التوترات النفسية السئية اللى تكون عادة قبل الدورة بايام او اسبوع
تكون النفسية فيها في اشد حالاتها المضطربة ...
من عصبية شديدة و اكتئاب شديد و غيرها من اعراض لا ارداية و فوق مستوى التحكم ..

كنت اعاني منها و مازلت و بدرجة ملحوظة جدا ..!
سمعت من بعض الاخوات انهن يستخدمن ادوية مهدئة في هذا الفترة ..
و بعضهن تكفيها اعشاب طبيعية .. وهذى ماجابت نتيجة معي ..
و بعضهن تخففها بالاسترخاء بزيوت عطرية و عمل مساج بانواعه - و هذى جربتها ولها اثر فعلا لكن موقت -
فياليت الاخوات يفدوني بتجاربهم و خاصة الحالات الشديدة
يعني فيه البعض ما شاء الله الوضع يمر طبيعي بدون تقلبات نفسية و مزاجية فهذولا خارج الموضوع
و هل المهدئات فهلا خففت هذه الاعراض عندهم ..

المشي سريعا لأكثر من 45 دقيقه _ قراءة القرآن

وكمان لاتحرمي نفسك من اي اكله تكونين مشتهيتها
حتى لو تسمن عااادي بس هالفترة لبي رغباتك بعدين لكل حادث حديث

عادة نكون نبغى حلويات وهذا كويس
بس المشكله اللي تشتهي موالح ( لأنها تزيد من احتباس الموية فالجسم فتزيد من الآلام )

عني انا القى نفسي احيان جايبه حلاوة طعمه وجالسه اكل فيها ومن دون خبز بعد
اضافه لكوبين بابونج تهدي الاعصاب نسبيا او يانسون

__________________

فعلا الجري امارسه بس مب اكثر من ربع ساعة و بعدها ابقى في الهواء الطلق ^_^
لانى اكون محتاجه تنفيس و هدوء بعيد عن اي شخص ..
اما الوحم قبل اللى تقصدينه مثل ما نسميه عندنا فابدا ما اشتهى سكريات و لا مرة اشتهيتها بالعكس تجيبلي الغثيان
اشتهى و بشدة الحوامض و اكلها و تلقيني اكل حتى الليمون و المخللات مع ان المعدة عندى تعبت منها لكن ما اقاااوم ابدا
و ادمن على الشاهي وقتها ماعرف السر ؟! و المويا بكميات
و صحيح يكون الجسم محتقن و هذا متعب و مولم و خاصة لبعض الاجزاء اكيد فاهمه ..
عشان كذا ارتاح شوي على المساج وقتها

اما القران فصراحة مع نفسيتي ابد ما اقرا بس اسمع احيانا مب كثير
هذا غير الالم الفضيييع و قتها
انا فحصت عند اكثر من طبيبة و كنت اخذ ابر مسكنة او ابرتين من كنت صغيرة
و اخر فحص قالت لى انها متلازمة ما قبل الدورة و غير معروفة السبب و تكون شديدة عند البعض
و انه ابتعد عن المنبهات مثل الشاهى و القهوة و طبعا هذا صعب لاني لو ما اشربها
بهذا الوقت تفلت اعصابي بشكل كبير و خاصة الشاهى احسه مهدى لى !

و سمعت وحده تقول انها تستخدم ادوية اكتئاب مهدية و قتها و كنت ابغى اعرف احد جربها

نسيت اقولك اني اليوم اللي ما اكل فيه خس تتعب نفسيتي
جربي تاكلينه بكميات ماهي قليله

واتوقع اللي مزود عليك الاعراض الحوامض والشاهي هنا من الافضل تطنشين شهيتك لها

او تستبدلينا بملوخيه مع عصره قويه من الليمون هذي حامضه وفوايدها فوق ماتتصورين

او سبانخ او ورق عنب

وممكن تاخذين فيتامينات وجربي حبوب زيت السلمون بصراحه نفعتني كثير

__________________

صرفت لي الطبيبة فيتامين شهرين و بعدها حديد لكن ما تغير شي
حبوب زيت السلمون ماعرفها اول مرة اسمع فيها ؟!

انا مشكلتى مب بالاكل مشكلتى النفسية و المزاج يسوء بشكل ما اسيطر عليه يشبه الحالة المرضية
و يعطل نشاطاتي كلها و اللى الاحظة الان انه يزيد كل سنة حتى صار بشكل ملاحظ للى حولي
و البعض يفهم و البعض لا ..!
ماعرف وضحت الصورة

فيه فرق كبير بين الخس والجرجير

اقري عن فوايد الخس انا لما قريت عنه عرفت ليش يعدل مزاجي ويحسنه بشكل ملحوظ

اليوم الصباح واجهتني مشكله وتأثرت نفسيتي بشكل كبيـــــر بصراحه على طول اكلت خمسه حبات من ورق الخس

حسيت براحه كبيره ( ونمت بعد اكلي منه بساعتين كأني ماخذه منوم مع انه ماهو وقت نومي ابدا )

__________________