السلام عليكم ورحمه الله وبركاته


انا خطبت وتممت النظره الشرعيه

لكن هناك مشكله :|

انا قصيره وخطيبي طويل جدا ( ماشاء الله )
طولي 150 - وطوله 180

_
حتى وهو جالس ع الكنبه اطول مني بـ2 سانتي تقريبا
وملامحي ملامح طفله
_

هل هناك مشكله في هذا ؟
هل سيعاملني كإمرأه لا طفله ؟!

هناك مشكله اخرى عويصه
مجتمعهم مجتمع بدوي ( انا بدويه )
لكن النساء لايخلعون ( البرقع ) ابدا
( رأيت امه وعماته فقط )

اخاف بعدين يقول البسي زيهم واتورط معاهم

مجرد استفسارات واتمنى كلام مقنع

شكرا لكم

__________________

لا تأتي الحياة كما نشتهي دائما . لذا أصبحـتُ أطلب من الله الرضا بِ الغد . . الرضا بِ القدر أيًا كان و ممارسة الحياة بصورة جميلة ~

ههههههههههههههههههههههه اللهـ يسعدكـ ... شوفي ياقلبي الطووووووول ماااااالهـ دخل بالزوأإج اببببببدأإ .. ولا بالتعأإمـــــل
وبالعــــــــــــكس ترى اغلب الرجأإل يحبون الزوووجهـ القصيرهـ ... لانهــــــــأإ تكون اكثر انوووثهـ وتكون دلوعتهـ الزغيرونهـ ... مهمأإ كبرت بالعمر سبحأإن اللهـ المرأإهـ القصيرهـ تبقى بنوتهـ ^.^ << لاتزعلون يالطويلاإت ..

واذا ياقلبي بالنسسسبهـ للبرقع فهذاإ ششيء غريب صرأإحهـ انهـ مازال بالمجتمع ... لاكن ماعليكـ من اهل زوجكـ
المهم زوووجكـ نفسهـ .. لازمـ تعرفين وش رايهـ من ناحيهـ البرقع ذاإ ؟!
لان صراحهـ جد صعب تعيشين بالبرقع ... علشان كذأإ حبيبتي انتي شوفي وجهه نظره من هالموضوع
لانه لو كأإن هو يوافق على فكرهـ البرقع .... فبكره الله لايهينكـ بتصيرين تلبسينهـ
لاكن اساليهـ وشوفي ... وبيني له وجهه نظرك وانك مارح تلبسينه بالمستقبل خليه يعرف
وتبغين الجد ... اتوقع ان فكر الشباب الحين تغير .. مااتوقع احد بيخلي زوجته تلبس برقع لان خلاص هذا زمن وعدى
واللهـ يوفقكـ بحياإتكـ ويكتب لكـ اللي فيهـ الخير ...

ههههههههههههه
احلى شيء انه يعاملك كالطفلة المدلـله الدلوعه النعومه هذا سيعجبه وانت كذلك وبتذكرين كلامنا بعدين

الله يوفقك ويتتم لك على خير*

ههههههههه

حبيبتي هو أكيد عاجبه طولك ومقتنع فيه..
مع أن العلاقه الزوجيه موبس شكل هي التقاء فكر وروح.
وعلى قولة أختي عالم الأبتسامه يمكن راح يشوفك أكثر أنوثه ودلال..
وبعد ترى الطويلات فيهم الي يفضلهم وفيهن انوثه ويقوطرن دلال ^_^

أما البرقع حنا بعد بدو فبتكلم من منطلق واقعي.. الحريم عندنا متشباات بالبرقع لأخر رمق (الحريم الكبار بس)..أما البنات لالنا حرية الأختيار أن بغينا لبسناه أولا..
وأنتي بعد أسأليه..

