السلام عليكم ورحمة الله وبركاته
بنتي من بداية السنة الدراسية سجلتها تمهيدي
والحمد لله امورها كانت ماشية تماااااام وما بكيت اول سنة ولا سوت جنان الاطفال اللي يسووه لما يروحوا الروضة
حاليا لما بدأ الترم التاني اول اسبوع مشي تمام معاها
وحاليا الاسبوع التاني يوم السبت رحت اخدها كالعادة نهاية الدوام لقيتها بكيانة وصدف هداك اليوم ابلتها غايبة سالت الابلة البديلة قالت مدري فجأة صارت تبكي وتبغاكي
المهم صحينا اليوم التاني مارضيت تروح نهائيا وبكا وصياح ونياح طبعا غيبتها
وجاتني في الليل تقولي خلاص يا ماما ما عاد ابغى اروح الروضة حاولت اجر منها كلام *كل اللي فهمته منها انو عشان معظم صاحباتها اللي كانوا معاها في الفصل ما عاد هم موجودين

اللي ابغاه دحين انا ح روح الروضة طبعا واستفسر بس كيف طريقة استفساري لاني الصراحة ما اعرف كيف
وايش ممكن يكون اللي قلب حالها كدا

عليكم السلام والرحمه،،

شي طبيعي احنا واحنا كبار نتاثر لما نفارق صديقاتنا خاصه وقت تخرج ومالى ذالك فكيف بطفله ،،انتي شجعيها قوليلها بيصيرون عندك صديقات كثير جدد اشتريلهم هدايا رمزيه لو علبة شوكولاته ،، حلاو اي شي وخليها توزع عليهم ،، تكلمي مع معلمتها انها تشجعها طبعا وكل الاطفال الاطفال يحبون يسمعون الكلمات المحفزه شاطره بطله .. الخ ،،

اذا بتروحين قولي ابي معلمة الطفله الفلانيه اللي هي بنتك سلمي عليها وقوليلها يعطيكم العافيه على جهودكم بس بسالك عن بنتي كيفها مع الاطفال ومع الروضه هل تندمج و تتجاوب معك والا لا ،، انا ملاحظه عليها تغير خلال النصف الثاني ماادري وش السبب هي تقول ان صديقاتي راحوا فهل لاحظتي عليها شي يعني من هالقبيل والمعلمه اكيد بتفيدك.

موفقه يارب .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..