السلام عليكم ورحمه الله مدري من وين ابدا اقسم بالله اني فاقده السعاده رغم توفر كل اسبابها راح اقولكم وش الي منغص حياتي وحارمني الراحه الي فقدتها من زمان بالبدايه انا بنت عمري بالعشرين ملكت قبل شهرين طبعا زواجنا تقليدي من اقاربي لكن من بعيد .. من هنا تبدا قصتي...... قبل سنتين تقريبا تزوجت اختي الاكبر مني وطبعا كانت ايام الملكه مشغوله بخطيبها رسايل ومكالمات وما الى غيره طبعا اختي هذي كانت بالنسبه لي الصديقه والاخت والام يعني قريبات جدا من بعض وبعد ما انشغلت بخطيبها حسيت بفراغ وفقدت كل شي كانت تشاركني فيه فحاولت اني اشغل نفسي فكل وقتي عالنت سجلت بالمنتديات وسجلت بدورات فوتوشوب حاولت اشغل وقتي كله بعد فتره وحده من اخواتي المتزوجات كانت عندنا وكانت تدخل الدردشه مع العلم اختي هذي ملتزمه ومحافظه على دينها لكن تدخل الدردشه من باب الترفيه والاستهبال زي مايقولون وطبعا بعلم زوجها ولانه يثق فيها المشكله مو هنا المشكله لما جات تزورنا وكنت عالنت قالت خلينا ندخل الدردشه كانت تدخل من جهازها وانا من جهازي ونسولف ونستهبل طبعا اعجبتني الفكره لانه اشغلتني عن كل شي ابي اتشاغل عنه وصرت كل يومي عالدردشه وصرت اعرف كل شي فيها وبعد ماسافرت اختي صرت ادخل الخاص بالدردشه وهنا بدات قصه ضياعي قعدت على هذا الحال 4 شهور تقريبا وفي هذي الفتره تعرفت على واحد وصرت كل يوم ادخل واسولف معه تعلقت فيه وهو تعلق فيني كانت سوالفنا كلها ضحك وفرفشه ومرات في السياسه ومرات في الدين طبعا بحكم دراسته في الخارج وكانت ماجستير فكان اغلب الاوقات فاضي تطورت علاقتنا الى الماسنجر مع العلم اني ما اعطيته ايميلي الا بعد ما وثقت فيه وحبيته بكل جنون من غير ما اصرح او المح له قعدنا على هذا الحال تقريبا 8 شهور وطبعا كنت اشكي له احيانا وافضفض له ولما تزوجت اختي كان واقف معاي ويشاركني كل همومي طبعا بعد شهر من زواج اختي سافرنا لمنطقه الي يعيش فيها اقاربي نقضي فيها الصيفيه وبعد رمضان نرجع للمدينه الي اسكن فيها طبعا قبل ما اسافر اعطاني رقم جواله وعاهدني انه مايتصل بس يرسل يتطمن علي انا رفضت قطعا ولكن في نفسي اني بسجل الرقم عندي لاني مقدر اصبر عنه وبعد ما اسافرت وابتعدت عنه ايام تندمت وقلت لازم اطلع من هالدوامه واتخلص منه كنت اصبر يوم ويومين اسبوع بعدها مقدر احس اني مريضه ومارتاح حتى يرسل اي شي ويطمني علييه وعلى هذا الحال حتى رجعنا بعد العيد وكنت افتح الماسنجر يوميا انتظر دخوله واذا دخل يجن جنوني واطير من الفرحه بعد فتره مع بدايه السنه الجديده صار ينشغل بسبب دراسته وانا تعبت وكان واضح فيني فقررت اشيله من قلبي لكن كيف؟؟ صرت ادخل الدردشه كل اليوم وفي مره واحد ارسل يطلب مني اسجل بالمنتدى وانا معه بنفس اللحظه طلب مني ايميلي وكان محترم وثقيل مره وانا صراحه احب الرجال الي يثقل ابي استكشف الي داخله وصرت ادخل كل يوم الماسنجر اسولف معاه وانا اسولف معاه كان يدخل الاول وير سل لي وينادي علي مارد عليه وصرت اثقل عشان يكرهني ويتركني ونسيت اقولكم انه كان يحب وحده وقالي انه مرتبط قبل كذا وعشان هالسبب قررت اتركه وصرت ادخل الماسنجر واسولف مع صاحب المنتدى كل يوم وفي مره طلب مني رقم الجوال عطيته على ظول مدري ليش يمكن عشان انسى الاول وصار يرسل ويكلم وبعد فتره صرح لي بحبه ولي الان معه سنه و7 شهور تقريبا حبيته من كل قلبي وكان يقول اقدر اتقدم لخطبتك واتزوجك بس قلتله اهلي مايزوجون من بعيد وقلتله قصه حصلت لوحده من اخواتي لما تزوجت من برا القبيله وبعد ما مات ابوي الله يرحمه طلقوها عماني بعد فتره من تعرفنا على بعض طلب مني صوور ارسلتها له وكان يرسل صوره لي طلب نتقابل كنت ارفض بقوه بعدين استسلمت لكني واثقه فيه كل الثقه فكان يجي لبيتنا وبعد كل هذي الفتره