بسم الله الرحمن الرحيم

الحمدالله اهلي لقو لي بنت من عايله متدينه وسمعتهم عاليه

وعلى حسب كلام الاهل ان البنت اخلاقها عاليه جدا وملتزمة دينيا وجميله ولكن تعرفون كلام النسوان دايما يبالغون في وصف الفتاه

واهل الفتاه الحمدالله سآلو عني والحمدالله سمعو عني كل خير وحددو لي يوم الشوفه

ولكن احاتي كيف راح اقابل الفتاه واهل الفتاه لان انا لا اجيد الكلام في هالمواقف المحرجه او الصعبه اخاف ياخذون عني فكره اني لا اجيد الكلام

وثاني شي احاتي شكل الفتاه اخاف ماتعجبني شكلها

واحط روحي في موقف محرج جدا

ابيكم تعطوووني نصااايح للآهل الخبره

وهل تنصحوني اطلب من اهل البنت اني اكلم الفتاه في الهاتف قبل الملكه او مايجوز شرعا ؟؟ ؟؟

ابي نصايح اي شي

بالنسبه لي
كنت مع ابوزوجتي,وشوي هي خشت وجلست ويطالع فيني ويقول ها اعجبتك؟؟انا ضايع ههههه
ويطالع فيها يقول ها كيف اعجبك ولالا؟؟
بعدها طلعت انا والشايب وكان ينتظرني وحددنا اليوم الثاني الملكه
الزبده خلك جالس وطالع هي من نظره بترتاح لها او لا واتوقع انك بترتاح وبتاخذها
عاد مبروك مقدم

عادي مافيه حاجه تخوف خلك واثق من نفسك رجال انت

عادي مافي شيء يخوف خل شخصيتك قوية وواثق من نفسك وأهم شيء لاتخلي خجلك يحجب عنك
النظر إليها جيداً وحسب طبيعة أهلها يمكن يسمحون لك تكلمها إذا دخلت عليك وتجلس معها بحضور ولي أمرها وممكن بس يخلونها تدخل بسرعة وتطلع

وحكاية المكالمة قبل الملكة ماظن بيرضون فيها قليل العوائل إلي توافق عليها

بس شرعاً يسمح للخاطب فقط أن يكلم خطيبته قبل العقد بحدود الأدب

وأنا هنا ذكرت الخاطب فقط حتى لايستغل ضعاف النفوس هالمدخل لتحليل ماحرم الله

من المكالمات التي تتم بين الرجال والنساء بدون وجه شرعي

الله يوفقك
اهم شي وكل امرك الى الله وطلب منه العون
وخلك واثق من نفسك لان الثقه جميله وتعجب البنت لكن لاتتعدى الثقه الغرور او الكبر انتبه
وابتسم لها اذا عجبتك حتى ترتاح

اهم شيء تقز قز مهب صاحي
لاتفوت هالفرصة وبعدين تقول ماشفتها زين ولا ما اذكر شكلها ولاكانت كذا وكذا
قزها من فوق لتحت
واستغل الكلام والسلام معها في انك تقزها
اول شيء سلم عليها باللسان وليس مصافحة
واسالها اسئلة خفيفة او ان كنت متوتر لاتسال
وبالنسبة للمكالمات قبل الخطبة دام النية الزواج سمعت بمن افتى بها وانا لا افتي
زفيه كثير عوائل تتقبل هالشيء ونصيحتي لك من تجربة شخصية اطلب هالشيء وتمسك فيه