قلوب حبيبتي .. انا قلت لك هذي تراكمات .. بتاخذ وقت لين تزول
وبعدين الرسالة ما تفيد مع اللي شخصيته مثل زوجك .. يحب الكلام المباشر والصريح لكن بلباقة واحترام

اسلوبك هذا متكرر مو بس مع هالمشكلة .. مع كل المشاكل انتي اللي تكبرينها واعترفتي بهذا الشي ..

قلوب .. اسألك سؤال : شفتي واحد زعلان ويسألك سو ناقص بالبيت ؟ شفتي واحد زعلان وقاسي ويسلم عليك
ويقول لك تصبحين على خير ؟

انا حذفت كلمة اسف من حياتي لانها تنرفزني وما لها اي قيمة عندي.. اللي يبي يعتذر يبين هالشي بعدم تكرار الغلط
هذا كلامي مع زوجي واهلي

الاقتراحات اللي عطيتك اياها هذي المفروض تكون تصرفاتك دائما مع زوجك .. الابتسامه الكلام الطيب الدعاء الطيب
المعاملة الطيبة ... اما الحين خلاص اعتذري من زوجك بدون بوس راس او بكاء .. وقولي له : انا اخطات لما
كبرت الموضوع على شي تافه .. انا تضايقت من نظراتك وهالشي زعلني .. فكانت ردة فعلي سلبية .. فاسمحلي لي
على هذا التصرف .. بدوووووون بكااااااااااااااااااااء وضعف .. بلييييييييز ..

خليك واثقه من نفسك .. قلوب ..

بعد ما يرضى .. جربي فكرة الـ 10 دقائق علشان ما يطول الزعل .. انا واااااااايد نفعتني الحمد لله

شوفي قلوب انا بكتب لك بعض النقاط وبشرحها بالتفصيل بعدين لان قرب اذان الفجر وزوجي بيرجع
وبكمل معاك بعدين ان شاء الله

انا فاهتنك لاني كنت مثلك .. وزوجك مثل زوجي ..

انا ما اقول لك لا تعبرين عن استيائك لكن تعلمي كيف تعبرين بدون انفعال زايد ..

اول شيء قسمي الامور كالتالي :

الامور اللي لازم تطنشينها
الامور اللي لازم ما تطنشنها
الامور اللي محتاجه وقفة حازمه ( ما تسكتين عنها )

بعطيك على كل وحده امثلة وكيف لازم تتصرفين بعدين لاني مستعجلة حبيبتي ..
بس حاولي تصلحين اللي بينك وبين زوجك اليوم بعد التوكل على الله
وربي يوفقك وتجين تبشرينا بالاخبار الحلوه .. موفقة حبوبه ..