08-10-2012, 01:17 AM
|
المشاركة الأصلية كتبت بواسطة OMRAN8779
هل من المعقول أننا شعب مادي ..؟؟ ام اننا شعب اخلاقي ديني قيمي ؟؟؟
مالذي يحركنا في الحياه .. الماده ام الدين والقيم والاخلاق ؟؟ الماديه ان تكون حركتك في الحياة دافعها وغايتها الماده فقط والماده هي (( الاموال .. الحظوط .. المنافع .. الواسطات .. )) هي الحياة بكل ما فيها ... يختفي الاحتساب .. والتبرع .. والتطوع .. في الحياة الماديه ويصبح كل شي بــ (( فلوس )) يختفي الحب لله .. والحب الصادق .. الصداقه الخالصه .. وينتشر العلاقات الماديه المبنيه على المصالح المتبادله .. صور واقعيه .. يكذب الناس ويتحايلون ويقتلون ضمائرهم من اجل المنافع والمصالح يثور الناس من اجل الخبز ولا يثورون من اجل الدين والخلق يترك الاولاد صلاة الفجر ولا بأس لأنهم مراهقين وكل الشباب كذا وعليه الويل والثبور ويرمي بعظائم الامور أن ترك الدراسه او ترك وظيفه في صحراء الربع الخالي يسقط الاب مريضا فلا يتكفل به احد الا الخادمه او السائق او ممرض خاص يغسل ثوب الاب ويكوي عند الغسال .. او بيد الخادمه التى يدفع مرتبها .. طعام الوالد من المطعم اذا غضبت ام العيال .. او سافرت الشغاله .. اصبح طعامك ومنامك وثيابك .. كلها بمالك فقط .. يخطب رجل طيب الخلق متين الديانه فلا يعطي ويقال (( وش ياكل هو واياه )) ياكلون هواء ويخطب رجل ذو منصب وغني لكنه فاجر ويزوج على طول بحجه ان كل الناس هكذا يقرب الرجل من ينفعونه ويحققون مصالحه من الاصدقاء وكبار الموظفين ويبعد اخوانه واقاربه لانهم (( ما يسقونك من الماء )) شواهد وادله من اللغه الدارجه .. تنتشر بيننا عبارات (( ما ينفعك الا الي ابمخباتك ... ما ينفعك الا الى لك .. عطن واعطيك )) وتنتشر امثال ماديه (( كلن يحوز النار لقريصه ... شد لي واقطع لك .. الى مابه خير افراقه خير )) وتنتشر حكم ماديه (( الدنيا اخذ وعطاء .. انفع الناس حتى ينفعوك .. لن تأكل غدائك مجانا .. )) |
08-10-2012, 08:15 AM
08-10-2012, 09:24 AM
|
المشاركة الأصلية كتبت بواسطة OMRAN8779
هل من المعقول أننا شعب مادي ..؟؟ ام اننا شعب اخلاقي ديني قيمي ؟؟؟
مالذي يحركنا في الحياه .. الماده ام الدين والقيم والاخلاق ؟؟ الماديه ان تكون حركتك في الحياة دافعها وغايتها الماده فقط والماده هي (( الاموال .. الحظوط .. المنافع .. الواسطات .. )) هي الحياة بكل ما فيها ... يختفي الاحتساب .. والتبرع .. والتطوع .. في الحياة الماديه ويصبح كل شي بــ (( فلوس )) يختفي الحب لله .. والحب الصادق .. الصداقه الخالصه .. وينتشر العلاقات الماديه المبنيه على المصالح المتبادله .. هذه كلام اصبح معاصر لنا ويحكي واقعنا ولكن ليس مع الازواج بل مع الاصدقاء والاقارب مع الازواج يوجد لكن بنسب وابدا لن نصل الا ما يفعله الكفر ببعضهم اعني المتزوجين اذا كسر احدهم كوبا فهو الملزوم وحده ان يشتري كوبا جديد الحمد لله مازلنا بخير ولم نصل لهذه المرحله قصص المنتدى تعد على الاصابع وراعي انها من عرب وما اكبر والوطن العربي صور واقعيه .. يكذب الناس ويتحايلون ويقتلون ضمائرهم من اجل المنافع والمصالح يثور الناس من اجل الخبز ولا يثورون من اجل الدين والخلق ليش اهل ليبيا ثارو وقتلو السفير واغلب الدول كذلك ثارو يا اخي الداء