كسر خاطري زوجك .. يارب تعوضه بالجنه

ياوخيتي لين حبتك عيني ماضامك الدهر

واضح انه مو عاجبك مره لاشكلاً ولا مضموناً اذن الحياه مستحيله

والزواج قسمه ونصيب افعلي مايمليه عليكي عقلك وقلبك

والله ما ألومك تثدي ؟!
استغفر الله مابقي إلا يلبس برا
ع العموم التثدي امره سهل يسوي عملية مافيه تعب عليه ان شاء الله
اما سمنته حاولي تشجعينه ينحف جيبي سير اطلعوا اتمشوا على رجلكم
ونظافته اشتري له كل شي يحتاجه عشان يتنظف
ولاتخلينه يجلس بالسروال والفنيلة اشتري له بدل قطن
ولبسيه بنفسك كمان
الرجال مايجلسوا بالسروال والفنيلة إلا لأنهم عجازين فغيري له انتي
ولاتخوني ربك عشان كم كيلو

اقتباس:

مساء الخير .. حبيت اشارك بهالموضوع .. و الله يجعل بحروفي أمل و نور و يفك حيرة اختي الوفية .. شوفي حبيبتي انا لما خطبني خطيبي .. ما كنت مقتنعة بشكله صراحة .. و المشكلة انه انسان مرررة واثق من نفسه .. يجي عندي و يعطيني صور له و عادي عنده .. يعني اذا ما كنت جنبك هذي صورتي عندك تذكريني ههههه كنت مترددة كثيييييييييير مثلك بالضبط .. و ما خليت مكان و لا انسان اثق فيه ما استشرته .. و كل الكلام حقهم بالنسبة لي منطقي انو اهم شي اخلاقه و دينه و الشكل شي مو مهم .. و كنت متخووووفة انا وحدة احب الجمال و الكشخة .. ظليت مترددة و محتارة .. و بالنهاية وافقت و توكلت على الله .. لاني بجد كنت أشوف فيه كل المواصفات اللي اتمناها الا الشكل . فحسيت صعبة ارفض مليون صفة كويسة على حساب وحدة مو كويسة هو ماله ذنب فيها هي من عند ربي .. بيوم حفلة خطوبتنا .. فاجأني حنانه و رقته و رومانسيته و كمان جرأته قدام الناس كلهم .. اعجبت برومانسيته و حنانه .. عصبت على جراته شوي .. لكن بقى شكله مسوي لي قلق من داخل .. ياما شكيت و بكيت .. خصوصا اني كنت مخطوبة من قبل لرجال صحيح كان وسيم بالشكل .. لكن انفصلنا لأن ما عنده ما عند جدتي والحمد لله مواصفات خطيبي اللحين فديته يطفررررره .. خطيبي رجال مالي هدومه _ معنوياً و مادياً لانه دبدوب خخخ _ , مثقف , واعي , الحالة المادية عنده مررة كويسة , مهذب و كريم .. و فوق هذا يحبني .. عليه حركات تنرفز شوي كأي شاب سعودي بالحياة خخخ .. و أنا عصبية شوي بعد .. و ببداية حياتنا صارت مشاكل كثيرة توصل احيانا للانفصال .. بس كنا نبلعها انا و هو, يعني نتخانق و نتطاقق _ مجازاً _ و ما احد يدري عنا الا نادراً .. و نحاول نصلح امورنا بنفسنا .. لأننا اتفقنا من البداية مانبي الأهل يتدخلون في شي بحياتنا مع الايام و كثر الطق و المطاقق .. فهمت على الكاتلوج حقه .. و هو فهم على الكاتلوج حقي .. عرفت انه رجال مثل كل الرجاجيل .. تدوخه كلمة أمرك حبيبي .. كلي فداك .. انت آمر و أنا انفذ .. حتى لو كنت بالحقيقة و الواقع اسوي اللي أنا ابيه خخخخ و هو عرف اني عصبية و الهرمونات لاعبة في اللي جابوني .. بس بنفس الوقت بكلمة حلوة