وبعدين معاك يا قلب .. !!!

مع احترامي لك وتفهمي لوضعك النفسي انتي تفتحين مواضيع للفضفضه فقط ..

ولا تاخذين بالاراء ابدا .. مع انه كل اللي قلناه حكمي عقلك حكمي عقلك حكمي عقلك ..

ابدا .. مصرة تعيشين دور الضحيه والمشكله انتي اللي تسبين لنفسك المشاكل اصلا ..

تتذكري لما قلت لك راجعي اخصائية تساعدك في مشكلتك.. بعد طلاقك من زوجك الاول ..؟

للان انا عند رايي انتي محتاجه مساعده اهل الاختصاص .. بعدك ما فقتي من الصدمه الاولى ..

قبلتي خطيبك الثاني وملكتي وتطلقتي وانخطبتي المرة الثالثه والحين طالبه الطلاق بالله يا قلب هالمواضيع كلها كم المده

اللي بينهم.. ؟ اصلا طلاقك من ابو عيالك كم صار له ؟

لين متى تبينا نجاملك؟

تتذكري شو رديت عليك لما قلتي في حد متقدم لي المرة الثالثه؟؟



تتذكري في موضوع العمليه قلت لك انسي الزواج فترة وروحي اشتغلي خلي يكون عندك دخل اي شيء تعتمدين عليه وتامنين مستقبل عيالك .. قلت لك يا قلب اقتصدي .. انتي تصرفين كثير تعلمي كيف

تديرين امورك الماليه واقتصدي .. الحين بالله وين راح المهر في هالفترة القصيييرة ؟؟؟!!!


ما اقول غير الله يسامح اللي شجعك على الطلاق من زوجك الاول ..

ومعليش سامحيني على قسوتي .. لكن نحن لما نخصص من وقتنا ونرد على المواضيع مش عشان زياده في عدد المشاركات .. انما مهتمين في الموضوع ومتالمين لوضع صاحبها .. واقل شيء يقدر صاحب الموضوع يقدمه لنفسه هو انه يفكر في الاراء ويطبق المناسب .. معقوله كل الناس غلطانه وانتي الصح؟

شوفي كم وحده قالت لك تــمـــهــلـي ..

ما قلنا لك انسي الزواج .. قلنا لك اجلي الفكرة شوي ....

الحين نصيحتي لك كالمعتاد.. لا تتسرعي... وفكري بعقلك ..

والله يكون في عونك وعون عيالك ..

__________________

مع داماس وبقوة
لازم تغيرين تفكيرك
وإلا سيكون الطلاق الثالث حلقة من سلسلة مشكلات لا نهاية لها

__________________
## مهم ##
هل تتعرضين للابتزاز في الانترنت؟


هنا من ينقذك

داماس
المهر ماصرفت منه الا العطور والقمصان بس ونصه انسرق من الشنطه وانا في المشغل يوم الملكه
مابقى منه الا عشره كانت الشنطه نسيت في الصاله ودخلت غرفة المكياج كان زوجي اتصالاته كثيره

__________________
《اللهم استودعتك أطفالي الذي لا تضيع ودائعه》

الله يسامحك ياروح الطير وجزاك الله خير
انا حبيت افضفض

__________________
《اللهم استودعتك أطفالي الذي لا تضيع ودائعه》

قلب دومج تقولين جزء من القصه و مب القصه كلها علشان الواحد يساعدج... تقولين الجزء اللي تبين الناس تتعاطف معاج فيه...

مع طليقج الاول ما ذكرتي ابدا انه طلقج مرتين.... و نصحناج بالطلاق لان العيشه معه صعبه و هددج بالسكين وخفنا عليج.... و تفاجأنا بعدها انها الطلاق الثالث...

مع الثاني حطيتي عالريال حط.... متناسيه انه مب لعبه بيدج انتي و اخوج علشان تملجون و بعدها تطلبين الطلاق على طول...مع الثالث نصحناج بالصبر قبل العقد... و كالعاده اذن من طين واذن من عجين.... صدق نضيع وقتنا معاج... طنشتي كل شي و ملجتي...