كله في حكامنا ايش ذنبنا كشعووووووووووووب يترك الاولاد صلاة الفجر ولا بأس لأنهم مراهقين وكل الشباب كذا هنا يعتمد على تدين الاب والاموقوة الوازع الديني وياريتها جت على صلاته في المسجد حتى يصليها في المنزل......... لا تعليق وعليه الويل والثبور ويرمي بعظائم الامور أن ترك الدراسه او ترك وظيفه في صحراء الربع الخالي يسقط الاب مريضا فلا يتكفل به احد الا الخادمه او السائق او ممرض خاص يغسل ثوب الاب ويكوي عند الغسال .. او بيد الخادمه التى يدفع مرتبها .. طعام الوالد من المطعم اذا غضبت ام العيال .. او سافرت الشغاله .. اصبح طعامك ومنامك وثيابك .. كلها بمالك فقط .. اخي الفاضل لو اجريت تصويت وعرفت فقط عدد النساء في المنتدى وحده التي يطبخن ويغسلن و......... لوجدتهن اعلى نسبة من الفئة الاخرى وربما ضعفها يخطب رجل طيب الخلق متين الديانه فلا يعطي ويقال (( وش ياكل هو واياه )) ياكلون هواء اها عندي صديقة رفض اهلها زواجها لهذا السبب ولكن هل تعرف انها كانت حزينه لانها قالت لامانع ان اساعده لامانع ان اقف معه واصبر لكن حنان الاب وضعف الوازع الديني والتفكير بالمستقبل كانا سبب الرفض ولكن في النهاية هو ليس نصيبها ويخطب رجل ذو منصب وغني لكنه فاجر ويزوج على طول بحجه ان كل الناس هكذا لا ليس بالضرورة اخي قد لا يكون وصل لمسامع اهل البنت انه فاجر و يقرب الرجل من ينفعونه ويحققون مصالحه من الاصدقاء وكبار الموظفين ويبعد اخوانه واقاربه لانهم (( ما يسقونك من الماء )) شواهد وادله من اللغه الدارجه .. تنتشر بيننا عبارات (( ما ينفعك الا الي ابمخباتك ... ما ينفعك الا الى لك .. عطن واعطيك )) وتنتشر امثال ماديه (( كلن يحوز النار لقريصه ... شد لي واقطع لك .. الى مابه خير افراقه خير )) فهمته بمعنى ايجابي عندنا مثل يقول اللي مافيه خير ل هله مافيه خير للناس وتنتشر حكم ماديه (( الدنيا اخذ وعطاء .. انفع الناس حتى ينفعوك .. لن تأكل غدائك مجانا .. )) |
08-10-2012, 09:26 AM
|
المشاركة الأصلية كتبت بواسطة صباح العود
والله الموضوع ذا مسببلي ازمه نفسيه لان شخصية زوجي متعنته غالبا الرفض شعاره احيان اضطر للجوء للحيل ولكن للضروره مايعطيني على طول لازم نلف وندور ولازم يرتفع السكر والضغط عندي عشان يحقق لي اللي أتمناه الله يهديه ويصلحه بس الحمد لله حاليا فيه تحسن كبير يااااارب مايتغير وياارب لك الحمد
|
11-10-2012, 11:21 PM
12-10-2012, 12:25 AM
|
المشاركة الأصلية كتبت بواسطة JAN VALJAN
بعطيكم اللي يصير معي
احيانا زوجتي تطلب مني اشياء وأرفضها مثل غرفة نوم جديده أو شيء بعد فتره وخلال جلوسنا مع بعض جلسه هادئه تبدأ بذكر الأسباب اللي هي تشوفها منطقيه عشان نشتري غرفة النوم بدون ما تقول نشتري غرفة نوم وبدون ما تقارن بيتنا بأي بيت (لأني مفهمها أي مقارنات في أي موضوع يعتبر الموضوع لاغي) بعدين تذكر لي إنه لهذه الأسباب ودنا نغير غرفة النوم حقتنا وفي أغلب الأحيان أنفذ طلبها إلا في حالة لما تكون الأسباب غير كافيه أو غير حقيقيه. وقد أؤجل التنفيذ فتره معينه لوجود أسباب التأجيل. في اعتقادي أن هذا أنسب أسلوب وهو اللي تتبعه زوجتي لما تبيني أسوي شي سبق ورفضته |
12-10-2012, 03:48 AM
مُساعدتك للآخرين وإن نسوا ؛ خيرٌ لا ينساهُ .. الله ♥ !