يعني قبل شهرين تقريبا قررت اتوب وارجع الى الله واتركه رغم اني صرت احبه بجنون لكن خوفي من الله خلاني افكر في الافتراق مع العلم اني حاولت مرات ان اقطع علاقتي يعني بعد 7 شهور تقريبا من علاقتنا لكنه رفض وبكى فضعفت عنده حاولت بعد كذا وقدر انه يرجعني له والمره الاخيره الي قررت اتوب وارجع فيها الى الله قررت اولا ان ازيل كل شي يذكرني فيه يعني بالتدريج اول شي الهدايا رميتها كلها المنتدى انقطعت منه وطبعا اهلي مستاجرين شقه فكنت اصر عليهم يغيرونها عشان مايقدر يوصلني الاغاني تركتها وحجابي عدلت فيه ولبسي بعد صار محتشم بقي شي وحيد ومهم وهو الجوال وهي اخر نقطه قبل ما اقرر اقفل الجوال صار شي لم يكن في الحسبان صار شي مدري اقول انه كان عامل مساعد او مدري وهو اني انخطبت وبعد اربعه ايام كانت الملكه وطبعا ماخبرته عن خطوبتي لاني قررت اتركه بعد يومين من الملكه قفلت الجوال بعد اسبوع صار يدق على جوال امي لان كنت ارسله منه قبل اذا ماعندي رصيد طبعا كل مادق على امي يخلي اخته تكلمها تقول انا صديقتها وكنت اقول لامي لاتردين عليها لانها وحده من صديقاتي مزعجه او صرفيها ومره خليت اخوي يرد عليها عشان تخاف المهم بعد اسبوعين تقريبا دق على جوالي الجديد (باسم خطيبي طلعه لي اول يوم) رقم غريب نغزني قلبي مدري ليش وقام يدق كل شوي ازعجني رديت قعد شوي بعدين قال اسمي انا قمت ارتجف خفت وقفلت وشوي الا يدق مارديت المره الثالثه دق عطيته اخوي قلت فيه رقم غريب تعمدت اعطيه عشان يهزأه وماعاد يدق دق عليه اخوي ردت اخته قالها من الرجال الي كلم من شوي قالت محد انا صديقه (اسمي) اخوي قعد يهاوشني يقول صديقتك تستهبلين انتي المهم انا قمت ارتجف وبعد هدا الوضع شوي رحت لغرفتي وارسلت له بجوالي القديم وقلت كيف عرفت جوالي الجديد وكيف وصلت له وقام يهزاني و قمت ابكي دق علي تلفون يهزا حتى انهرت قفلت الخط وكملنا رسايل يقول لعبتي من وراي خنتيني دمرتي حياتي كنت بانيها عليك (مع العلم انه يتيم الام والاب واخته الي كلمتني من ابوه وهي بديره ثانيه) انا مابقت دمعه براسي الا نزلتها واعتذرت منه وقلت خلاص انا غلطانه وعلمني كيف وصل لرقمي اخوه في المباحث وجاب معلوماتي كامله وعرف اني انخطبت وانصدم لما قلت اني ملكت وزاد حقده علي طبعا انا اعتذر طول الوقت اخر شي قلتله خلاص اتركني مابي اصير خاينه مرتين وقعد يدعي علي بكل مافي قلبه ويتحسب علي ويقول قاعد ابكي ماعمري بحياتي بكيت زي هاليوم انا طبعا لازلت ابكي وطول الوقت يحقق معاي ويسالني وين ساكن ومن هالاسئله انا قلت لاتسالني عنه المهم للحين اكلمه واحاول فيه يتركني ويحذف رقمي من عنده قال بشرط تعوضيني قلت كيف ؟؟ قال تعطيني مبلغ من مهرك واشوفك مرتين وبعدها بختفي من حياتك والله والله ماعاد تشوفيني طبعا مهري قليل بحكم عادات قبيلتنا وقلتله مهري قليل ومايكفي وبالنسبه للشوفه مابي اكون خاينه اتركني وقعدت اترجاه تعبت اطلبه كل يوم واذل نفسي عنده واخر شي امس قال ابي 5000 ريال قلت خلاص بعطيك الي طلبت وبعدها لا اشوف وجهك انت قاعد تستغلني وقعد يحلف انه يحبني ويعشقني وانه مايبي يذلني وقال خلاص مستعد اخفف المبلغ الى 3500 انا قلت لا بعطيك الي طلبته بس بعده لا اشوفك ابيك تختفي من حياتي مع العلم اني معطيته صرافتي اول يعني ماعمري بخلت عليه وقلتله ماتوقعتك كذا ابدا تفكيرك فلوس بس ابي مساعدتكم عطوني حلول احس بديت احن عليه والبارح كله قاعده ابكي عليه تفكيري صار ملخبط مره ابي اتوب ومره ابي اقعد معه ومره ابي اتطلق من زوجي ومره احبه واقول لا ماراح افكر بهذا الشي ساعدوني دلوووووووووووني بديت انهار بديت ارجع للضياع اسفه على الاطاله وعلى الاسلوب لان ماعندي وقت اعدل مضغوطه شوي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|