السلام عليكم ورحمة الله وبركاته

متابعه لهالمنتدى من زمان ويعجبني مساعده الاعضاء لبعضهم
وهالمره بكتب مشكلتي عسى القى حل قبل الطلاق
اول شئ انا انسانه عاطفيه جدا وحساسه
تزوجت زوجي عن حب وكنت احلم مثل اي انثى بحياة مستقره وسعيده طبعا وصفوا لي زوجي قبل الزواج بانه انسان رومنسي وطيب تزوجته ومارحت شهر عسل لان زوجي يدرس وماقدر ياخذ اجازه تنازلت وقلت مو مشكله يعوضني بعدين وكنت عايشه مع اهله بحكم انه يدرس بعد من بداية الزواج اكتشفت انه انسان شكاك ويتهمني باشياء ماسويتها طبعا الرومنسيه من جنبها لي ست سنوات زواج ماسمعت كلمه حلوه او كلمة شكر او حتى نظرة اعجاب مايقرب مني الا اذا يبي شئ يتهرب مني طول يومه برى واذا جلس معي مشغول او ساكت مايتكلم افتح معاه مواضيع واناقش ولايرد علي حتى عمري ماسافرت معاه وحدنا دايم مع اهله او الناس حتى الهدايا مايجيبها الا بالطلب
فوق هذا ضعيف شخصيه ويخاف من اهله لي سنين اطالب بشقه بحكم انه توظف صح راتبه بسيط بس نقدر نفتح بيت بس كاني اتكلم مع جدار في البدايه ماكان حتى يرد الحين يقولي ان شاء الله ويسكت وغير كذا في مرايه في الصاله تكشف علي اذا طلعت المطبخ وكانوا اخوانه بالصاله وقلت له اكثر من مره وعادي عنده رغم انه غيور بشده لكن يخاف من امه ومايقدر يطلب منها شئ
حرمني اني اكمل دراستي وحرمني من الحب والاهتمام وكل شئ عنده ممنوع ويشك فيني وكل شوي يسوي مشكله من لاشئ
وفوق هذا اسلوبه معي زي الزفت يعاملني كاني عنده شغاله وهو مع الناس عليه اخلاق تقطر عسل بس انا مو من حقي يعاملني كذا
مايعترف بحقوقي ابد ويعتبر الحرمه الة للجنس بس والشغل والتربيه حتى اذا طلبت منه يضمني ولا يقولي كلمه حلوه يقولي كلام مسلسلات
الحين حصلت بيننا مشكله لاني كنت ضايقه منه ومحتاجه احتواء وانا الحين حامل ورحت فتحت مقاطع لستار اكادمي ويوم رحت انام راح يفتش وراي ولقي المقاطع وزعل وارسل لي في الواتس انتي يبيلك تربيه من جديد وان شاء الله تكوني ارتحتي يوم شفتي المقاطع
انا رديت عليه ايه ارتحت انت حرمتني وانا رحت ادور اللي احتاجه بالحرام
وارسلي بعدها الله لايسامحك دنيا واخره
طبعا مو اول مره يقولها على كل مشكله يدعي علي بهالدعوه
وللعلم اسلوبي معاه ماكان كذا بس جربت معاه كل الاساليب ومافادت فصرت ارد عليه بهذا الاسلوب عشان اطلع اللي بقلبي
طبعا في مشاكل كثير حصلت بسبب اني كنت اتابع مسلسلات تركيه وكل مايكشفني يسوي مشكله كبيره ومايرضى الا بعد مااحلف على القرآن اني مااشوفها مره ثانيه
وانا فعلا تركتها لاني وعدته وسبحان الله اي شئ غلط اسويه انكشف على طول وقلت اكيد ربي يبي الخير لي
بس والله مو بيدي اذا انحرمت اوصل لمرحله احس نفسي بنحرف خلاص والقى انه اهون شئ ممكن يخفف عني هالاشياء
الحين قررت انفصل عنه لاني خلاص وصلت مرحله خسرت فيها ثقتي بنفسي وجتني الامراض النفسيه بسببه وصرت عصبيه لابعد حد وخسرت السعاده والراحه وكرهته من كل قلبي وصرت انفر منه خصوصا وقت العلاقه
ومو كاسرني الا بنتي والبيبي اللي في بطني وغير كذا عندنا الطلاق مصيبه لاتغتفر
فخايفه كثير من نتيجة قراري
فهل فيه امل ان الانسان ذا يتغير ويفهمني والا الطلاق هو الحل الوحيد
اللي كتبته غيض من فيض ولو اكتب كل شئ عنه والله مااخلص
بس الحمدلله على كل حال

حاليا لاتردي عليه
ولو استفزك ودعا عليك لاتنطقي كلمه ولاترسلي شي
قومي بواجباتك كزوجه. واعطيه حقوقه
لكن بدون إبتسام او ضحك

لاتفكري تطلعي ولا تطرين الطلاق

وخاك من هالخرابيط ستار اكاديمي
والله انها قمة الانحلال
وخلك*
كل ماضقتي اقري القرآن
لي عوده بعد ما اتشافى ان شالله

