السلام عليكم ورحمة الله وبركاته
انا متابعه للمنتدى ولكن بصمت متوقعت تجيني مشكله واجي اطلب آرائكم فيها ولكن الله كتب
بدخل فالموضوووع على طول
انا تقدملي أخو زوجة أبوي وأبوي كثييير مدحه وخواني كمان مدحوووه ووافقت وردلهم ابوي وسويت التحليل وحددوا الملكه المشكله انو بعد هذا كله محسيت براحه واستخرت الله وقلت للي عندي اني مبغاه لاني مرتحت بس ابوي رفض حتى يقلي لاتفكرين فالموضوع بس ..
بعد ماكلمنا الناس وحددنا الملكه والزواج صحيتي على فكره الزواج 30/7 ويبغا سبب اقوى من الاسباب الي اعطيته وانا معندي سبب قوي غير اني وبقوووه مبغاااااه يوم فكرت لقيت نفسي غبيه لاني وافقت بسرعه انا محبيت اصر على رأيي لان ابوي توه خارج من المستشفى ومعاه القلب والضغط مريض ميتحمل واخوي يقلي انتي مجنونه بتجيبين جلطه لابوي وبتفضحينه ومن الكلام هذا
وكلهم يلوموني لاني وافقت بعدين رفضت
شوروا علي ايش اسوي مرات اقول منشان عين تكرم مدينه وبضحي عشان ابوي
وبس اتخيله زوجي احس بضيقه وتعب فضيعيييين
تكفون قولولي ايش ممكن اسوي عشان انهي الموضوع بدون مااجيب مصيبه لأبوي فديته
انا اعرف اني غلطت لاني وافقت على طول وتقريبا بدون استخاره لاني استخرت الظهر وقلتلهم بموافقتي
بس هذي هي انا من زمان معرف اتخذ قرار مصيري بس هذا هو الوحيد الي احسني مبغاه
اسفه ع الاطاله ...
وتحملوني

والله مو عارفة ايش اقولك
انتي استخيري اكثر من مرة واستغفري دايما
وان شاء الله اللي فيه الخير ربي بيقدره لك
صراحة وضعك صعب لانك خايفة على ابوك
طيب اذا كان رجال اخلاق ودين وسمعته كويسه ليش ماتبغينه؟
مع الوقت بتتغير مشاعرك نحوه
الله يقدر لك كل خير ويوفقك دنيا وآخرة يارب

استخيري واكثري من الدعاء
الله يكتب الي فيه خيرة لك وصلاح
وفيه موضوع هنا يشبه موضوعك
http://www.66n.com/forums/showthread.php?t=233428

__________________
اللهم اصلح قلبي وقلب ابنائي

بصـراحه كل اللي أقدر عليه أني أدعي لك ..

الله يسهـل أمرك ويفرج همـك ويسـعد قلبك ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

وعسى ان تكرهوا شيء وهو خيرا لكم

؛؛ خلي هالايه شعارك ""

الله يوفقك ويسعدك

__________________
ماشاء الله ,, تبارك الله ..~

مافي حل ياخيتي غير انك تقنعي ابوك بكل ادب واحترام بجلسة معااه وهو رايق
غير هالحل بتدخلي بمتاهات ولفه طويله عريضه
والي يقول استخيري اكثر من مره ,, البنت استخارت ومارتاحت,,,؟

والله يكتبلك الي فيه الخير ,, بس وانا اخوك ضحي بامور ثانيه غير الزواج
الزواج اكبر من كذا وتضحيات ,, يايعزز ثقتك,, يايخليك ولاشي
والله يكتبلك الي فيه الخير

حبيبتي .. الزواج مافيه مجاملات
فيه انك تفرضين كلمتك ورأيك موب تسكتين وتاكلينها انتي بالاخير
خليهم يزعلون مصيرهم يرضون .. محد بيعيش معاه الا انتي ..
استخيري اكثر من مره واذا ماارتحتي انفذي بجلدك..

شكرا ً لكل الي رد علي برأي او دعوووه
جزاكم الله خيرا ً
انا إن شاء الله بحاول أأجل الملكه لحد مايسوي أبوي العمليه ويطلع بالسلامه وبستخيييير لهذاك اليوووم
وإن شاء الله يكب الله لي الي فيه الخيير
والي يقول الا الزواج مافيه تضحيه طيب كيف وأبوك اعز ماتملك فالدنيا قرارك بيأثر عليه
ويمكن ينتكس مااقوووول الا الله يكتب الي فيه الخير...