هههههههههههههه ماتزوجو من اقاربهم ,وراحو يدورون بنات الناس في الاعراس عاد كيف من منتدى ؟؟؟

المطلوب , ابي طريقة فيها تحفظ كرامتي , اطلب الزواج من شخص بدون أن يفهمني بطريقة غلط ؟؟

مثلا تقول لي ..انت او اي اخ او اخت هنا ...

طريقة اتواصل فيها , أو على الأقل ابدأ حديث عابر , ينتهي بمشروع زواج ..

اما شخص يتزوج من منتدى ؟؟؟ مااعتقد ...

اذا كنت ارفض الزواج من استعراض بحفل زواج ؟؟ هل ارضى بزواج من منتدى ؟؟؟

لم أحصل على هذه المكانة بين يوم وليلة ...ولن أفرط فيها ابدا ..وان اضطررت للزواج من أجنبي مقيم ..

شكرا لك ..

__________________
(دعواتكم لي)
أن أجد حب حياتي بين الأحياء..!!

حسيت اني واقفة على المنصة لحالي والحريم يتفرجون و يساومون هههههههه
سلامات خليكي واقعيه طبيعي انك تكوني في زواج ومتزينه

إذا كانت نظرات الإعجـآب تشوفينها في عيون الحـآضرين ..كيف بيكون شعورك؟
طبيعي قمة السعـآدة
أمـآ حكاية إني مـآ أعجبهم لآ حبيبتي إذا أنتي واثقة من حالك وجمـآلك
مآراح تسمعين إلا كلمـآت الإطراء ويابخت من يآخذها
بعدين تعالي ياقمر ليش كل هالتشآؤوم
كل الأمهات عجايز؟ كل الأمهات ماراح تعجبينهم؟ كل الأمهات بيتكلمون عنك بسوء؟
يمكن هالي تشوفيها عجوز يكون ابنها من خيرة الشباب

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

والله ياخيتي تعبت من التفكير ...صعب اقرر اسوي شي مثل هذا ...

لكنننننننننن.. ادعي لي ...

__________________
(دعواتكم لي)
أن أجد حب حياتي بين الأحياء..!!

عزيزتي مشاعرك واحتياجك لزوج وأسره مشاعر طبيعيه جدآ منبعها الفطره الأنسانيه جميعآ مثلك نتوق لتلك الحياه..

لــــكـــــن صدقينبي مهما فكرنا أو بحثنا أورفضنا طريقة اوتلك،، لـــــن يــــــقع ألا النصيب نصيب كٌتب لنا قبل أن نولد والله يسوق الأسباب أو الطرق الي يتم فيها ذلك

والطرق كثيره المجتمع السعودي لايعتمد على الأعراس فقط،، وان كنت لاأجد عيبآ أوحرجآ من ذلك. فنحن مجتمع منغلق وفرص خروج الفتاه ليعرفها الناس قليله ،،. تعرفين في القديم على عصر امي تقول كنا افضل منكم الرجل يختار عروسه بنفسه يراها بالمزرعه اوتحطب أو ترعى أغنامها]رجعتكم لتاريخ ^_^

لكن الآن مجتمعنا منغلق جدآ والأجتماعات كذلك نٌدر
فصالات الأفراح هي مكان تجمع الفتيات ولايعني ان من تحضر تلك الصالات والزواجات انها فتاه سيئه!

طبعآ أنا معك أنا أكره ان اتعمد هـــذا أو ابالغ فيه وأرز وجهي بكل عرس واصير مطفوقه واقوم اترقص كل شوي

لكن الجميل ان تحضري زوجات اقاربك ومعارفك بكامل اناقتك ويمكن يكون وقتها يصير نصيبك
والأمهات طبعآ مايعتمدون على الشكل بس أذا شافو بنت اعجبتهم يروحون يسألون عنها وعن دينها وأخلاقها يعني مايوقفون عند الجانب الشكلي بس

وارحع واكرر ليست الطريقه المعتمده حسب ماأراه بواقع مجتمعي فيه زواج الأقارب زواج المعارف الجيران وكذا

وبالأخير النصيب يصيب مهما كانت الطريقه التي يأتي بها لكن الأنسان يسلم امره لربه ويدعوه ان يرزقه بمن يسعده

الله يرزقك ويررقنا وجميع بنات المسلمين بالأزواج الصالحين.

__________________
{اللَّـهٌـمَ أنـي أَسْـأَلٌـكَ الـهٌـدَى والـتٌقَـى والـعَـفَافَ والـغِـنَـى}

راحو الطيبين ...

ربك يعين ..حتى الان ارفض هذا الاسلوب في الزواج ...

شكرا على نصيحتك ...

__________________
(دعواتكم لي)
أن أجد حب حياتي بين الأحياء..!!

ااااااااااه ياعبيرها.
موضوعك قوي . انا والوالدة الله يحفظها مابقينا مكان ندور بنت الحلال الى الان ماكلمنا خطابة
والان توقفنا عن البحث وقلنا نصيبه حيجى اذا ربي كتب له

فعلا نحرص على حظور المناسبات افضل من الذهاب الى بيت العائلة ونفاجا بعكس الموصوف لنا
وبعدها انواااع الاحراج و الاعتذار لهم وبعدها توبة . نروح نشوفها بمناسبة افضل ومافي طريقة غير كذا

وبعض الاحيان نحصل المطلوب ادب وجمال. لكن في صعوبات مثل مايزوجون برا عايلتهم او البنت تكون في ديرة بالشرق واحنا بالغرب و و.


