السلام عليكم ورحمة الله وبركاته
اخواني اخواتي بيتي الثاني
ادري اني صدعتكم ودوختكم بمشاكلي لكن اتمنى انه تكون هذي اخر استشاره في مشكله خاصه وماتكون اخر مشاركه
اولا فهرس سريع لمشاكلي
انا الي زوجتني قصرت معاي كثير في حقوقي
الي كلمت وحده عن طريق السكايبي مكالمتين فقط لمجرد الفضفضه وتبت بعدها توبه نصوحه والحمد لله
الي زوجتي في بداية المشكله تعدلت 360 درجه ورجعت انتكست 360 درجه
انا لاني حق سفر ولا عمري سافرت مع اصحابي بالرغم من وفرة العروض المقدمه لي من اصدقائي خوفا من الله وحبا في زوجتي ولا اسهر كثير برا البيت .
اعتقد انكم عرفتوني
اجي للموضوع الي محتاج افهمه لاني قررت اما اعدلها او اتزوج انسانه تقدرني لاني تعبت تعبت تعبت
الموضوع
هذي الانسانه صار فيها من الغرور والتسلط بما لا يحتمل والله مو ضعف مني لكن تكبير دماغ مني يمكن هي فهمته غلط انه ضعف
ياجماعه حقوقي الشرعيه صرت ما اتحصل عليها بالاسابيع وانا في الثلاثين من عمري والله حرام .
هي موظفه راتبها 10000 نصف راتبي تقريبا وع هذا انا متحمل لراتب السواق والشغاله واعطيها لها 1000 ريال بحكم اني مسؤل عنها والله بعطها بطيب خاطر لاني احبهاومصروف البيت وبناء البيت الجديد والسياره والملابس انا متحمله لوحددددي واذا حبت تشارك تقيد وتسجل وتذكرني انا قبل خمسه اشهر دفعت لمقاضي البيت المبلغ الفلاني
كان عندها مبلغ 50000 وكان ودها تسافر فيه وتتمتع منعتها واستثمرتلها المبلغ ورديته لها 300000 .
والله ما طلبت منها ريال لانه هذا مو من شيمتي اخذ فلوس من مرأه
دايم اوقف مع اهلها واساعدهم على حسابي والله والله اني حرمت نفسي من فرص استثماريه جيده عشان اطلع اخوانها من ضائقات ماليه عشانها.
متحمل دوامها الطويل والطويل الي ينتهي بعد دوامي باربعه ساعات
متحمل اهمالها بنفسها وبشكلها بحجة تعب الدوام
متحمل تربية الخادمه للاولاد لانا حضرتها تجي وتنام حتى العشاء
متحمل اني صرت ما اسمع كلمه حلوه ودلع
تخيلو مره من المرات طلبت منها انها تحط كحل في وقت حميمي جدا وكان بغرض التغزل والا الدنيا قامت ما قعدت كيف اطلب منا وهي جميلة الجميلات وطارت الحميميه وعديت الليله وانا كالعزوبي
الفتره الاخيره لاحظت شي انا ادخل انام هي تصحى وتنزل تقعد في الصاله لحالها انزل تطلع تنام اطلع من البيت تجلس صاحيه ارجع يجيها النوم
اصبح الكلام شبه معدووووم بينن ابالتالي العاطفه معدومه ايش السبب ما ادري
(هل لاني كلمت وحده بالسكايب مرتين وانا ما اعرف اي شي عنها وانتهى الموضوع في وقته )
عمواما مقابل كل الاهمال وتحميل نفسي مسؤلية ما حدث جبرت نفسي اني اصبر واصبر
جبتلها هديه الماس من 10 ايام بمبلغ عشره الاف ريال عشان ابين حسن نيتي الى اليوم وهي في نفس العلبه والكيس وما تحصلت الا على كلمة شكرا بابتسامه واظهار قليل من الفرح
اخر مشكله عظيمه حصلت انتقدت اهلاك وليس استهلاك مقاضي البيت في مده لا تتجاوز عشره ايام وكان انتقادي غاضب ولكن بأدب
ولا الدنيا تقومما تقعد انا مني شغااله تسالني وتحاسبني انا انا انا
طبعا بلعتها وسكت
ظلينا فتره من الصمت الرهيب .بعدين سالتها انتي ليش زعلانه قالت وبصوتها العنيف انت تحاسبني على اشياء مالي دخل فيها (كيف مالك دخل مو بيتك وانتي مسئوله)
قلتلها طيب انا سألت ما غلطت عليكي عشان تزعلي
اخذت بعضها وطلعت الغرفه وطرررراااااخ الباب يقفل بكل استهتار مسكت اعصابي وجلست العب مع الاولاد ولعنت ابليس
اخر ماتوصلت له عشان تحرق دمي صارت اذا تبي شي تخلي الشغاله تكلمني وتقلي مدام يبغى يشتري ةيروه سوق انتا ودي.
شفتو القهر كيف
فأنا بستشيركم ووجهوني لو تزوجت عليها بكون نذل فيها
ولو صبرت بكون نذل مع نفسي
ايش تسوي ؟؟؟؟
سؤال للنساء وجاوبوني بأمانه, لو زوجك قلك
(نا محتاجك انتي لاتخليليني احتاج غيرك ,والله احبك ولا ابي احب غيرك ,انا محتاجك انتي خليكي معي)
ايش راح تكون ردة فعلك وانتي عارفه انه سهل جدا يلاقي غيرك
تدرون ايش ردة فعلها (اقللك لا تهدد تبي تروح تدور روح ما يفرق)
افتونـــــــــــــــــــــــــــــــــي
09-07-2012, 07:42 PM
ضوابط المشاركة
العرض العادي
