السبب الاول ظروف وما نقدر نتحكم فيها بس الثاني تقدري انك تغيري علاقتك مع زوجة اخوه والله في ناس خاصة ايام الدراسةكنت اكرههم كرة العمى وما اطيقهم ولمن جلست مع نفسي وفكرت انا لي اكرهم لقيت انه مافي سبب مقنع يخليني اكرهم لدي الدرجة وغيرت من نظرتي ليهم صح انا انقهر منهم و من اسلوبهم بس حاولت اكون صداقه معاهم ونسولف في كل المواضيع حتى المحرجة واعطيهم شويه اخبار واقلهم سر وما كلمت غيركم يعني حركات عشان اكسر الحاجز واشيل كرههم من نفسي ولمن حسو اني اعاملهم بتميز عن الباقين حبوني و اتعاملوا معي بطريقة حلوة ورائعة والله انكسفت من نفسي واستغربت انا لي كنت اكرههم وانا ما عرفتهم ولا حاولت اعرفهم بس مجرد شعور واتنامي في نفسي وانا سمحت انه يكبر لحد ما صار اسلوب تعامل ..قصدي انك تحاولي تتقربي منها بطريقة حلوة وبالتدريج ولا تحسسيها انك بتغاري منها وقوليلها اسرار يعني مو اسرار اسرار بس حسسيها انها قريبة لقلبك وطلعوا سوا واتمشوا ....شوية شوية راح يزول الاحساس اللي في نفسك صدقيني ...بس في شئ مهم لالالا تجيبي سيرتها عند زوجك ويحس بغيرتك وتخلي زوجك يحس بأنها احسن واحلى منك وتفتحي عين زوجك عليها خلي باااااالك
أولاً أني ما أكرهها كل ما في الموضوع أن حركاتها تقهرني. و لا تقولون أطلع وياها،لان ما أتفق وياها.الطلعة هذي مرحلة قوية لازم تكون العلاقة تسمح و واصلة لمرحلة من القبول.احسكم فاهمين الموضوع غلط تقريباً بعد، اني إذا جيت بتكلم عنها لزوجي فأني راح ابين له سبب تطنقري،مو لأني غيرانة منها.أصلاً ما أغار منها،أغار على زوجي<<وضحت الفكرة؟ يعني أني في بالي أن تبرج المرأة لزوجها ماله داعي فلان و علان يشوفه!
انتي كم مرة تقولين عن نفسك عوبة وما اعرف اتصرف !!! صدقيني انتي مو كدا بس من كتر ما زوجك يكررها انتي صدقتيه واقنعتي نفسك انك عوبة وباردة و.. و..خليكي على طبيعتك وشخصيتك والشئ الخطاء صلحيه لا تقللي من شان نفسك وتقلليها ترى بتنعكس على الحواليك وعلى زوجك ويعاملونك عليها ارفعي نفسك ولا تسمحي لاحد يقلل من قدرك ..
الاعتراف بالحق فضيلة
>لا الشهادة لله صراحة زوجي ما يكرر عوبة إلا لأن شاف مني برود،و كأني تمثال في بعض المواقف.شخصيتي تحتاج زيادة صفات متفق عليها جميلة،و التخلي عن صفات متفق عليها مو زينة.
اذا عصبت او نكدتي او هو عصب امسكي لسانك وروحي اتوضي او اذا كتي واقفة اجلسي واذا جالسة اتمدي تراها تهدي من جد اهم شئ امسكي لسانك لاتفلتيها وتندمي
صح فعلا.
انا برضو اعاني من دا الشئ كنت احاول اثبت وجهة نظري وراي واتجادل وتصير مشاداه بس لقيت انه الجدل اذا نتصرت فيه زوجي يكون زعلان وينكد علي او هو ينتصر وانا اتنكد لاتجادلي في الامور التافهة وماراح تستفيدي شئ من وراها بس اذا كان شئ ضروري ومفصلي ورايه خطاء ومايصير نطبقه او نمشي على كلامه زي انك ماتكملي دراستك او يمد يده عليك او شئ الناس كلها مجتمعة عليه انه خطاء لاتوافقيه وخليكي على رايك بس بدون ما تحسسيه بالعناد وحاولي تقنعية في وقت روقانه
ما اجادله في أشياء تافهة.أصلاً خلني أكون عادلة في حق نفسي. أناقشة.أناقشة في أمور أحسها تأثر على علاقتنا.يعني مثلاً: عباية الراس،الشغل،أحلامي،و أشياء جذي.
!!!!!؟؟؟؟ سبحان الله الحنيه طبع متاصل في الانثى عمرك شفتي ام ما عندها حنيه !!الا اذا كانت مريضة مرض نفسي ...انتي فيكي حنيه بس لنتي يمكن عشان التربيه ما قدرتي تظهريها لزوجك بالشكل المطلوب وزوجك زاد الطين بلة بانتقادة الدائم اترسخت فيكي هذي الفكرة لالالالا اقنعي نفسك انك حنووونه وقلبك مليان حنيه بس منتي قادرة تطلعيه وباي اسلوب هنا المشكلة والاخوات ما قصروا كرريها لحدي ما تصير عادة وكلنا وقت العصبية ما تعرفينا هههههههه اي وحدة تنفعل لمن تزعل وتعصب بس حاولي تهدي نفسك وزي ما هو يزعل ويعصب حتى انت بتزعلي وتعصبي مو حلال عليه وحرام عليكي بس الزمي حدودك وقت الزعل ولا تسيئ لزوجك او ترفعي صوتك علية او تهدديه باصبعك وهذة تجي بعد ممارسة
أني ما أقول ما فيني حنية أبداً.أكيد مو حجر. بس ما أعرف ذيك الحنية الي يبغيها زوجي.يعني حنونة بس مو في كل الاوقات،أو مو بنفس القدر الي يطلبه زوجي فهمتين؟ صح التربية في بيتنا لها تأثير.زوجي إذا قال انه ناقص حنان فهو مسكين ما يقولها كانتقاد،أو هجوم، و إنما كتذكير،و تنبيه. عشان جذي أني حاطة بالي لهالسالفة لأن يجيبها من ناحية فضفضة.بالعكس ما اسيئ لزوجي لما أعصب،و في نفس الوقت ما أعرف أعبر عن شعوري لما يصفى الجو بعد الكدر،يعني فيني إحساس إيجابي داخل في كثير من الاوقات بس ما أعرف أطلعه!
اذا انتوا ماديا مرتاحين ومو محتاجين لدخل اضافي لي وجع الراس والشغل ترى الشغل مسؤليه خاصة اذا زوجك مو موافق وشايف انك مقصرة عليه عاطفيا اخاف شغلك ياخذك من وجك زيادة ومن جلستك معاه ويكون سبب في تفكيره بوحدة غيرك تغرقو في الحنية والعاطفة والرومانسية اللي فاقدها عندك
ضح أحس هذا الي حاصل،تفكيره في أن الشغل راح يأخذني منه.
لاتخلية يحاسبك على احلامك من حق اي احد انه يحلم!!بس يمكن طريقتك في التعبير عن احلامك تحسسه انه مقصر عليكي وضحيله انها مجرد احلام وهو مو مقصر
صح فعلاً طريقتي في الحلم مو صح للاسف.
من ناحية يغار علي،و يقول ان دفة الراس أستر حقي،و تسعده أكثر.
27-01-2012, 06:22 PM
ضوابط المشاركة
العرض العادي
