مسا الخير
مشكلتي مثل ماهو مبين من العنوان'' دائماً لما اجلس مع امي الا وتجيب شي عكس مواصفات زوجي وامتدح فالبنات الي تزوجن شاب ومتقاربين فسن' زوجي اكبر مني ب15 سنة وامي دايما تقول فلانه ريلها من عمرهااكيد حلوة حياتهم مب واحد كبير ماخذوحده صغيره وحياتهم الجنسيه اكيد مب مرتاحه توصلها لي بطريقة غير مباشره مع اني الحمدلله مرتاحه معه' وتمدح البنات الي ازواجهم وسيمين وتقول الحرمه تشوف الجمال والاخلاق فالرجال والله جميل يحب الجمال مو اي واحد بس اهم شي ريال' وعن الشهادة وعن كل شي سلبي فريلي توصلها لي بطريقه غير مباشره بمدحها للبنات الثانيات'واليوم تقول ان الرجال بعد مايتعرف على وحده جديده خاصه الي تعطيه وجه راح ينسى زوجته ويفكر فالثانيه والله صرت محب اجلس عندها لانها تخليني اشك فريلي وانا عاد مب ناقصه شكوك وتصير بيننا مشاكل بسبب شكي وما البث أنسى الشك وأكون مرتاحه الا واحصل الشك من امي وابدا فالشك واتعب نفسيا وجسديا' يارب اش الحل شو اسوي اذا ماجلست عندها بتاخذ فخاطرها مني' وانا احب اجلس معاها بس دوم احسب حساب لاتقول شي وتخليني اشك فيه'
ماإن تبدأ أمك حفظها الله بالكلام بمثل هذه الأحاديث ابدأي أنت بمدح زوجك وتعديد صفاته الحسنة وبيني لها كم أنت مرتاحة معه ..وكأنك تقولين لها : أنا فاهمة إلا ماذا ترمين ياماما ولكني مقتنعة بزوجي تماااما .. وإن اضطررتي أن تقوليها صراحة دون تلميح .. صارحيها وقولي لها كلامك يزعجني دعينا نتكلم في أمور أخرى .. ثم استخدمي أسلوب التطنيش المهم أن تكوني مرتاحة في حياتك ولاتدعي الشيطان يخرب حياتك عن طريق إدخال الشك في قلبك تجاه زوجك .. استودعيه الله واكثري من الدعاء أن يبعده الله عن طريق الحرام ويسخره لك . ربي يختار لك الخير.
أحب الأسلوب المباشر بحل المشاكل لذالك قوليلها بصريح العباره يالغاليه أنا فاهمتج وأدري أنج كنتي تتمنين لي الأفضل حسب رايج بس ربي أختار هالزوج وهذا نصيبي ولو ألف الدنيا مالقى مثله وأبدي امدحي فيه بس طبعا كلميها بتلطف وبوسه عالراس بس خلج واضحه لاتتبعين اسلوبها الغير مباشر
__________________
الصّمت هو النُقطة الأخَيرة لكُل الأشياء الموُجعَة .!