__________________
..

يا اختي هونيها وتهون

اللي تمرين فيه من اثر هرمونات الحمل

لا يصير بس همج الحب والرومانسيات ادري ان المرة تحتاج هالشي بس والله من واقع اعيشه احسن شي ان الوحدة يكون بيتها مستقر

ومثل ما قالت اختي رذاذ كل ما ضاقت الدنيا فيج ذكري الله واستغفري واشكي همج لله

صدقيني ماراح تلقين الا اللي تبينه واحسن

محد راح يلين قلب زوجج لج الا الله

توجهي لله وتفاءلي بالخير وصدقيني ماراح تلقين الارالخير

__________________
لا اله الا انت سبحانك اني كنت من الظالمين

ايش المشكلة عنده اذا تفرجتي مسلسلات تركية و لا ستار اكاديمي ؟
مجرد استفسار .. لاني الي اعرفه عن استار اكاديمي انه برنامج تافه

بس ماعرف ليش هو مكبرها ..

المهم ..
موضوعك ما يستاهل الانفصال ..
و لاتنسي انك حامل و بتكوني حساسة بزيادة و عصبية

الله يشفيك ياقلبي ويعافيك
كنت ارد عليه ومن اليوم ان شاء الله بطنش
وانا تبت وتركتها وان شاء الله هالمره مارجع ومو عشانه والله بس عشان ربي
طيب هو يحاول يتقرب لانه يبي حقه الشرعي اش اسوي في هالحاله لانه كالعاده اذا كان زعلان يأخذ حقه وبعدها يحقرني وازيد اتعب اكثر لانه يحسسني اني بس لمتعته
ومااقدر امنعه كمان واعصي ربي
فماني عارفه كيف اتصرف
ومشكوره حبوبه الله يسعدك

ياليته من الحمل بس المشكله من زمان مشاعري تغيرت تجاهه
وماني قادره استعيد حبه لاني كل مره احاول ويصدمني بتصرفاته معي وازيد اكرهه اكثر حتى اذا رحت لاهلي مرات اجلس اسبوع ومااحس اني اشتاق له ابد بالعكس اتمنى ماارجع
والحب بالنسبه لي شئ مهم جدا بس اكيد بتغاضى عنه لو لقيت شئ يعوض بس للاسف مافي لا معامله زينه ولاراحه نفسيه ولاشئ ممكن يصبرني
الله يهديني واقدر ارضي ربي لانه فعلا اهم شئ
الله يسعدك ياقلبي ويعطيك حتى يرضيك

ياقلبي والله انا نفسي مو عارفه هو عنده كل شئ ممنوع ومصيبه
والله يوم كنت اتابع مسلسلات تركيه ويكشفني يقول كلام مدري كيف والله اللي يسمعه يتوقع سويت مصيبه لاتغتفر
هو طبعه شكاك وغيور جدا والمشكله
يتوقع اني اطالع في الرجال لانه مايملى عيني هو دايم اذا مدحته يرجع يسب نفسه ثقته بنفسه مهزوزه ويخاف اني اطالع غيره
وفهمته اني مااطالع فيها الا من حرماني من الاهتمام والحب ولو لقيت اللي ابيه عنده ماطالعتها بس مايصدقني ابد ولايفهمني
حتى
ياليته من الحمل كان صبرت وتحملت بس نفس الموضوع يتكرر من اول ماتزوجت في البدايه كان يتهمني باشياء ماسويتها يلقى صور اباحيه في كمبيوتر اهله ويتهمني اني انا اللي فتحتها وانا والله مااقدر حتى اطالع هذا كان اول جرح لي في حياتي مانساه منه ابد ومن بعدها بدأت المشاكل والشك والغيره
حتى لو طلعنا والتفت عادي سوى سالفه وانتي تطالعين في الرجال وتحاولين تغرينهم صرت اكره الطلعات معاه طول الوقت اطالع تحت وامشي كاني صنم عشان لايشكك فيني واذا طلعت مع اهلي احس بالفرق يالله قد ايش كنت سعيده ومرتاحه
الله يعين والله مدري من فين القاها
ربي يعطيك العافيه

امس جاء يتقرب مني واعطيته حقه الشرعي قلت يمكن يرضى واليوم رجع قالب وجهه علي
المشكله زواج اخته بعد يومين ولو جاء الزواج وهو بنفس الوضع فمشكله لانه حتى اذا كان راضي لازم ينكد علي ايام المناسبات ويكرهني في الروحه فكيف اذا كان زعلان
على فكره قبل يومين قلت له يصلح الايباد لانه خربان وراح وجاب واحد جديد مدري اش هدفه ماعمره جاب شئ بدون طلب
وحنيت له ورحت اعتذرت وعطاني طنش وبعدين ندمت
والله مدري كيف اتصرف مع هالانسان

تعتذري له على ايش لما جاب الايباد ؟

اعتذرت على خطئي في حقه طبعا انا ادري ان غلطي يخصني وحدي والمفروض مااعتذر
لاني مااسئت له شخصيا بس انا مشكلتي اكره ماعندي في الحياه اجواء الزعل وادور اي شئ عشان ارجع المياه لمجاريها
المهم اني حنيت له وحسيت بالذنب يوم جاب الايباد حسيت اني غلطانه في حقه ومشاعري تحكم تصرفاتي فاعتذرت له