السلام عليكم ورحمة الله وبركاته ...

أبي أفضفض عما بقلبي لعلي أجد الحل المناسب ..

( هل وضعي هذا طبيعي أم لا ..)؟؟!!!

أنا صراحة صارلي فوق 6 أو 7 أشهر متملك ، خطيبتي في هذي الاشهر ماعمرها اتصلت علي أبدا حاولت مرة مرتين عشر لكن دون جدوى .. عذرها : تقول أخاف أتصل تكون مشغول أو مع أهلك أو .. أو .. إلخ..

قلتلها الوضع طبيعي حتى لو مشغول مافيها مشكله اتصلي في وقت ثاني ..


وأحيانا أتصل لا أجد رد منها أحيانا يومين ثلاثة أيام لاترد حتى ولو برسالة تعتذر .. ثم بعد هذه الايام ترسل رسالة بأنه كان لديها أشغال كثير بالبيت ولم تستطع الرد ..

يعني معقوله مافضية ولو دقيقة ترسل رساله بأنها مشغووله (( صراحة ماتدخل المزاج ))..

أسحب عليها اسبوووع ( أثقل ) بعدها ترجع ترسل رسائل حب واشتيااق ووله ووو..
فإذا رجعت لها سحبت ورجعت على عادتها ..

استغرب أنا اللي أعرف إن البنت لما تنخطب ماتفك الجوال من يدها دقيقه تنتظر الاتصال وتسمح كلام الحب والرومانسية أما اللي معاي العكس ..

طبعا البنت تدرس بالكلية وتخصصها صعب جدا بس ماقلت اتصال كل يووم .. وتقول اصبر إلى الصيف ( الاجازة ) ويتعدل وضعي .. ( علما بأن زواجنا بإذن الله الصيفية بعد القادمة يعني بعد سنة ) لأجل دراستها.

صراحة تهدأ نفسيتي بس لما أرى زملائي المتملكين واهتمام زوجاتهم بهم أنقهر من وضعي قهر غير طبيعي .. وأحيانا أفكر في الانفصااااااااااااااااااااااااااااااااااااااال ...

قلت إذا عدم اهتمامها ذا من البداية كذا أجل كيف إذا صارت معاي ...

فهل حالتي طبيعية كذا ؟ ... هل في ناس مثل حالتي ؟... لماذا تفعل بي كذا ؟...

أسئلة تدووور في بالي لا أستطيع من بعدها النوووم أبدا مهمووم ..
وين اللي يقولوا أيام الملكة دلع .. بالنسبة لي قبل الملكة كانت أيامي أحلى من كذا ..

أنا رجل حسااااااس جدا .. وفي نفس الوقت روومانسي جدا ..

بس أظاهر بعض البنات يكرهون الرجل الرومانسي ..

أتمنى ألقى الحل المفيد ؟ ودمتم؟

خلك ثقيل ولاتعرض اسلحتك
كلها دفعه وحده
يمكنها تخاف من الملل مستقبلا
حاول تصارحها

قول لها بعاملك نفس ما تعامليني و وشف ردت فعلها

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

حالتك هاذي الحــآلة السابعة اللي مرت على المنتدى
جميعكم نفس المشكلة إندفاع مشاعر من الرجل
وفتوور من ناحية البنت
والسبب اللي يزيد المشكلة إنك تقارن نفسك بغيرك رغم إنك مقتنع وعارف ليش
بعطيك الأسباب
وأول سبب في نظري
1- الخـــــــجل
طول عمرنا يالبنات مانشوف رجال ولانتكلم معاهم حتى اخوانا واهالينا نادر نجلس معاهم و اغلب البنات مقفل عليهم في غرفهم يسولفون مع بعض وفجآءة تلقى البنت نفسها مرتبطة برجال لا تعرفه ولا يعرفها ومطلوب منها تكسر الخجل وتظهر مشاعرها وهاذا صعععب جدا نتأقلم بسرعة
يبغالنا وقت حتى نستوعب إننا صرنا في ذمة شخص ولما نستوعب يبغالنا وقت عشان نعرف نتعامل معه ونخاف لا نغلط وإذا تكلمنا نخاف يشك فينا ونخاف نزل بكلمة ..
ادخل على المنتديات وأقرأ مواضيع البنات اغلبها أنا خجولة مع خطيبي وش اسوي
وربي إنهــآ ماتنلام لانها عاشت وتربت على كذا مو بالسهولة اللي تتخيلها .. اتمنى تكونوا مقدرين وضعنا
امآ الرجل من نظرة وحدة بتعلق بالبنت ويندفع بمشاعره بكل اريحية هو يشوفها تغلي وعدم اهتمام وهي كل السالفة خجل وتهرب يروح مع الأيام بس يبغالها وقت وهاذا مايختلف عليه اثنين بتقول سبعة شهور مملك وباقي ماتجرأت اقولك ايه هاذا االمتوسط بعضهم تجلس سنة عشان ينفك خجلها وبعضهم لآ لكن هذا الغالب