12-10-2012, 04:42 AM
|
المشاركة الأصلية كتبت بواسطة متفائلة بالله35
بالحيلة والكيد
اساليني انا خبرة زوجي انسان صعب جدا واذا طلبت منه طلب رفض على طول راح اعطيكي مثال وقيسي على كل الامور اذا احتجت فلوس للبيت زيادة غير مصروف البيت اظطر اكذب واقوله جارتنا بنتها عندها عيد ميلاد اعطيني مية درهم علشان اعطيها اياها وهو طبعا لا فيه عيد ميلاد ولا بطيخ وانا اخذ الفلوس واصرفها على الاولاد وطلباتهم مثال ثاني الجرة الغاز باقي لها ساعتين وتخلص وتفضى يعني اقدر اطبخ عليها وانا ما طبخت الغدا اتصل عليه اقوله لسه كنت اطبخ في اول الطبخة والجرة خلصت فيظطر يجيب اكل من برة والجرة قبل ما يغيرها اسلق عليها لحمة وتخلص بنفس اليوم وبعدين يجي في الليل يغيرها يكون المصروف البيت مثلا معي 500 درهم اكذب عليه واقوله لو شوفت اليوم مسكينة جات وحدة فقيرة وهي بناتها مسكينات واظطريت اعطيها مية درهم وطبعا انا اللي اشفط الميه هههه والله ما فيه حد مسكين غيري ههه حسبي الله عليه مخليني الف وادور واكذب واحتال عليه فيه مثل من كان ذا حيلة فليحتال وهذي طريقتي بالحياة معاه مثلا كل خميس وجمعه يتركنا ويروح عند الخبيثة الله يشغلها بحالها عنا قولي امين وطبعا انا مصروف البيت من جديد صرت اطلبه منه لانه ما يترك ولا درهم في البيت اظطريت اخذ المصروف منه المهم بعد ما يروح يوم الخميس الاولاد بدهم يطلعوا على المول مساكين محبوسين طول الاسبوع بالبيت ودراسة ارسل له مسج ترى انا اخذت مية وخمسين من مصروف البيت وطبعا انا ما اخذ من مصروف البيت اشفطها لي واخبيها وممكن اطلب كنتاكي لي وللاولاد وابسطهم وبعدين نطلع بتكسي نشتري اغراض البيت الضرورية وبس يرجع يوم السبت اقوله اعطيني بدل المية وخمسين اللي اظطريت اخذهم من مصروف البيت قلت لك هذا اسلوب حياتي معاه لا تفكري اني عاجبني لكن مثل ما ذكرت لك من كان ذا حيلة فليحتال مرات اقوله اختي وصتني اشتري لها علبه عطر ماركة نينا ريتشي حقه 190 درهم قالت لي اشتريه لي واعطيكي حقه وطبعا لانه شمالي شرقي عنده عزة نفس وكبرياء ويحب المدح والتفاخر يقولي خلاص احنا نشتريه لها وما تاخذي فلوس منها وطبعا علبه العطر انا اخذها واخبيها واستعملها من دون ما يشوفها ولا فيه اختى ولا بطيخ مرات ما يكون لي مزاج اطبخ انا اطبخ من السبت للخميس يجي يوم خلال الاسبوع ما لي مزاج اطبخ ارسل له مسج اقوله انا عندي مغص شديد جيب غدا معك او خذ الاولاد وغديهم بيتزا يووووه لو بدي اتذكر القصص ما راح اخلص اذا تذكرت شي كتبته |
12-10-2012, 04:44 AM
|
المشاركة الأصلية كتبت بواسطة متفائلة بالله35
تذكرت شي بعد
يجي ابني يقول المس طلبت منا كل واحد 10 دراهم يعني المدرسة طالبة من كل ولد في الصف 10 دراهم اروح انا واقول لابوه المس طالبة من الولد 30 درهم اشفط عشرين واعطي ابني 10 من كان ذا حيلة فليحتال حتى لو كان زوج يستاهل لو معطيني بالحسنى ما اظطر اتعامل معاه بهذي الطريقة |
12-10-2012, 07:38 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