وحدة اضحك و يطيح كل شي .. صرت لما اعصب و يتطاير الشرر من عيوني .. يقول لي عشق تدرين انك تصيرين حلوة كثير لما تعصبي و تدوخيني فيك اكثر .. بس اضحك و يطيح الحطب خخخ لكن مع هذا كله .. اكذب اذا اقول لك ما اتضايق من شكله احيانا .. خصوصا بفترة الملكة مافيه غير تسدح و عزايم و اكل .. فطق وزنه زيادة .. جلست مع اختي برضو اشكي و ابكي .. و قالت لي مثل ما قالوا لي كل البنات هنا .. و بالفعل هذا الكلام السليم .. حاولي تصلحينه و تحبينه لأنه ماكو فايدة اذا كان طري و لزيز من برا و خايس من جوا مثلا ثوبه مطلع كرشه .. حبيبي وش رايك المرة الجاية توسع ثوبك شوي <<< عشان ينخش الكرش شوي خخخ.. يعني باختصار .. غيرت نظارته .. و غيرت قصة شعره .. و غيرت حلقة لحيته .. و يطاوعني مسكين لأنه يحبني .. يقول لي حبيبتي عشق قولي لي اي شي تبينه لأنه يهمني انك تشوفيني بالشكل اللي تحبين .. بذمتك ما ودك تصيحين و انتي تسمعين هالكلام ههههه <<< وحدة حساسة حيل حاليا أنا ما بكذب و اقول انا مية بالمية نسيت موضوع شكله .. بس حالنا افضل بكثيييييييييير من اول .. تصدقين عاد ؟ أحن لدبته هههههه انبسط عليه لما يحضني .. دباديبه كلها حنان ههههههه حتى اقولها له احيانا .. وحشتني دبيبتك .. و يضحك هههههه انا اللحين زواجي بعد اسبوعين الله يتمم لنا على خير ان شاء الله .. أحاتي شوي من سالفة ان الثوب اللي كان خاش كرشته بيروح .. بس شسوي الشكوى لله .. بتعود عليه برضو مع الأيام .. مثل ما تعودت بالبداية صدقيني أهم شي من داخل .. اهم شي يحبني و يعزني و هو عارف و متأكد اني اجمل منه .. فعشان كذا طاااااااير فيني و دايما يتمنى ان عيالنا يطلعون علي يللا الحمد لله على عطيته .. اهم شي زوجي يظل يحبني و يشوفني اجمل بنات الدنيا و انه محظوظ فيني يومني وافقت عليه .. و اهم شي بعد انه بصحته و عافيته و دينه و اخلاقه .. الله يوفقك الوفية و نسمع عنك اخبار طيبة يا رب .. و اتمنى ان تجربتي تفيدك او على الاقل ترسم الابتسامة على وجهك ادعوا لي بنات ربي يتمم لي زواجي على خير .. حدي محتاسة

حلك في هذا الرد كلامك انتي !!

__________________

لا تأتي الحياة كما نشتهي دائما . لذا أصبحـتُ أطلب من الله الرضا بِ الغد . . الرضا بِ القدر أيًا كان و ممارسة الحياة بصورة جميلة ~

سبحان الله
لهالدرجة رايك فيه وجراتك واسلوبك معه
وما تجراتي تتخذين قرار





انا اقول لك الحل

بس اذا فعلا شجاعة وقويه وتحسين انك منصفة


خليه يقرأ الموضوع
وصدقيني تنحل مشكلتك
ارسلي له الرابط عن طرق الواتس, مسج ,اميل
وات افر


وبتشوفين نتائج مرضيه باذن الله









تحياتي

لي عودة ان شاء الله للرد و التعليق على ردود بعض الأعضاء الكرام

فقط وددت أن اوجه شكر خاص الى الأخت 5wa6er

أبكيتيني بحق ..!

.......................

ما بين طرفة عين و انتباهتها .. يبدل الله من حالٍ الى حالِ