مآ انكر إن خطيبتك بعض تصرفاتها الواجب تكون افضل من كذا لكن وضح لها قلها الأشياء اللي تضايقك
لا تكتم بقلبك على اساس إنها راح تفهمك ..لا وضح لها اللي تبغاه منها

ويآ احساس ولهــآن خطيبتك مواعدتك خير ليش مستعجل على رزقك
وإذا متحمس تخرب بيتك وآآآصل واجلس قارن نفسك بالناس
وصدقني إذا وقفت معاها في دراستها وعدت هالسنوات على خير راح تشيلك فووق بعيونها
وترى البنت إذا حبت
تقدم روحهآ هدية لخطيبها ولو شافت منك صبر و متفهم حالها راح تقدرك كثير و تعزك
وانت الكسبان بالنهاية ..اتمنى لك حياة سعيدةة

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

تبي الصدق 7 شهور كثيره شوي انها ماتبادلك ,,
بس كل واحد بطاقاته ,, انت التمسس لهآ العذر دامها تقلك اصبر للصيفيه مابقى شي عليهآ
انا اساس خراب خطوبتي السابقه
اندفاع الرجال بطريقة كرهتني فيه والله ,, ماقدرني ولآ رآعى مشاعري رجال اول مره اكمله في حياتي ,,
صصدقني البنات كلهم حساسات ورومنسسيات وعندهم الكثير عشان يعطوكم اياه
بس الصصصبر ,, وراح تتاكد لما تروح بيتك انك ملكت جوهره مامنهآ مشاء الله ,,
الله يسسخركم لبعض ويتمم بينكم على خير ,,
وشيل موضوع الانفصال من بالك ,,

من الواضح أنها لم تفعل هذا الأمر من نفسها ولكن صديقاتها أو قريباتها من تسدي عليها النصائح


أخي من رأيي حاول أن توقف أنت وأعطها الفرصة لتعبر هي

تناول الصمت وسترى كيف تتصرف
وعلى قدر حاجتك دعها تعطيك هذه المشاعر
أي لا تبادلها حتى تتشبع عاطفتك أنت
وبعدها أعطها ولكن بالقطارة كما يقال ,,
فلن تجدها إلا سيلا بإذن المولى



وفقكم الله وجمع بينكما بسعادة وحب

طيب ليش بعض البنات صار عندهم بروووود شديد..

بس أنا أخاف تبقى كذا بعد الزواج.. وأتوهق..

بس لو صار عندي برود فالسبب هي..

أشكر الجميع ع ردودهم المشرفه..

هذا الاسباب يااخي تعود على حسب شخصيتك انت ...
لاتكابر عليها ابداً ،
انت بادر اولاً بالرسائل والاتصال والسؤال عنها اشعرها دائماً انك حريص عليها*
اخبرها انك تحبها
هي هكذا تريد من يحتويها من يشعرها بالراحه والامان والحب .

اذا كنت ترى انك فعل مابوسعك ولم تجد منها شيء*
ناقشها فهي زوجتك اخبرها مافي قلبك وانك تريد كذا وكذا*
قد تكون هي كذلك تريد منك شيء لكن تخجل ان تخبرك .

*

__________________

اولا مخطي ليش 7 شهور صاحي انت ، المفروض ماملكت الا اذا بقي علي زواجك 3 اساببع اذا انتم متفقين

ثانيا لاتتصل بها ولاتصير ضعيف ترا كثر الهرج يقلل هيبتك وانا علمتك

__________________

When you're out of my dreams
I will be in the best case

إسحب عليها إسبوعين وشوف ردة فعلها
وإذا سألت لماذا لم تعد تتصل أو ترسل أجبها بنفس ماكانت تُجيبك