعد ما قرات موضوعك --اكثر من مرة
صار عندي شوية تردد وكاني نويت اجله بعد ثلاث سنين هههههههه بناتي بعمر السنتين وسبع شهور

يعني قمة العذاب ان الله كتب ورزقني بالحمل

الحمدلله والشكر له


حبيبتي
اولا لا تقولي لهم كلمة لا -عشان تنهيهم عن شي
قولي هذا خطا ومثلا ما تبينهم يلعبوا بالماء
قولي لهم ان لعبتوا بالماء يخلص وبعدين كيف نشرب وكيف نغسل ومنو يعطينا ماء
ومن هالكلام حتى يعرفوا قيمة الماء وما يتعودوا على كلمة -لا - الي راح تكون كلمتهم المفضلة و اول كلمة يردون فيها عليك


وثانيا
اقفلي باب الحمام -عزكم الله -ولا تفتيه الا بوقت الحاجة
هذة طريقتي مع بناتي الى ان تلعموا ان الباب دائما مقفل وصاروا ما يحاولوا حتى يفتحوه
يعني كم يوم اقفليه وبعدها عادي حتى ان ما قفلتيه -يظنوا ناه مقفول وما يفكروا يدخلوا يلعبوا بالماء

وشو شو كمان

ايي قصة اللابتوب -علميهم ان اغراض الي تحظها ماما تبقى مكانهاا وممنوع ان احد يلمسهااااااااا
يعني لا ترفعيه لا اخذيه من يدهم ورجعيه مكانه
وانتي من بعيد راقبيه وارفضي احد يتقرب منه --ساعتها يتعلموا ان اغراض البيت ممنوع يلعبوا فيها
واي شي ماما توضعه في مكان ممنوع احد يقرب عليه
مرة شفت ولد صديقتي -كنت عندها زياةر
بنتي راحت شالة غرض كان في ارف الثاني من الظاولة -حسب ما اذكر يمكن كان شمعدان صغير
فبنتي اخذته ظنت انه لعبه -فالولد دغري جا لامه يشكي بنتي لها
وانها اخذت شي ممنوع ترفعه من مكانه
واعطيته له ورجعه تمامااااااااا في مكانه
ما شاء الله عليه


يوووووه على الذاكرة صايرة تذب خيط وخيط
نسيت شنو كان في بالي
ان شاء الله -ان الله مد لي عمر ارجع اكتب لك مرة ثانية --ويمكن ثالثة على هالذاكرة -

ان تذكرت هههههههههههههههه
سلام يا احلى ملك
وربي يحفظ لك عيالك ويرزقك برهم ويحمي لك جنينك وتشوفيه بحضنك

بحفظ الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

ملك

هم متضايقين من ابتعادك نفسيا عنهم بسبب الحمل
عشان كذا يحبوا يلفتوا انتبهاك ولو بإزعاجك


لاتحاولي تحلي المشكله قبل ماتحلي سببها. وهو من دواخلهم

صدقيني الاطفال سريعين الاستجابه من الداخل بس لما تكون عندنا اراده ومثابره ونفس طويل


لما تشوفي. تصرف خطا واثار غضبك ادخلي عرفتك. وعدي من العشره الى الواحد واهدئي
وارجعي لهم بحزم وهدوء وتفاهمي معهم وخليهم بأنفسهم ينضفوا ويصلحوا اللي خربوه وناقشيهم في خطره





تشترين كتب ؟

لان عندي كتب مره حلوه ابي اعلمك اسمائها لو حبيتي

__________________
..