رد : مادرى شو اسوى مع زوجى ومع عيلته
مادرى شو بدى اعمل
الحين حماتى رجعت من السفر مع بنتها وحفيدتها لان بنتها عندها امتحانات
أولا زوجى مايبعتلى مصارى ميشان معيشتى بس هو قبل شهرين تركلى مصارى بس خلصو فرحت عند امى
ثانيا باول ماتزوجنا وهو سافر كانت امه اللى بتعطينى مصارى هو كان بيبعتها الها بس انا انحرج اخد مصارى منها لانى ما بشحت وبعدين تسألنى على الفواتير مثل ماقلت بالاول كانى باخد المصارى وبضيعها (مع انو بنتها ماشاء الله عليها بالتبذير بمصارى زوجها كل يوم تطلع مع صاحباتها وتسافر وتعزم هاى وهاى وتعزم كل اهلها امها واخوها ومرته واختها وزوجها ويطلعوا بمكان بفندق باليومين والثلاثة ...بس هاد ما يخصنى ابدا)
زوجى من اسبوع قالى اذا بدك مصارى قولى لامى وهيا راح تعطيكى قلتله انا لمل بكون عند الماما ما تخلينى احتاج شئ وانا ما بدى اخد من مامتك شى اذا بدك تبعتلى مصارى اتصرف وابعتها الى شخصيا اذا ما بدك انا مانى بحاجة لشى
قالى ايه تصطفلى
وماتكلم ثانى على ها الموضوع ........... احنا الحين متزوجين يعنى ليش يبعت لامه مصارى حقتى انا وهيا تتحكم تعطينى المبلغ يفرض انى بشهر بحاجة لمبلغ اكثر ماهى اللى بتحددلى انا شو بصرف وهو ما بباله اى شئ وبعدين بمرة سألتنى عن مصارينا ورثنا من البابا اذا حطيناها بالبنك ولا لا وسالتنى اذا الماما كتبت ليا ولاخواتى الشقق اللى بالبيت ولا لا .....بس انا هبله وماعرف ارد ....بحس انها بدها تقولى ليش تاخدى مصارى اذا انتى عندك (بدى اسال هاى اسئلة طبيعية؟؟؟؟)
من 8 ايام رحت زرتها لاخت زوجى بنفس البيت اللى فيه شقة زوجى وزرتها ماكانت مريضة جدا مثل ما يقولوا المهم جلست معها وسالتنى لك ليش ما تنزلى تتدورى على وظيفة (وهاد ماهى المرة الاولى هيا وامها سألونى هاد السؤال واختها اما اجت من السفر وهيا مرة ثانية وبهاد المرة كمان) قلتلها حاستنى مضايقاكم بقعدتى من غير وظيفة قالتلى لا انا بدى اشتغل بس مافينى ميشان مواعيد زوجى .....طب اذا مافيها تشتغل ليش كل فترة يسالونى ليش ماتنزلى تدورى على وظيفة.....وبعدين انا حتى ما باخد مصارى من اخوها اصرف على نفسى ميشان يقولو مثلا انو زوجى يشتغل ويبعتلى مصارى وانا جالسة بالبيت.
وقالتلى وانتى كيفك وكيفكم مع بعض قلتلها ميحة وقالت حرام لساكى متزوجة وقطعتى اشى كنتى اتعودتى عليه مرة واحدة .......هيا قصدها على العلاقة الخاصة ..............وهاد شئ حرام نتكلم فيه لانو ترفيه ........قلتلها لا عادى قالت كيف عادى ياحرام عليكى .....وهو كمان جالس لوحدة هناك مسكين اخوى ........معليش ماتزعلى نفسك ...قلتلها باخد استراحة ...نفسى اقولها عيب نتكلم بهيك مواضيع لانو ما يخصك ولانو حرام وانا مانى متضايقة من هاد الشى لانى انسانى محترمة وماافكر فى هيك اشياء مادام زوجى مانو موجود ....بس مافينى اقول هيك
رحت قلت لزوجى على كل اللى مضايقنى ................بس طلعت غلطاااااااااااااااااااااااانة جدا
قلتلة على كلامهم معى على الوظيفة وعلى كلام اختو عن علاقتنا الخاصة وكلام امو وسؤالها عن بيتنا وورثنا وهيك
قالى انا راح اقولهم ماحدا يتكلم معاكى قلتله لا ميشان ما يتضايقو منى انا بحاول ارد بادب وراح اكفى قالى لا انتى سويتى اشى غلط قلتله لا قالى خلاص انا راح اقولهم قلتله هيك راح ينقلبوا على وراح يقلبوا وجهم على سالنى انتى سويتى اشى غلط قلتله لا انا ما بكذب قالى خلاص ما يهمك ....
