رد : اعتذار للجميع ....ارجو من الجميع الدخول (مستجدات في الرد 263)
السلام عليكم جميعاً
....
قبل اى شىء
جزاكم الله خيرا
ثانيا
اردت ان اطمئن الجميع وبالاخص الوالد ابو مريم حفظة الله
انا ذهبت وكالعادة وجدتها اخبرت ابوها
انا خلاصض الموضوع دة مش عارف اغيرة فيها
لقيت والدها بيقوللى قبل اى شىء انت عارف انى مبحبش اتدخل ولا بحب اخش فى تفاصيل
انا تداخلت علية فى الكلام قللتلة معلش يا عمى انا اسف بس اعتقد انى كنت اتفقت مع حضرتك اننا منتكلمش فى المواضيع دى تانى
وانا قلت لمها اى شىء من الكلام حتى لو حصل مابين محيط العائلة عندكم يا ريت تخلية زى ما هو
بس انا مش هينفع كل كلمة اقولها لها يا عمى نقعد نعمل فيها كدة
قاللى يا حبيبى انت اكبر من انى اقعد احقق معاك او انى اتهمك اتهامات او الكلام دة
انا بس والله بيصعب على اللى بيحصلكوا
قللتلة لا عادى
قاللى لا انت متعرفش بنتى بقيت عاملة ازااى ((على فكرة كان بيتكلم بالراحة ))
انا بنتى حصلها دور محصلش زية قبل كدة وبعدين لقيت حماتى دخلت
قالت بجد مها فى دور اول مرة اشوفها فية خنقة بدوار وتقوللى انا حاسة يا ماما انى مخنوقة ومش قادرة اخذ نفسى
((والله من ساعة ما قالوا كدةوانا ما كان يعلم بحالى الا الله ومبقيتش عارف اتكلم ولا اتصرف حتى كوباية الشاى كانت هتقع من ايدى بس الحمد لله حاولت امسك نفسى قدامهم ))
اتكلم معايا
ازااى يابنى تقولها انا همنعك من الكلية وهربطك ...
قللتلة معلش يا عمى انا عارف ان الكلام دةلو بجد مينفعش
بس انا كنت بهظر
قاللى وانا كنت متـأكد من كدة
لان من معرفتى لفارس لا يمكن يقول او يعمل حاجة زى كدة
قللتلة معلش يا عمى ما هى قاللتللى لو عملت حاجة زى كدة تبقى انسان معدوم الاحساس
امها قاللتلى بنتى قالت كدة قللتلها اة قالت كدة
بس دا كان تعقيب على الكلام اللى هو مش حقيقة
وانا لو كنت بقولها انا هعمل كدة وهعمل كدة وهى قالتللى الكلة دى انا كنت هسمحلها تقول الكلمة دى بما انى الانسان دة بقى
قاللى هو الكلام دة مينفعش لا جد ولا هظار واعتقد هى قاللتلك انا مبحبش الهظار حتى فى الكلام دة
قللتلة بس الكلام بيبجيب بعضة
قاللى يمكن لانكوا طولتوا المكالمة شوية حصل كدة
قللتلة فعلا لان احنا اول ماكنا بنتكلم كانت مكالمة عادية وكنا بنضحك وعادى
المهم جلس يعلق على كل كلمة انا قللتلها لها تقريبا
.....
هى دخلت جلسنا فترة سااااااااااااكتين وبعدين انا اتكلمت قللتلها تعالى قدامى هنا على مكانها المعتاد لانها كانت قاعدة على كرسى بعيد
المهم اخبارك عاملة اية والمذاكر ؟؟؟
قللتلها قبل ما اقولك ولا كلمة انا مش عارف انتى بتعمللى كدة لية والموضوع دة اتكرر منك اكثر من مرة وبجد بجد كدة غلط انا حياتى كتاب مفتوح قدام اهلك والكلام دة غلط قوى وانا مقبلش بية طب ما انا على كدة اروح احكى لاهلى بقى تبقى حياتنا قدام الناس كلها قالت براحتك عايز تتكلم اتكلم قللتلها بلاش استفزاز انا مش عايز اقول لان دى حياتى وانا حر فيها ولما اطلب منك انك متحكيش بتمنى انك تحترمى رغبتى...
