و بديت العب معاهم و ينبسطوا كثير .. و تتحسن نفسيتهم و اشوف الاثر بعيني ..
بالنسبة للتفريق بينهم يانورة ..
فهذه النقطة باراعيها كثييييير ..
لاني عانيت من اخواتي بعد موت امي .. بسبب تفريقها بيننا .. و بحسن نية منها ..


و الافكار الي قلتيها .. حلوة و بديت بالتطبيق

.
.

الحمد لله و الشكر .. من أمس و أنا احمد ربي ..
و تمنيت أمي تكون فيه .. عشان احكي لها عن ولدي الكبير ..

لانه امي كانت مرة تحبه .. و تميزه عن الكل و عن كل احفادها ..
و تقول لهم .. هذا غييير و عاقل ..

.
.

أمس فرحني ولدي بزيادة .. و عمل مواقف خلتني اقول الحمد لله ، تعبي ما راح عالفاضي ..
و عرفت احساس الأم .. لما تشوف عندها ولد رضي ..

.
.

ماشاءالله عليه ..

- أمس؛ كنت البس ولدي الصغير .. جاني الكبير و قال ماما شوفي رجول اخويا فيه جرح صغير ..
بعدين مسح على رجول اخوه و باسه .. و قال حبيبي اخويا .. مسكين انجرح جرحين ..

- و امس كنا بالسوق انا و الولدين و طفشوووووني و تعبوني مرة ..
و لما جا زوجي اخدنا .. وقف بالطريق ياخد شي من البقالة .. و ولدي قاله بابا ابغى انزل معاك
ابوه قاله اجلس توك راجع من السوق

قالي ولدي لما ابوه نزل ..

ماما كنت ابغى اروح اشتري لبان ..
قلتله ليش تشتري ليان ؟ و لا احد ياكل لبان في البيت .. توسخوا لي كل مكان

قال : ماما .. ما كنت ابغى اشتري لبان لنفسي .. ابغى اشتري لك انت ..
قلت له ليا ؟؟؟؟

قال لي .. ايوة علشاني طفشتك في السوق ..

* هو طبعا يا يضحك على مخي عشان اخليه ينزل و ياخدني بالكلام الحلو
او يكون صادق .. لانه ماخد طبع ابوه هههه

بش برضو .. عجبني اسلوبه بالكلام ..

.
.

و اليوم وريته ابرة اشتريتها من الصيدلية .. عشان اشيل الابرة و اخد الضاغط .. عشان اشرب ولدي الصغير دوا ..
قالي ولدي الكبير .. ماما ليش معاك ابرة ؟ قلتله عشان اخوك ما يسمع الكلام ..

قالي : لا حراااااام .. لسى صغير ..
خلاص ماما .. خلييييه يشد شعري .. أنا ما أزعل منه .. أنا كبير مو مشكلة .. ما اتعور ..
خلاص ماما .. لا تعطيه ابرة حرام صغيييير

.
.

ربي يحفظه ..
و يفرحني به و هو كبير

.
.

الله يستر عالصغير .. دلوووووع و عنيد ..

الله يحفظهم ويفرحك بيهم

الله يخليهم لك ..

دخلت عالسريع أقول لك ... لا تخوفي عيالك بالإبر .. بيتعقدوا بعدين ..

وغرفة نومهم .. أبعدي الأجهزة الإلكترونيه عنها .. لا تحطين تلفزيون أو لابتوب ولا أي باد
حتى آلبي إس بي... أمنعيه في غرفة النوم ..

لأنها بتأثر على نومهم وعقولهم ،، وعمليه المراقبه + التحكم في ساعات اللعب بتكون مستحيلة ..

__________________

نور الايمان

احبك في الله ..

.
.

داماس ..

حأسمع نصيحتك و نصيحة نور الايمان ..

.
.

لكن الأيباد لابد يكون معاه مرات و هو راقد عالسرير ؟
لانه بيتحرك معاه كل مكان ..

كيف امنعه من دخول غرفة نومه ؟

هو عموما غرفتهم بتكون قدام غرفتي و ما أخليهم يقفلوا بابهم ..

.
.

حتى الشغالة لما تكون معاهم في الصالة .. ما ارتاح ..
لازم أذني تكون معاهم .. و حتى لو بأخذ لي غفوة .. ما ارتاح بالنوم غير اذا كان الكبير في التمهيدي
و الصغير نايم ..

غير كذا .. يكون بالي معاهم و ما ارتاح بالنوم ابدا ..

احبك الله الذي احببتيني فيه عزيزتي روح ، ربي يسعدك

داماس

الابرة ما اخوفهم بها .. ^^

اشتريت ابرة من الصيدلية امس .. عشان ابغى اشيل الابرة و اخد الضاغط حقها ..
عشان أشرب الدواء لولدي الصغير ..

لما شلت الابرة .. الكبير قالي ماما .. خليني اشوف كيف شكل الابرة ..
وريتها له .. و هو اصلا متعقد من الابرة من زماااان .. مو مني؛ من زمان عشان دخل الطوارئ كم مرة و اخد مغذي

و لما سألني .. قلتله عشان اشرب اخوك الدواء

ما فهمني صح و حسب اعطي ابرة لاخوه .. و أنا كملت معاه عالخط
كان توووه متضارب مع اخوه .. صار يقولي خلاص خليه يضربني و يشد شعري
انا ما ازعل منه .. احبه .. خلاص انا كبير و ما اتعور اذا شد شعري
بس حرام لا تعطيه ابرة