هو فاكرنى خايفة انو يقولهم لانى كدابى .....قلتلته اللى شايفة صحيح سويه
رحت لقيت بعدها بيوم حماتى تتصل فينى لقتنى مع اختى فى المستشفى قالتلى اما تروحى البيت اتصلى بينى قلتلها ايه بيصير ........بس عمرها ماسوت هيك فاتصلت بزوجى وقلتله انت قلت شى لوالدتك قالى ايه قلتلها عن بيتكم قالتلى لا ماصار انها سالتك عن هيك قلتله بس انا ما كدبت قالى ايه اصطفلوا قلتله شكرا وسكرت
اما وصلت البيت كلمتها قالتلى انها زعلانه منى ميشان قلت لزوجى على هيك عن الوظيفة وانها وبناتها ما يعرفوا انو بيضايقنى الكلام فى هيك موضوع وكان فينى اقولهم وهما ما راح يتكلموا بهيك مواضيع وانو كلامهم عادى سؤال عادى قلتلها انكم كلكم عارفين انى قعدت من وظيفتى اما اتزوجت ليش الحين كلكم بتسالونى نفس السؤال قالتلى انو حتى لو اشتغلت ما راح تاخد من مرتبى وهيك .....قلتلها حصل خير
قالت وحصل منى انى سألتك عن بيتكم او عن ورثكم قلتلها ايه يوم كذا وقلتى كذا قالت لا عمرى ماقلت هيك انتى ممكن فهمتى غلط ........لك كيف افهم غلط اذا كان السؤال (مامتكم حطتلكم مصاريكم بالبنك ولا لساتها ماسوت هيك قلتلها ايه قالت والبيت كتبتلكم كل واحدة شقة ميشان تتطمنوا ميشان كل واحدة فيكم تضمن حقها) كيف افهم غلط قلتلها انا بتذكر منيح شو اللى قلناه بها الوقت وانو هاد الموضوع حساس ميشان البابا لساته متوفى قالت لا انا ماسالتك هيك اذا سالته انا اكون انسانة متطفلة بس انا مانسى واذا نسيت يبقى مجنونة وبدى اروح مستشفى المجانين قلتلها لا العفو لقيتها تقول كلام غريب قلتلها خلاص حصل خير وهيك قالت اذا فيه شى ما يصير تحكيه لزوجك ميشان هو واخواتو ما يتخاصموا ميشانك قوليلى وانا راح اشوف حل ...لك شو يعنى هاد يعنى بوقع بيناتو وبين اخواتو .....وسكرت التليفون بعد ماراضيتها وقلتلها انها ماالمفروض تزعل منى ميشان انا بحكى لزوجى هيك وانها مثل الماما وانى بحبها وهيك
لك مرتو لاخو زوجى لساتها تقولى انو حماتى بدها ياها تبيع دهبها الخاص بيها ميشان تساعد زوجها مع انها وزوجها كانو متفقين انو هاد الدهب لعيالهم مو خيار قدامهم فى اى لحظة يبيعوه وياخدو منو بس حماتى لعبت براس ابنها وخلتو يوافق على انو مرتو تبيع دهبها ميشان تساعدو .........عن نفسى اذا زوجى احتاج لاى شى انا راح اعطيه بس ماحدا يعرف عن هاد ولا حدا يجبرنى على هاد............انا ما دخلنى بقصتها شى بس تكون لى فكره عنهم
والله انى انقهرت لانى عمرى ماراح افترى على حدا مهما كان وانو زوجى مامصدقنى فاكرنى كذابى
بس الحق على انا انى حكيتلو على اللى مضايقنى فيهم لك اذا واسانى كفاية والله والحق على انى بوثق بحدا ...حكيت للماما قالتلى انى ماعاد اشكيله من حدا فيهم لانو ماراح يصدقك ويكذبهم لاهلو قلتلها ماما انا ماكذبت انتى تعرفى عنى هيك قالت لا اعرف كيف انا وابوكم مربيتكم كلكم ......
بعدها اتصل فينى وقالى ايش صار مع امو قلتله انت ما بتعرف شو كان بدها تقولى قالى ايه قلتله خلاص بس بدى ياك تعرف شى انى انا ما بكذب ولا عمرى راح اقول حدا قال وهو ما قالها قالى يعنى امى كدابى قلتله انا ماقلت هيك هيا ممكن تكون نسيت وسكرنا بعدها
تعرفون لما كذا موقف يعدى يخليكم تحبطون (لما اتكلم مايسمع ...قلتله انى مريضة عندى كذا وكذا وكذا ماسمعنى وبعدها رحت المستشفى اكشف وهو مايدرى فينى انى مريضة ولا لا لانه ماكلف خاطرة يسمعنى للنهاية ..انا ببلد وهو ببلد بس باين انو كلامى ثقيل.....والله ماقصرت معه بشى كلام فى الحب اقول صفات جميلة حبيبى حياتى عمرى اقول واحيانا اتغازل فيه وهو ولا شى غير مرات يقول وحشتينى اما ابعتله صورى ... فرضا انا ماعندى كاميرا ولا انترنت ويش كان يساوى
.ماحسة مهتم بى مثل اى رجل ومرتو يوم رحت اول ماتزوجنا عند دكتورة اسوى عملية ماكان بدو يجى معاى كان بدو امو اللى تروح معى لولا انى اصريت ...... وغيره كتير حاولت اكلمه اسبوع ولا يومين يكون منيح معى وبعدها ولاكانى اتكلمت اكلمه ثانى وثالث ...والله انحرجت اكلمة كل مرة بهيك بالاهتمام بالسؤال وهيك)
كذا موقف يخليكم تحسوا انو مالكم قيمة بقلب انتو بتعتبروة اقرب حدا الكم
محبطة محبطة محبطة
مالى غيرك يالله يارب العالمين
والله انى ابكى وانا اكتبلكم
انو زوجى فاكرنى كدابى وحطنى بوش المدفع وتركنى فقدت ثقتى بيه انو عمرو ماراح يكون بجانبى ابدا ما اقول على اهلو بس باى شى وهاد مانه باول موقف يخلينى فيه احس هاد الاحساس على طول بحس فيه ماحسنى مسئولة منو
24-12-2012, 04:07 PM
ضوابط المشاركة
العرض العادي
