السلام عليكم و رحمه الله و بركاته
أشــــــــــــــكر جميع الأخوه الي ردوا علي و الله ردودكم لي أثلجت صدري
و الله يعطيكم الأجر و العافيه يارب العالمين و لا يجعلكم اتمرون في مثل هذي الظروف
اول شي
انا لما تزوجته سألوا اهلي كثير عنه و قالوا انه رجل محترم و مصلي و كذا و انه اهله ناس طيبين و محترمين و يخافون من الله و الله الكل يشكر فيهم
انا ما اخذته لا عشان منصب ولا فلوس لانه منصبه اقل من العادي و مستواه اقل من مستوى اهلي مو زي مستواهم
اول شي انا ما اكتشفت انه انسان يزني !!!! بس كان احساسي يقولي انه يزني
و احنا متزوجين صار لنا سنه و نص و في بدايه الزواج اكتشفت انه عنده تلفون ثاني يكلم فيه
المهم نبهته و حذرته و زعلت و عملتها مشكله المهم اني ماسكت عن حقي
و مرت الأيام و بعدين واحد من الأهل شافه مواعد و شايل بنت معاه في السياره
و بعدين احد من اهله اعترف لي بأنه يزني و يروح في الحرام
لانه على قولت زوجي انه مربوط و مايقدر يجامعني
انا الحين في بيت اهلي و اريد الطلاق
و الله يا جماعه الخير اني نصحته قبل لا اعرف انه يزني و كنت اعتبر نفسي زي صديقته او اخته و اكلمه بالتي هي احسن و انصحه و اخوفه بالقصص الي اقراها و الأمراض و العقاب يوم القيامه و العقاب في الدنيا الي ممكن يكون في الأولاد ولا الزوجه
بس هوه ما احس انه انسان شاريني يا جماعه الخير انا الحين زعلانه و بعد ما كشفته حتى ماحاول انه يراضيني و يلح علي
قالي انا ما استاهلك و انا استخرت و حسيت ان الله اكشفه قدامي و طلع كل عيوبه وراء بعض
و لما افكر ارجع له دايما اتذكر عده اشياء مثل :
مايحافظ على الصلاه و مايصلي في اغلب الوقت
زاني
يعاكس بنات في المجمعات
يكلم بنات و عنده تلفون ثاني
ما يتحمل مسؤوليه
يسهر و يحب يجلس مع اصحابه
يكذب
يحلف على المصحف بالكذب
مقصر في حقوقي كزوجه
انسان مادي
مايحافظ على اسرار الزوجيه لدرجه انه قال للبنات الي يكلمهم انا فيني ربط من اهلي
مافيه تكافؤ من بينا لا ثقافيا ولا فكريا
انا افكر في الطلاق بنسبه 99% و ماقدر انتظر لين شهر الصراحه انا انسانه اخاف ربي و الله بيعوضني لاني صبرت و رحت معاه لمشايخ و قريت عليه بنفسي و عالجت و نصح و سويت المستحيل على شان اجذبه و اهديه لكـــــن
انك لن تهدي من احببت و لكن الله يهدي من يشاء و الله اعلم بالمهتدون