من حقك تتضايقي وتتعجبي جداً من تصرفه وعائلته لكن كما قالوا الأخوات لاتستبقي الأحداث خليك ساكته وشوفي هم وش ناوين عليه وبعدها بيظهر لك معدنهم لأن من قلة الذوق أنه مايدعوا عمه أبو زوجته لمناسبة كهذه وأنت معك كل الحق أنك تشيلي بخاطرك والله ما ألومك معقول يعني مايعرف زوجك وأهله بالأصول..؟!!

لكن لاتتسرعي وأنتظري على أقل من مهلك خلينا نحسن الظن يمكن يعزمه قبلها بيوم

ومن كلامك عنه وعن عائلته وحرصهم على عدم أخباركم بملكة أخته أو موعد زواجها
شعرت أنهم عائلة موسوسة بالعين

وفيه كم سؤال في بالي /أهل زوجك كم عندهم بنت إلى الآن ماتزوجت؟؟
وأهل عريس أخته كم عندهم ولد ماتزوج إلى الآن؟
وأنت هل لك أخوات بسن زواج ؟

لأن استبعادكم من زواج أخته مستحيل مايكون تخطيط نسائي يمكن حابين يزوجوا بناتهم من هالعائلة
وخايفين أن هالعائلة يعجبهم والدك ونسبه فتطيروا من إيديهم العرسان ويروحو لخواتك

هذا مجرد تصور لبعض كيد النساء

مشكوريين لكل اللي ردوا
بجاوب ع سؤالك اولا انا الحمدالله تملكت وانا صغيره واخته كبيره اللي تملكت
ثانيا انا الحمدالله خواتي يتزوجون صغار واختي الحين بثالث ثانوي
ثالثا عنده اخت بثاني جامعه واصلا خواته يتأخرون بالزواج هذا نصيبهم
انا تملكت وكنت ادعي اني ماادخل عليهم الا واخته متزوجه والحمدالله صار هالشي بالعكس فرحت له وأهلي فرحوا لها
هو جا وقالي انا مشغول بكره انتي عارفه ان بكره ملكة اختي قالي الليل مره طبعا كل أقاربه وجماعته دارين الا انا اخر وحده انا مااهتميت قلت الله يوفقها يارب وباركت له
ماسالته أختك من أخذت ولا متزوج ولا اعزب ولا ارمل انا مو من النوع اللي يسال عن هالامور اللي يبي يحكي لي يحكي لي من نفسه
مره سالته انو متي زواج أختك قال مدري انا استغربت كيف ماتدري وانت رائح تاخذ اجازه شهرين لاختك يعني معقولا ماتعرف زواج أختك متي ليه موعايش معاهم
طبعا طنشته
انا عرفت عن موعد زواج اخته بالصدفه طبعا كل أقاربه يدرون متي بس ليه هالخركه هو عارفني
زين وعارف اني مو راعية حكي
سكت ويوم جا يقولي عن موعد زواج اخته قال اتوقع قلت ليه تبي أتأكد لك من خالتي لان بنت خالته حكت لبنت خالتي

وانا وأهلي مايهمهم هالامور بس حلو قدام اهلي انه يكرم ابوي ويعزمه خاصه انو انا وأهلي مكرمينهم ومحترمينهم
وقويه وعيب اصلا قدام أقاربه انو ماعزموا انسباهم الجدد
ع عموم بكيفهم ربي يعيني وييسر لي أموري يارب
لما طلبت تحديد زواجي سو لي سالفه كرهوني بالزواج

وربي انك عاقله و ياحظه فيك ,
المفروض من باب التقدير و الاحترام يعزمون ابوك.

ياكرهي للرجال اللي يخبي اشياء سخيفه يعني ايش المشكله اذا عرفتي موعد الزواج مدري كيف الناس تفكر

الله يوفقك و يهديه و يصلحه و يالف بين قلوبكم يارب ياكريم ..

نوره الله يجزاك كل خير
وينور لم طريقك يارب
انا مثلي مثل اي بنت حلو ان تكون صورة زوجي عند اهلي حلوه
ربي يعيني وييسر أموري يارب
ومشكورين للي ردوا وحاولوا يساعدوني
ويجعلها في موازيين حسناتكم

الله يكوون بعونك

__________________
لإإًلـه إًلإ إًنت سبحـآنـگ إًنـيَ گنـت من إًلظآلمينَ
الْلَّهُمَّ انَّ رُفِعَتْ لَكَ يدَيِيّ أَدْعُوْكَ بِحَاجَةٍ .فَلَا تَرُدَّ يَدِيَ بِلَا حَاجَتِيْ وَانْتَ الْكَرِيْمِ
الْلَّهُمَّ إِرْزُقْنِيْ مِنَ الْرِّزْقِ الْحَلَالِ مايُغنِيْنِيّ عَنْ سِوَاكَ اللهم اجبر كسري وعوضني بالزوج الصالح