أوكي ياقممرا إن شاء الله أول ما افضى اكتبها لك ممممم يمكن على العصر او المغرب
لايهمك (=

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

مسسـآء الورد عنآدي يعجبني
نبدأ الدرس ^_^
1- تقتنعي من دآخلك إن عندك اسسلحة أنثوية فتاكة تذووب قلب خطيبك ويبغآلك تستخدميهـآ صح
مع أنو من كلامك واضح إنك عندك خلفية وهاذا شيء حلو كمان حاولي تتطوري أكثر
في رجال من كلمة وحدة أو نظرة تتفجر عنده مشاعر الحب ويقدر يعبر عنها بسسهولة
وبعضهم ودهم يتغزلوا بزوجاتهم ورومنسين بس البيئة اللي تربوا فيهـآ جآفة فمـآيقدروا وهـآذا اغلب شبابنا لأن بيئتنا صحراوية
يغلب عليهـآ الخشونة و الجفاف
فطبيعي يكونون كذا وبالتدريج وشوي شوي تتكسر كل حواجز الخجل ويقدر يعبر عن مشـآعره

2- تحطين في بالك إنه إذا ماقالها هو من نفسه فمآ راح اطلبها
>> كنت اقول هاذا الكلام وهي صدق والله إذا ماقالها ماراح يكون لها طعم ^_^

نبدأ نشتغل الحين
تقولي إنه يكتب لك في الرسايل كلآم حلو بس نادر مو مشكلة
إذا ارسلك كلمة حلوة ..تدعمييييه كيف؟
مثلا
تردي عليه : يآآه حبيبي مآتصدق وش كثر كلمتك هاذي أثرت فيني..
أو
ياحبني لك يآفلان كلآمك عسسسل
أو
يالله إنتآ رومنسسي وحنوون الله يخليك لي
>> كنت كل ماقال كلمه حلوة أو أي دعوة ( من ضمن الحالات النادرة طبعا هههههـ )
أقوله وااو حبيبي إنتآ مررة رومنسسي.. وكنت ارددها كثير إنتا رومنسسي وحنوون
واقتنع فعلا إنه رومنسسي وصار يقول كلام حلو ( أغلب كلامه تعلمها من عندي لكن مو مشكلة ^_^ اهم شيء يقول )

في ليلة كذآ إذا كنتي متأكده إنه فاضي على الساعة 11 أو 12
ارسلي له مسج حيآتي مشغوول؟
إذا قال لأ
قولي ممكن أسألك شوية أسأله وتجاوبني بصراحة؟ أكيد حيقول أيوه
ارسلي في كل رسالة سؤال واحد:
1-ممكن أعرف وش النظرة إللي تحملها إتجاهي؟
2- شو أكثر شي أعجبك فيني؟
3- شو أكثر كلمة تحب تسمعها مني ؟
4- أكتب لي 3 كلمات من قلبك ؟
5- شيء تتمنآه مني؟
بإمكانك تزيدي عليها ..
وبعد مآيجاوب قولي له دوري أجاوب..
وخذي راحتك في السؤال الثالث ^_*
حق (شو أكثر كلمة تحب تسمعها مني)
وفي السؤال الخامس : أكتبي نفسي أسمع منك كلمة أحبك أو أي شي تتمنينه

أفتكر مرة قريت عالنت : إن وحدة كان خطيبها مررة ماتسمع منه كلام حلو فدقت عليه
قالت يافلان شكلك أنت ماتحبني!
هو أنفجع قال:لا والله إني احبك
عاد هي قالت يآآلبييييه يامحـــلآآآ هالكلمة من لسسآنك ليش تحرمني منهآآ
انبسسط حيل وصار يقولها كل شوي ^_^

موفقة حبيبتي والله يتمم لكم على خير وتصيري أحلى عروسسة بالدنيااا

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

ماشاءلله الاخت سمآآ ~ كفت ووفت
والله يجمعكم على الخير والمحبه وجميع المملكين يآآرب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

عجبتني الحركة بسويهااااا
مشكور سما والله طلعتي مب هينه انتظر منك المزيد .... تكفين

والله يالبنات يؤسفنـي اني اقولكم الحقيقه .. وترآ مايفهم الرجآل الا رجال مثله ..

بس يوم شفت حال كثير بنات تفتقد كلمـة الحب من خطيبهـا ...

عرفت ان المسأله مو تربيه او جدية الأهل او طبع هالولد ...

المسأله زي مايقولوآ كثير من الشباب ... ( خلك ثقيل ولا تقول كلام حلو واجد / ولا تخليهـأ تحس انك ميت عليهـا /
جوعهـا كلام حب وغززززل عشان لمآ تقولهـأ كلمـة الحب تصير قويهـ ورنآنــه ... الخ )

والله هذآ حال كثير من الشباب واعرفهم زززين ...

حاولي دايمآ تبيني لهـ انك تحترميـه وتحبيهـ < ترا الرجال يحبوآ هالإحساس

وان شاء الله مع الوقــــــت راح يقولك كل كلمـه حلوهـ نفسك تسمعيهـا

بس بعد مايسوي عليك ثقيل شوي وقوي شخصيه وانه مو رومنسي وحق كلام فاضي ...

بيجي الوقت الــي وووووووربي يقولك ( انآ اموت فيك ) ( حياتي بدونك ماتسوى )
وبيجي الوقت الـي انتي تتغلي عليهـ كمآن وتدلعــي وكل شيء ..

لا تخلي هالموضوع يأزمك ..... ترآهـ بسيطـــ
بس يبغالهـ تفهميــه وتعرفي هو وش الي يحاول يثبتهـ دايم بمكالماته ؟
انهـ انسان جدي ؟ انه انسان ماعنده وقت ومشغول ؟ انه مايرد على اتصالك من أول مره ( يعني ثقيل ) !!
حاولي تعرفي .. مصدر هالتصرفات

مشكوره خيتو عالافكار الجهنميه وان شاء الله ربي يسر لي
لانو بجد احس ان امري صايره متعسره كثير
لدرجه شكلي اخرتها بنتحر وارتاح

__________________
[IMG][/IMG]

مشكلتك نفففففس مشكلتي الله يعينك ويعينني واعجبتني فكرة الاسئله جااااااااري التنفيذ ويااااارب اطلع بنتيجه

واش هالكلام الله يهديك انتي منتي عايشه حياتك بس لخطيبك عشان تنهين حياتك بسببه انتي خذيها بمبدأ عيشي معه ولاتعيييييييشين له" انا عارفه انه من قهرك قلتي هالكلمه بس ترى والله مافيه شي يستاهل احنا ناكل في اعمارنا وهم بالعكس عايشين مبسوطين وماهمهم

مو من شين حضنا انهم مايحسون
خيتو جربت الافكار الجهنميه بس مع الاسف تحطمت تحطيم قاتل
لما قريت افكارك تحمست اني اسويها بس سويتها ولا كانه تغير شيء بصراحه احسه لايمكن هالانسان يحس باي شيء
يمكن نفعت هالطريقه مع غيري بس انا مثل ماقلت حضي مقرووووود
ياربي مالي الا ادعي بس ربي يهديه ويحس فيني دعواتكم لي تكفووووون

__________________
[IMG][/IMG]