مساء الخير للجميع _ انا شاب من اهالي نجد ومن سكان المنطقة الشرقية *عقدت قراني على فتاة من قرية مجاورة لقريتنا ولكن هي تعيش في القرية _ الفتاة تقوم بواجباتها الدينية على اكمل وجه وعفوية وقد رأيتها في النظرة الشرعية وتم عقد قراني عليها المشكلة انني تمسكت بها ولكن تفاجات بان لديها شقيق يتحكم في تصرفاتها بحيث انها لاتكلمني ولايجعلنا نرى بعض حتى في الاعياد علماً بان زواجنا في العام القادم لظروف دراستها ولاحترامي رغبتها *والوسيلة الاتصال الوحيدة بيننا البلاك بيري وكل ماصارحتها بانني ارغب برؤيتها لو بصورة ترفض بحجة ان اهلها يرفضون ذالك ويرفضون زيارتي لها حتى لو بمناسبة العيد انا بدأت اشعر بالملل ومن الوضع ومستاء جداً منها لانها ضعيفة حاولت ان اشرح لها ولكن لاتتفهم حاولت عن طريق والدتي وشقيقاتي ولايكن لاحياة لمن تنادي ووصلت مرحلة لانني لااريدها ولكن لااستطيع لانها يتيمه واشعر بأنني ساظلمها ومايستفزني منها ومن اخيها بان اخيها يتدخل بادق التفاصيل وان ازواج شقيقاته لايعاملهم نفس مايعاملني انا في قمة غضبي لا اعلم ماذا افعل ؟؟؟

ياخوي ..

البنت غصب عنها ، صدقني ..
( اللي مالها أب .. رحمتك يارب ) ..

لإني عشت مع أهلي و أخوي المسئول عننا بعد وفاة أبوي الله يرحمه ..

.
.

البنت تبغى تبعد عن المشاكل ، و إنت ما تعرف الأخوان كيف يستقووا على أخواتهم إذا أبوهم مات
إلا من رحم ربي ..

تصدق إنه بعد ما أمي الله يرحمها ماتت ،، أخوي مادري إيش صار فيه ؟
يبغى يتحكم فيا و هذا و أنا متزوجة و عندي وظيفتي و طفلين ؟؟؟

بس أنا دحين اللي أقدر أقول له ،، ( مالك دخل .. معليــــــــــــــــــــه ) ..

.
.

صدقني ، إذا تزوجت البنت .. فراح تعتبرك كل شي بحياتها ..
لإنها راح تشوف الفرق بينك و بين أخوها ..

.
.

طيب سؤال ؟

أمها عايشة و لا ميتة ؟

.
.

لإنه واحد من أخواني كان كذا ،، بس عشان أمي قالت له لا تتدخل .. فما كان يتدخل ..
و أخوي نفسه هذا ، وقت ما خطب .. أخذ راحته و الشي اللي كان يحرمه علينا ، يحلله لنفسه ..

امها عايشة وانسانه مسالمة

اخو زوجتك يعاملك غير عن بقية اصهارك لانك لازلت عاقد
وبعد الزواج و لما تكون البنت ببيتك ساعتها بيوقف تدخلاته و بيعاملك زي بقية الاصهار

الحين هو يحاول يحمي اخته من اي شي ممكن يسيء لها
انتو لازلتو بفترة عقد و احتمال يصير فسخ لاي سبب ... و اي اتصال بينك و بينها ممكن يأذيها (هذا تفكيره)

وخطيبتك تسمع كلام اخوها لانها انسانة متربية و عارفة انها طالما و انها لسه ببيبت ابوها
فاكلام اخوها يمشي عليها
بس تصير بيبتك ساعتها ماحد له دخل غيرك ..

عليك اخي احترام قوانين هذه الاسرة
وان كنت مستعجل عليها عجل بالزواج

والله يوفقكم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

جزاك الله خير اختي ..

بطـــــلقها عشانها مغلوب على أمرها؟؟

وتـــقول ضعيفه؟؟اي والله ضعيفه ومسكينه كيف تقدر علىتسلط خوانها وتحجرهم؟؟

تدري لو قلت مليت منها وانت ماتعرف السبب كان عذرتك بس تعرف ان البنت مسكينه وأخوانهاشديدين معها وتبي تخليها؟؟

حــــرام عليك قـــــــهر،، البنت مافي يدها حول ولا قوه وتلاقيهم يراقبونها ومهددينها

وبعدين اللوم يقع عليك ايـــه علـــــيك انت تعرف أن طبايعهم يرفضون التواصل مع الخاطب ورحت تخطب البنت..

اقول بس اتق الله في بنت الناس،،ولاتدمرها بسبب شيء انفرض عليها..

ويـــاخي اصبر كلها سنه وحلو بعد ان فيه وسيلة تواصل بينكم ووش تبي بصورتها هماك شفتها..

الله يصلحك والله ان موضوعك نرفزني وحزنت على البنيه..

__________________
{اللَّـهٌـمَ أنـي أَسْـأَلٌـكَ الـهٌـدَى والـتٌقَـى والـعَـفَافَ والـغِـنَـى}

ياختي الكريمة انا ماقلت انفصل عنها .. انا منزعج من تصرفات اهلها

السلام عليكم ورحمة الله تعالى وبركاته

اخوي نادم
لاتكبر الموضوع بالعكس المفروض تفرح انك عرفت أن اهل البنت محافظين على بناتهم وعلى تربيتهم مما يعطيك راحة نفسية في حسن اخلاق زوجتك وتربيتها.

وسماعها لكلام اخوها هذا بيعطيك دليل اخر انها عندها القابلية والمرونة لسماع كلامك ، وان زوجتك حرمة رضية ومطيعة وبارة في اخوها مما سيجعلها بالتأكيد تبرك وتستر عليك. (اللي فيه خير لأهله فيه خير لنفسة وللناس).

انا والله ياخوي نادم لو كنت مكان الرجال سويت مثلة ، وانت بعد حط نفسك مكانة!! تخيل انك تعقد لأختك على شخص وتسمحلة يجي البيت ويقعد معها ويكلمها تلفون ويعرف ادق ادق التفاصيل عن اختك هذا من غير الصور ، وفجأة ينفسخ العقد لأي سبب من الاسباب ايش بيكون شعورك امانة ؟؟؟ والله بيكون شعور سيئ جداً.

انت بنعمة بس مو حاس فيها للحين وراح تحس فيها بالمستقبل ان شاء الله ، ودام هذولا نسايبك لاتخاف على عيالك.

عمر بن الخطاب رضي الله عنه يقول (جُعل خير عيشنا الصبر) ف اصبر لين ماتعرس وتهنى فيها وبشوفتها جعل ربي يسعدك معها وتشوف من خيرها ويكفيك ربي شرها.

موفق .

__________________
استغفر الله واتوب إليه

دامك مقتنع فيها .. وبينكم تواصل على البلاك تعرف شخصيتها وتعرف شخصيتك وتتفاهمون على قادم حياتكم وش لزمها الزيارات..أنا معك إن نفسك تشوف زوجتك وتجلس معها بس ماهي بالضرورة .. الغرض من الملكة هو إن كل طرف يفهم ويعرف الطرف الثاني .. ودام هذا حاصل بالرسايل عالبلاك خلاص الزيارات ماهي بهالضرورة إللي تجعل منك تفكر بالطلاق لمجرد إنك ماتشوفها أو لمجرد قناعات اخوها واهلها.. الحمد لله دام البنت على دين وعفة وأخلاق .. لاحق يا أخي تجلس معها وتشوفها .. بس أنت أذكر الله .. الله يوفقكم ..

انا مع هالرد