أنا طبقت أول قاعدة من نصايح ديماس ^_^

صرت أكل أي شي قبل لا يرجع زوجي ، عشان لما يجي بالليل .. أكل معاه ^_^

لإني كنت أول ما أعرف أكل شي إذا ماحد كان معاي ، و لما يجي زوجي أكون خلاص نعسانة و تنسد نفسي
فأكل شوي و أنام .. و أصحى مرات أجوع بس أقول بعد شوي أقوم افطر .. أسأل زوجي تبغى تفطر ؟ يقولي لا ما أحب افطر
أقوم أقول ، خلاص مرة وحدة اتغدى معاه ..

بس خلاص دحين صرت أكل قبل لا يجي و بعد ما يجي

صاروا معانا ، روح المساء ، الفردوس غايتي ، هبة الرحمن ، افهمني تملكني

أعماق ..

امين يارب ..
و ما أظن المعلومة صحيحة

لإني مرات أجوووع فترة و أجي أكل شوي و اشبع .. أظن لإنه المعدة بتصغر ؟؟؟

بنت الحكمي يا حلوة ..

أي شي فيه حليب ما أحبه ،، و خاصة حليب بالكاكاو أو مانجو أو فراولة .. : (
يعني انسي الموضوع ، أنا يادووووووووب أحط نص ملعقة نسكافيه للحليب عشان طعم الحليب .. : (
و أولادي طلعوا مثلي : (


و الخلطة اللي كتبتيها ، مررررررررررررررة طويلة و متعبة ما تنفع للناس اللي مثلي : (
و خاصة إنه ما عندي أحد يشجع عالأكل ، و في الأخير أكل لقمتين و الباقي يترمي .. فما تنفع : (

.
.

أحب الباذنجان و البطاطس .. ^_^
بس لازم أحد يعمله لي

.
.

و الله يسهل أمورك ..

.
.

وعععععععع .. و أنا بأكتب ردي لك ، كنت شايلة صحن السلطة من بيتزا هت ..
تخيلي إيش لقيت .. لقيت ( ذباب - ذبان - دبان ) في المكرونة حقة السلطة ..
وععععععععععععع .. قرفوني و سدوا نفسي عالأكل و عالبيتزا .. : (

زهرة الرمان ماشاء الله عليك
بس لازم تزيدي شوي كمان .. ^_^

أم محمد ..
لا تفكري بالدنيا و ارمي كل شي وراء ظهرك

توفي

حلوة فكرة (الاجبان المستورده) ،، يبغالي أجربها و اشتريها اليوم ..
فكرتيني بجبنة فرنسية كنت اشتريها برة و اكلها ، مرررررة لذيذة نسيت اسمها
بس اعرف شكلها و لقيت بكارفور ، باشتريه من عندهم ^_^

أما بسكويت (دايجستف مكفيتيز) ،،
فمعاك حق ، لذييييذ ،، يبغالي اشتري منه ^_^

و الله إنت تفتحي شهية الواحد عالفطور ..

يا رويانات و حلوات المنتدى ..
شاركونا إيش فطوركم ..

بجد تحمست افطر مثل توفي ^_^

إيش الفطور اللي كنت افطره و يسد النفس ؟؟؟
نص كوب شاي ليبتون مع ملعقة صغيييييرة سكر بنيي ..
و ربع عيش صاموني و جبنة كاسات و حبتين زيتون

ناااااني ..

بالعكس ، الدوام ينحفني ..
يمكن الموظفات اللي جالسين على مكاتبهم طول الوقت هما اللي يسمنوا ماشاء الله ..
لإني شايفة كذا ، كل مالهم يسمنوا ماشاء الله و يتجمعوا كل يوم عالفطور و ياكلوا مع بعض .. : )

و السكر البني لإنه صحي أكثر .. و ما يسبب أمراض ..

و يبغالي اشتري كرتون بسكوتات و احطها بشنطتي ..
وقت أجوع اكل منهم و من الشكولاتات .. : )

المكسرات ما أحبها بس لازم اغصب حالي لإنه صحي ..

كريستالة ..

بنكيك مع سيرب ، من فين أجيبهم ؟؟؟؟؟؟؟؟
تدري ما عمري ذقته ؟؟؟؟؟ : (

و بينت باتر ووو إلخ ،، ياختي من فاضي يعملهم لي ^_^

أنا حدي بيض بالجبن و الحمد لله ^_^

البطاطس المقلي بديت اعمل منه كل يوم ، عشان ولدي يحبه ..
شكلي أكثر الكمية عشان أكل معاه ^_^

حبيبي ولدي الصغير ، يشجعني عالأكل ماشاء الله مو مثل أخوه الكبير ما ياكل شي

ديماس ، دحين اتفضى للنقاط كلها ..

ماشاء الله ، شكلك طبيبة تغذية

مافي احد مشكلته زي نهااااااائي اول شي اذا صحيت من النوم يكون نفسي انحف و افطر شي خفيف لحد نص اليوم اكون خلااااااص تعبت اقول لا احسن اسمن شوي عشان ابين انثى وكذا اتغدا غدا محترم بعدين امل
نفسي انحف و نفسي في جسم انثوي ممتلء