لكن اللبس الجريء لا اؤيده. واكنسلها من يوم اشوفها لانه ماعندها حيا. وهذى صفة مهمة انا اتمناها في زوجة اخى المستقبلية.
واشكر فيك تمسكك الله يثبتك.

كل ماتمري بيه من مشاعر طبيعي جدا. وربي يرزقك الزوج الصالح والذرية الصالحة

اذا الوالدة كل ماشافت اثنين ومعاهم طفل. هلت دموعها ودعواتها لاخوي.

اعذرينى نص كلامى فصحى على عامى

طيب معليييش اختي ,اعذريني ...

ماهي معايير بحثكم انتِ والوالده ؟؟؟؟

طيب افترضي ان أخوك مااعجبه ذوقكم بعد ماكلمتو اهل البنت وخلصت الملكة ...كيف رح يصير موقفك ؟؟؟

بصراحه , سؤال نسائي بحت ...

ماهي المواصفات الي تبيها الوالدة ؟؟؟؟؟؟

جد احتاج الإجابة ,ابي اعرف وش يدورون عليه بالضبط ويخافون ينصدمون فيه بعدين ...

ارجوكِ جاوبي اليوم ...وشكرا ..

__________________
(دعواتكم لي)
أن أجد حب حياتي بين الأحياء..!!

انا ماشوف انه فيها تقليل من شانك انك تحضرين اعراس او
انك تباركين للي دعوك للعرس

هذا من حسن الاخلاق اني البي الدعوة
اسلم على الكبار والصغار

والي بيشوفك بيقول هذي راعية واجب

وان قال تدور عريس مو غلط

ومن قال الامهات يدورون عكس ذوق ابنائهم لاحبيبتي

الابن يذكر المواصفات والام تبحث عن المواصفات المطلوبة

تبين حوار ينتهي بزواج
كانك تلمحين ان يكون رجل
موظف معك او شي من هالقبيل يكون بينكم حوار محترم فيعجب بك فتنتهي القصه بالزواج

مثل في المسلسلات

هالشي صعب جدا هنا

حطي براسك اغلب الشباب يتزوجون عن طريق اهلهم
والحمدلله فهذا ريحنا من نعطي الشباب بغرض الزواج وهم غرضهم بعيد كل البعد

ان كنتي حابه تتزوجين بالطريقة المقبوله الي تحفظ لك كرامتك

مالك الا تواجبين الناس
تحضرين احزانهم قبل افراحهم
تسلمين وتسالين عنهم

هذه طريقة قد تكون ناجحة ...بدون استعراض أو تقليل شأن أحد ..وبدون تدخل طرف ثالث ...

لكن الجهل لايزال مسيطر على العقول للأسف ..

شكرا لك ...

__________________
(دعواتكم لي)
أن أجد حب حياتي بين الأحياء..!!

اقتباس:

المشاركة الأصلية كتبت بواسطة عبيرها هذه طريقة قد تكون ناجحة ...بدون استعراض أو تقليل شأن أحد ..وبدون تدخل طرف ثالث ... لكن الجهل لايزال مسيطر على العقول للأسف .. شكرا لك ...

اي جهل تتحدثين عنه يا عزيزتي ..!!

اني لأعجب من طريقة تفكيرك ,

ثقي انه لا يوجد أم تخطب لإبنها على مزاجها

إنتهى زمن الإجبار .. و الأمهات يخطبون حسب رغبات

أولادهم غالبا ..

قبل فترة خطبنا لأخي , لم يشترط شيئا تعجيزيا

طلب ان تكون حافظة لكتاب الله .. غير موظفة لا ترتدي البناطيل

فقط ..

أتعبنا والله من وين نجيب له وحده ما تلبس بناطيل

لكن بنات الحلال يبانون وربك يعين

لا تفكرين كثير ..

مافيه نظرية معينة تجيب لك عريس ربي قال في كتابه

قال تعالى : ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

فقط هنا السر ..

وسبقتني عضوة بكلامها لما ذكرت لك ان الرزق بيجيك لو كنت بقبو

اذكر لك قصة غريبة بهاذا الشأن :

صديقة لي تعمل في مجال الحجز و الخطوط الجوية ..

تقول قبل فترة .. جاءت الينا إمراة تبدو في الثلاثين من عمرها

تبدو بملامح عاديه جدا ذات بشرة سوداء وتمشي على عكازين

بسبب رجلها المبتورة .. طلبت حجز لها وعندما اخرجت الهوية الخاصة بزوجها

نظرت الموظفات في ذهول .. زوجها من عائلة معروفة عندنا بالجمال

و الوسامة والجاه .

سبحان اللي عوضها عن رجلها بزوج وسيم وغني و رجل اعمال معروف

يعني بيني وبينك كدا ..

هادي لو تشوفها اي أم بالعالم تتوقعي تخطبها لولدها .. لا والله

حتى لو كانت تحبها ..

لكن هذا قدر ربنا .. و أكيد هي دعت ربنا كثير و رزقها بالزوج هذا

يا بنتي سيبيكي من الأمهات و نظراتهم وخليكي مع ربنا

وحينولك خير ... بلا شقرا بلا سمينة انتي التانية

__________________

‏
الوعي هو الملاذ ..

أستغفر الله العظيم ؛
( الفردوس غايتي )