السلام عليكم ورحمة الله وبركاته

انا جيت هنا لاني بستشيركم استشاره طبيه ما ادري اذا هذا مكانه صح او لا
لو ماكان مكانه امانه عليكم تجاوبوني وتنقلون موضوعي لمكانه الصحيح
علشان اشوف الاجابه

انا متاخره عن الانجاب 3 سنوات الحمد الله على كل حال

الموووهم اني سويت تحاليل عند مشفى والدكتوره قالت لي تحاليلك سليمه واخذت منشطات ومايصير حمل
الموهم قررت اغير الدكتوره ووريتها التحاليل قالت تحاليلك ممتازه ونفس الشي كملت معها المشوار ومافيه نتيجه

رحت لدكتوره الكل يمدح فيها ويجونها ناس من برى بعيد علشان يتعالجون عندها ويقولون انها دكتوره ممتازه

الموهم اني وريتها نفس التحليل اللي قالو لي عنه قبل انه ممتاز
شافت الهرمونات وهي كالتالي ،،،

tsh =4.26
prolactin= 19.59
lh= 1.07
testosterone= 0.36
fsh =5.91

هاذي كانت نتايج تحليلي وقالت لي الدكتوره ان معي ارتفاع في هرمون الحليب ومشكله في الغده الدرقيه
اصرفت لي حبتين بالاسبوع لهرمون الحليب دوستينكس لمدة 3 شهور

وصرفت لي للغده اثيروكس 100 غرام كل يوم قبل الاكل بساعه لمدة 3 شهور

وبعد ما تخلص ال 3 شهور اراجع الدكتوره

انا اقول لو فعلا عندي مرتفع اكل 3 شهور لان اشوف ناس مرتفعه النسبه عندهم فوق كثير وياخذون حبتين لمدة اسبوعين وانا قالت لي 3 شهور انا خايفه هالاحبوب يسبب لي مشكله
حبوب الغده عادي 3 شهور خايفه حيل تخترب هرموناتي ويصير الحلم بالامومه صعب
انا مابين اشياء ان الدكاتره اللي قبل قالو سليم وهي قالت لا
وما ودي اشك في كلامها لان اعرف ناس كثير ما احملو الا با ارادة رب العالمين ثم على يدها
تكفون ردو علي طلبتكم قبل ما اطول وانا اكل هالحبوب وهي مضره انا من استخدمتها الحين لي 4 ايام

حبيبتي الدكتوره أدرى بحالتك
وكلامها صحيح تاخدين العلاج بانتظام لمدة ثلاث شهور يوميا وان شاء الله ينتظم عندك هرمون العده وبعدكدا راح تخفف لك الجرعه ويكون التحليل كل شهر
وهرمون الغده ماتمنع الحمل فقط تكون سبب في تأخير الحمل
وأنصحك بشرب الميرميه مفيده جدا لهرمون الحليب
أسأل الله تعالى ان يرزقك الذريه الصالحه في القريب العاجل

__________________
《اللهم استودعتك أطفالي الذي لا تضيع ودائعه》

مشكووره والله رديتي علي وعطيتيني وجه
انا والله خايفه يسبب لي شي المشكله قبل كم يوم وديت هالتحليل لدكتور عام قال ماعندك اي مشكله
الهرمونات في معدها الطبيعي المرتفع يعني الطبيعي مثلا للغده من 1 الى 5 واكثر عن خمسه موب طبيعي
وانا تحت الخمسه بشوي يعني حتى لو تبي تنزلها وتخليها 2 تكتب لي جرعه 25 او 50 لان كثير مرتفعه اكثر من كذا
وياخذون علاج 25 وانا 100 يعني الجرعه كبيره ونفس الشي هرمون الحليب مرتفع بالمعدل الطبيعي
وانا اشوف اللي مرتفع حيل يعطونهم اربع حبات حبتين كل اسبوع اسبوعين بس وانا 3 شهور
والله اني خايفه ياليت بنت النيل ترد علي او اودكتور او وحده مرت بشبيه بحالتي واحملت

ودي احد يرد علي من الدكاتره بعد شهر من تناول حبوب هرمون الحليب
صرت اكره اي احد يلمس صدري وصارت الحلمات توجعني بشده لو احط صبعي عليها
خايفه يكون تاثير الحبوب والدكتوره مسافره وماراح ترجع الا في محرم خايفه يتلخبط عندي كل شي
ويصير املي بالامومه حلم