طبعا والدها كان قاللى انها مبتذاكرش ولا بتفتح كتاب من يوم الموضوع دة وحكاية التعب دى
بقولها الف سلامة عليكى فى اية مالك
تبسمت تبسم سخرية كدة يعنى ان كل دة ومتعرفش
قللتلها انتى عارفة انى كنت بهظر
قالت بجد!!! كل حاجة عشان تهرب منها تقول يا بهظر يا متضايق هى دى حجتك دايما ..
المهم انا تبسمت قللتلها طيب عموما وقبل اى شىء
انا راجل والحمد لله قد كلمتى
وكلمتى سيف على رقبتى يوم ما بقول حاجة ببقى واعيلها قوى
قللتلك هتكلمى يبقى هتكملى
اية لزمة الكلام دةكلة
قالت والله ؟؟؟؟ كلام وبس
قلللتلها يا بنتى عيب قوى لما تتكلمى معايا بالشكل دة
قالت ايوة اقلب الترابيزة على وقول بقى انى انا اللى غلطانة ما هو انت دايما بتعمل كدة
ضحكت وقللتلها يا سلام بعد كل دة انتى بتطلعى الغلطانة هههههههههه
بجد !!!!!!!! يا بنتى دانا مفيش مرة الا الاقيك عملالى محكمة وانا وراء القضبان
بقولك اية انا مش هتكلم كثيير
قالت متتكلمش ممنوش فايدة
قلللتلها اسكتى بقى واسمعينى للاخر انا مبحبش اعيد وازيد فى الكلام انا كنت بهظر وبس وانتى عارفة دة كويس
قالت اظن انى قللتلك قبل كدة لما اتكلمنا يوم المرة اللى انت كنت مشدود فيها ومرة ما اتكلمنا فى التليفون يوم الخميس قللتلك بلاش هظار فى المواضيع دى ...وبعدين كمان لما يتكرر انك تتكلم فيها بيدل ان فية حاجة
قللتلها هو انا حصل منى حاجة دلوقتى انا منعتك
قالت متقدرش
قللتلها لا والله اقدر ولا منفذتيش اللى انا عايزة ممكن يبقى فية زعل وكلام تانى انما انا الحمد لله مش دى تربيتى
قالت ما هو انا هنا لسة عند بابا وبتقوللى كدة امال بعد الجواز هتعمل اية ....هتمنعنى بقى
قللتلها انا لو عايز اعمل حاجة هقولك عليها دلوقتى وهعملها من دلوقتى مش هستنى
......
قللتلها طيب من الاخر انتى عايزة اية؟؟؟؟سكتت مرديتش
قللتلها من الاخر يا ستى انا غلطانلك حقك على خلاص وانتى مش غلطانة ولا حاجة انا بس اللى غلطان
عموماً ....انا اهم حاجة عندى انك تكونى بخير وبعدين بلاش دلع بقى انتى تعبانةمن اية حقة؟؟
قالت لا ولا حاجة
المهم حاولت انى امشى الموضوع وهى اللى جواها جواها
قللتلها ممكن تفتحيللى قلبك وتقوليللى على اللى جواك
قالت مفيش
قللتلها طيب ممكن تقوليللى زعلانة من اية؟؟
قالت مش زعلانة
قللتلها كدة بردة يعنى هتفضللى كدة
قالت لحظة كدة وقامت دخلت جوة عند مامتها
قليت مامتها جاية جرى على هو فية اى اية اللى حصل
قمت اجرى اية؟؟؟ قالت راحت قعدت جوة وقالتللى انا تعبانة ومش قادرة ممكن تجيبلها اى حاجة من الصيدلية
دخللتلها جوة في اية اية اللى حصل؟؟؟
قالت لا مفيش ودخلت معايا جوة
قعدت معاها قللتلها خلاص بقى
المهم امها دخلت
بقولكوا اية بلاش بقى التعقيد اللى انتوا عملينة فى بعض دة فكوها شوية خلاص بقى يا مها ....فارس شوف هى متضايقة من ايى ؟؟؟ وانتى حاولى تفهمية ....