و الحين بعد اسبوع من الزواج طلبتي الطلاق بحجه "واااااااااااااااااااااهيه"

نعم... من حقه ترجعين له المهر.... كاااااااملا... لانه حالتج تعتبر "خلع" مب طلاق....

الزواج مب لعبه يا قلب... والناس مب لعبه في يدج و يد اهلج... تتزوجين و الناس تدفع و بعدين تطلبين الطلاق...

حكمي عقلج... زوجج مدحتيه وااااايد و طرتي فيه... مب ياهل علشان تطلبين الطلاق بدون سبب...

اه صحيح... موضوعج للفضفضه و مب علشان ايجاد حلول... فاسمحي لنا لو غثيناج...

هنا مربط الفرس اختي الفاضلة اتعلمين لماذا ؟ لانك مازلت تعيشين صدمة الانفصال من طليقك الاول وعقلك الباطن لم يستطع التخلص من اثارها ممايجعلك تقعين في دوامة متواصلة من البحث عن مثيل لطليقك حتى وان انكر عقلك ذلك ففلبك يكشف المستور انت تكتبين هنا بلغة المشاعر التي يحركها القلب ولن تستطيعي تنحيتها ابدا مادمت تغيبين دور العقل فعواطفك تضخم سلبيات زوجك الحالي بشكل غير عادي :::لم اعتد القسوةكثيرا في كلامي ولكن تصرفاتك اختي الفاضلة لاتمت لامراة ناضجة باي صلة والسبب هو عشوائية التفكير وتسليم دفة القيادة للقلب عند اتخاذ القرار ::::صدقيني يااختاه انت مشكلتك مع مشاعرك الكامنة فقط ان استطعت ان تمسحيها من الوجود صدقيني ستعيشين بسلام:::همسة : القرار كالدرة الثمينة يجب ان يضعها من يمتلكها في مكانها الذي يحفظ قيمتها ::نسال الله ان يفرج عنك ويلهمك من امرك رشدا

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

قلب

معرفك سلبي !

غيريه
خلي هالقلب ينام شويه ويرتاح



مسكين زوجك
قلبي عليه لما قلتي له طلقني !


تخيلي

قصور من الاحلام والطمأنينه انهارت امامه

خذلتيه ياقلب !

تفتكري لو رجعت له المهر ! وتطلقتي !
بترتاحين !!!!!

تفتكرين ان ظليمتك له بتمر هوا !!!!!

كسرتي قلبه وهو عريس


الله يقول وتلك ايام نداولها بين الناس

فكري في بكره


لاتستهيني بقلوب الناس عشان خاطر قلبك !

لأن قلبك ماهو اكبر من قلوبهم



معليش رغم اني ابدا ماحب ألوم واكره اللوم جدا

الاني اضطريت اكتب اللي كتبته

اصحي ياقلب !

قبل تلتفتين ماحولك احد !


حلو انك تطلقين 3 في هالفتره !!!


الحل هو انك تسكرين موضوع الطلاق ذا
وتبتسمين غصب كذا ^_^ غصب عن قلبك ذا

تقلبينه قلب فرحان الين يسافر زوجك وانتي مطيبه خاطره

لابيت اهلك ولاهم يحزنون

واذا سافر تجلسين جلسه مع قلبك لين تشوفين له حل

__________________
..

اغلاق الموضوع خلاص مابي اقرا ردود جارحه ارجوكم

__________________
《اللهم استودعتك أطفالي الذي لا تضيع ودائعه》

قلب انت جزء مهم في عائلتنا عالم الأسرة والمجتمع
ولا يرضينا الوضع اللي انت فيه
ان نصحنا وان قسينا لأنك أختنا
الله يصلح حالك ويسمح دربك
لكن العشوائية وضربة الحظ هذي تضيع بلد باللي فيه..
انت شفتي شي مع هذا الرجل ماعجبك وقمتي تفضفضين.. خصوصاً ان قرارك ما كان مدروس
وانت للأسف ماتعرفين وش تبين ولا عندك حدود تمشين عليها .. أي شي يجي والسلام..

[SIZE="4"][QUOTE]يغلق:::::::::

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014