غناتي ماراح يعاملج كطفله اذا كان فارق العمر بينكم بسيط جدا
وبالنسبه للبرقع نحن عندنا العيايز يلبسون البرقع بس جيلنا نحن
تركنا هالعاده القديمه

بس انتي عاد جوفي شو وضعج واذا انج مقتنعه بالبرقع لبسيه واذا موب مقتنعه ترومين تقنعينه
اذكر في بيتنا القديم كانوا جيرانا من اصول سعوديه هواجر زوجه ولدهم من السعوديه خذوها
والله لو اجوفينها اول مايت تلبس شرات القطعه ثجيييله بشكل برقع بس موب برقع هو
تغطي ويها بس عيونها طالعه حتى عند الحريم ماتكشف ويها الا عيونها
وابصراحه بعيده عن الااناقه تماماً .. واظني هي من البدو البدو اللي ماعندهم حتى تلفزيوون البدو اللي في البر ساكنين

تعالي الحين جوفيها والله ماتصدقين هاذي هي اللي اول ماتزوجت
الحين ماشالله فصخت البرقع وقامت تكشخ ومكياج وغيره وحتى النعال الله يكرمج ماتدخل بيت العرب الا بوطاتها
ونحن عندنا احترام للغير نفصخ وطاتنا برى البيت قبل لااندش بيت اي حد ..

فاتوقع موضوع البرقع موضوع عادي بس انتي بطريقتج لانه تزوجج وهو على علم بعاداتكم يعني مااتوقع بيفرض عليج..
والله يهنيكم ان شالله مع بعض ..

هههههههههه ياحياتي الموضوع جدا مايستاهل انك تفكري فيه او يضايقك عادي جدا الطول والقصر ماتفرق ابد بالنسبه لملامحك الطفوليه بالعكس شئ جدا رائع ويساعدك في الدلع عليه وووو الخ 00
موضوع البرقع نصيحه مني استفسري عليه تخيلي وحده من صديقاتي كان اهل زوجها كذا بدو مره وكلهم براقع وكذا حتى قدام زوجها يوم اتزوجت فرض عليها زوجها حتى مع الحريم تلبس برقع بما انها عاده قالتله مو متعوده ع ذا الشئ مو راضي يفهم في النهايه اطلقت طفشت منه ومن تصرفات اهله على ذا الشي فاستفسري علشان تكوني على بينه من البدايه00الله يوفقك

أنآآ مثلك ياقمرااا بس انا طول منك وخطيبي اطول من خطيبك كمــآن
دايم أخواني يتريقوا عليه يقولون ترى اللي يشوفك يقول بنته موب زوجته هههههههههههههههههههـ
الفرق وآضح طبعــآ
حآولت اقلص من هالفارق ويصير فيه تنآغم وانسجام
فصرت أعــآمله مو كزوج لآ.. أعآمله كأنه ابني الصغييير ( فأنا يالقصيرة اكبر وهو يالطويل يصغر ونلتقي بالنص خخخخخ)
..احســآس جميل لك وله ^_^

بالنسبة للبرآقع إذا قالك البسيه البسي
لأنه هو اعرف بمجتمعه ووش الصح والغلط عندهم .. اسمعي كلامه ..
موفقة ياحلوة ^_^

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

مااأزيد على كلآم أخواتي اللي فووووق شئ .. بالعكس لاطوول فيه مشكله ولا ملامحك فيهااا مشكله <<< كله تماام ان شاء الله ..


أمااا سالفة البرقع أحسهااا قديمه وماتوقعت للآن فيه ناس على هالعاده عموماااا خيتوووو انتي شووفي اخواته ,, البنات اللي بعمرك من قبيلته ومجتمعه اذا عايدي مايلبسوا مو مشكله ووكلي امرك لربك ...

مشكوورين جمييعا استفدت من كل رد

اصلا انا اول ماجلست مع امه وهي ومتغطيه منزله راسي ولا اطالعها بوجهها ض1 << عاشت الدور

واميل للرفض غالبا
واختي تقول لو بيلبسك برقع ما طلب نظره ومدري ايش

نسيت اقول امي ضغطت على امها بما انهم زميلات وفتشت لامي وهي خجلانه ههههه

__________________

لا تأتي الحياة كما نشتهي دائما . لذا أصبحـتُ أطلب من الله الرضا بِ الغد . . الرضا بِ القدر أيًا كان و ممارسة الحياة بصورة جميلة ~

ياحياتي طولك مافيه شي ماشاءلله وعندنا مثل مكاوي يقول (( يابختك يا قصيرة جوزك يشوفك ويحسبك صغيره)) ههههههههههههه

أما عادة البرقع دي قدييييييمة جدا جدا ما اتوقع في ناس الين دحين يأيدوها :S

الله يتمم لك على خير ياقلبي ..

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