قللتلها بعد اذنك يا خالتى انا عايز اقعد جنبها هنا وتسمحيللى اقعد لواحدنا
قالت ماشى تعالى هنا يا مها جنبة
هى قالت لاء
قللتلها تعالى هنا
قالت مش هتفرق
قللتلها بس تعالى والله عايزة اقلك كلمتين
قالت مش هتفرق قللتلك خلاص انا كويسة هنا
قللتلها وانا مش كويس كدة
قالت براحتك
قللتلها طب بالله متزعللى انا مش متخيل انك ممكن تزعللى بسبب الكلام دة للدرجة دى كدة
قالت على فكرة الموضوع دة مش هو السبب اصلاً انا بقاللى فترة فى التعب دة
امها دخلت ثانى يا ولاد حرام عليكوا كدة فكوها بقى
يا فارس يا مها بلاش كدة مينفعش ...
قللتلها انا بتكلم بالراحة خالص اهوة ...
قالتللها بصى يا مها انا هقولك على حاجة بسيطة انتى عارفة ان انا لوحاسة ان فارس ممكن يزعلك فى حاجة او يضايقك فى حاجة او يضغط عليكى فى حاجة غلط والله لو يوم الدخلة مهنكمل الموضوع دة
المهم انا عديت الكلمة
رجعت قالت والله لو يوم الدخلة
قللتلها تقدرى؟؟؟ قالت اة اقدر مقدرش لية ؟؟انا قلبت الموضوع ضحك قللتلها لا طبعا متقدريش
,,,,قامت ثانى وقالتتلى لحظة وقالت لامها تعالى ياماما عايزاكى
ثانى لقيت امها جاية تجرى على
معلش يا فارس تعالى شوفها فى اية؟؟
رحت لقيتها ملفوفة فى البطانية ونايمة على السرير
مالك يا مها فى اية
والله قعدت جنبها وما بقيت عارف الم اعصابى على بعضها
بلاش كدة عشان خاطرى قومى
امها قالتللى لو سمحت كلم عمك قللة يجيب لها شريط دوا منا الصيدلية ولا حاجة
نزلت انا جرى على الصيدلية جبتلها علبة مسكن للالام وجيت لقيت امها بترقيها
امها خلصت وانا رحت حاطط ايدى على راسها وقعدت ارقيها
امها بتقولها طبعا فارس مش هيبطل يقرأ عليكى انهاردة عشان ميشيلش ايدة من على راسك
قللتلها طبعا عشان اخذ البركة
فضلت جنبها والله منا قادر اسيبها وهى بالحالة دى
ومش عارف اعمل اية نفسى اقعد جنبها ابوس راسها اقولها انا اسف
امها طبعا لا يمكن تخرج من الاوضة فى الوقت دة معرفتش اقولها ولا كلمة
المهم ابوها جة فى اية ؟؟
قللتلة لا عادى راح قاعد جنبها ويطبطب عليها مالك يا حبيبتى فى اية؟؟
هما يطبطبوا و يدولها حنيتهم وانا لا ممنوع
المهم خرجت وقعدنا برة
وهو لاحظ على اضطرابى
قعد يهدى فى يابنى مفيش حاجة دا شىء بسيط ان شاء الله هتبقى كويسة
انا ولا اتكلمت بأى كلمة لانى حسيت انى السبب فى دة كلة ومشيت
28-12-2012, 08:46 AM
..
ضوابط المشاركة
العرض المتطور