اخوي المتفائل .. اسعدك الله علي الموضوع والتعليقات المضحكة
والله يجمل نسائكم باعينكم يارب ..
لكن لو سمحت لي عندي استفسار واتمني تجاوبني علية
لو قدر الله للك بيوم ورزقت بالابناء والبنات ..
وتقدم لهن من اراد الزواج بهم ؟
هل راح تسمح لهم بحكم المعاناة او الوضع الي عشتة بسبب معتقدات الاهل ؟
ولا راح يلف الزمن ويدور ونجد الاب المتفائل اتخذ نفس العادات مع ابنائة وبناتة ؟؟
نريد الجواب الصريح في حال وجدت رفض من الاهل .؟
صراحه احسه ظلم انه الواحد مايشوف الي يبي يتزوجها
بما انه حنا نفس الشي مايعترفون بشي اسمه نظره شرعيه
وبما اني خضت تجربة النظرة وأنا الوحيدة بالعائله
اقترحت على أخوي يخطب له وحدة من برا العائله ويشوفها قبل الزواج .
ماقدمنا إلا الحل ’’تدرون الشرهه عليكم كشباب لازم يتغير الوضع مايصير كذا !!
يتزوج الواحد على عماه ..اتوقع لواحد منكم يغامر أي مغامرة ولا يخطب وحدة اهلها يوافقون على النظره ويريح راسه ..
الله يعوض عليكم بالجنه ياللي تورطتوا ..
__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.
أختي بشاير الراشد
أخي أخذ اللي أخذ وماحصل اللي يبي ، الله يعين قلبة وقلبي
والله يجزاكِ خير على هذا المرور اللطيف وعلى هذه الإبتسامة الطيبة.
أختي شقردية
مرحباً بالمرور العقلاني جداً ، ولكن من لاحيلة له ماذا يفعل ؟؟
ينطم ويسكت صح !!
أختي المسداني
وإذا كانت الأم تحط القمر بيد والشمس بيد وأخرتها ماكو شي ؟
أما موضوع الحيلة ف مانقدر نحتال لأن عاداتنا وتقاليدنا محتالة علينا أصلا !!
أختي مس سندريلا
مرحباً برجاحة عقلك ، ولكن صدقيني أصبحت الأمهات اليوم تبحث عن ماتريده هي لا مايريده أبنها ، ظناً منها بأن إختيارها هو الذي سينجح ، وانا شخصياً بدأت أقتنع بأن المرأة قطعياً لاتريد أن تأتي بإمرأة تتفوق عليها بأي شيء ، وكأن الموضوع إنتقام ، والضحية الأبناء !! ( انا محتر والله العظيم )
أخي مجموعة إنسان
مرحباً بك وبمرورك ، والله يبارك فيك يارب.
أختي إحساس عمري
إن رزقني الله ببنات وأتاهن من يرغب بهن في سنة الله ورسولة وطلب مني النظرة الشرعية سأوافق وبكل سرور ودون تردد ، والله على ما أقول شهيد .
همسة!!
أخاف تجيني بنت جيكر وينصدم فيها الرجال مثل ما انصدمت انا ، ف تجيني مطلقة أحسن ؟؟ أو يشوفها ويقرر ؟؟ هنا الحكمة .
أختي ام محمد
الله يجزاكِ خير يالطيبة يابنت الطيبين ، اللهم امين يارب.
أختي هل ترانا نلتقي
لاتلومينا والله مالنا ذنب حالنا حالكم ، انا شخصياً فتحت هالموضوع قبل زواجي وأنزفيت وتمصخرت وجتني نعل الله يعزج ونحشت من المكان اللي هم فيه ، حسسوني أني كفرت !!
المشكلة في أبهاتنا مو فينا ، لأن مانقدر نعصي لهم كلمة أو نخالف أوامرهم .. أسف معتقداتهم!!
الانثى لمن تناظر انثى وتبي تقيس جمالها اول شي تدور الشي الي هي تبيه وماحصلها مثلا بيضاء او حبة خال في الوجه
بينما الرجل ينظر من مناظير مختلفه
الخلاصة انه من يصدق ان البنات يقولون ان نيكولاس كيج وسيم مررة؟؟