السلام عليكم و رحمة الله
خلاص حياتى ذهبت بلا رجعه- و اسرتى اتفككت الى 3 اقسام- و انا هاقول لكم ازاى
انا من مصر اتجوزت عن حب سنه 97 و ربنا رزقنى ببنتين و مراتى توفت بلا مقدمات سنه 2000 فى شهر نوفمبر و كانت بنتى الكبرة عندها سنه و 10 شهور و الصغيره 3 هور و نص
طبعا كانت صدمه بنا ما يوريها لحد.
مراتى كانت ليها اخت لسه متجوزه و اختها كانت لسه فى الاعداديه (15 سنه ) و ده علشان ماحدش يقولى ماتجوزستش اختها ليه
اخت مراتى العروسه اللى كانت لسه متجوزه اخدت بنتى الصغيره معاها و انا اخدت الكبيره و عشت مع بابا و ماما
و طبعا هما كبار فى السن و خدمة بنتى الكبيره كانت صعبه – و بدأت النصايح انى لازم اتجوز و رغم انى كنت رافض بدأت ادور على عروسه و كنت بادور على واحده تكون بنت حلال و طيبه علشان خاطر البنتين
و الحمد لله ربنا وفقنى و لقيت واحده كانت بتشتغل موظفه فى الحضانه اللى فيها بنتى كانت من بلد ارياف جنبنا و مطلقه بعد جواز فتره بسيطه و مش معاها اولاد
و كانت بنتى بتحبها جدا بحكم انها فى الحضانه- و اتجوزنا و كانت معانا بنتى الكبيره بس و بعد كام شهر جبت بنتى التانيه
و بصراحه مراتى كانت مراعييهم بما يرضى الله و ده بشهادة كل الناس و حتى اهل زوجتى الاولى( على طول العيال نظيفه و لابسه كويس و مؤدبين ) و كان كل الناس بتدعيلها
و بعدين خلفت منها بنت تالته
و بصراحه هى مابتفرقش فى المعامله بينهم
لكن هى فيها مشكله و هى انها اتربت فى بيئه قاسيه قوى من والدها و ده انا عرفته من حكاويها و من معاملة اهلها مع بعض ( يعنى قلبهم قاسى على بعض و عندهم الخصام ده شىء عادى و الجفا متوفر بكثره )
و لللاسف ده كان اسلوبها فى البيت حتى معايا
و طول ال 10 سنين و نص اللى فاتوا كنت دايما اكلمها و اقولها انتى ربيتى العيال كويس لكن انتى مخوفاهم منك و حاولى تحببيهم فيكى اكتر و قربى منهم و فربيهم منك لكن مافيش فايدهو بعد كده ربنا زقنى منها ببنت رابعه و دى لسه سنتين ( هما دلوفتى 12-11-9-2 ) ده ترتيبهم
المهم ان هى عنيفه و شديده مع ال 4 بصراحه حتى الصغيرة و للاسف ماعندهاش موضوع انها تحضن ولادها و تقعد تضحك معاهم و الحاجات دى
بالاضافه انها عندها وسواس النضاقه و النظام و ان كل حاجه تكون مسطره و طبعا ده بتطلبه من البنات و بزعيق و شخط و ضرب
و من 10 ايام اتفجرت المشكله
مره واحده البنتين الكبار تذمروا و اعلنوا العصيان و بدأوا يشتكوا بصوت عالى و اعلنوا بصراحه ان هما زهقوا من العيشه دى و عايزين يعيشوا عند جدتهم والده مامتهم الله يرحمها
و ان البنت التانيه زهقت من الضرب و الكبيره زهقن من المعامله السيئه( و على فكره هما معاهم حق بصراحه بس هى طبعها كده و مش عايزه تتغير و من زمان كنت بتحايل عليها تتغير و هى تقولى انا كده لكن بصراحه معاملتها فى العيشه معاهم وحشه )
و لفيت عندهم كميه كره لمراتى مش عارف ليه و عمال اكلمهم و اقولهم دى مامتكم الى ربتكم و االى ياما عملت لكم و ياما بيمتكم و حمتكم و نضقتكم و ياما شالت البامبرو بتاعكم و انتم صغيرين
لمن البنتين قفلوا بطيقه غريبه
و برده مراتى اتصدمت من الكلام كده و لقيتها بتقول ان هى كمام كرهتهم و مش طايقه تشوفهم
دلوقتى مراتى هاتاخد البنتين ولادها و تروح بيت اهلها و ووجهة نظرها علشان ماحدش يقول انها مشيتهم من بيت باباهم و هى قعدت و انها محتاجه ترتاح شويه ( بس هى مش ناويه ترجع تانى)
و البنتين طبعا الكبار انا مش هاقدر اقعدهم معايا لوحدى فهيفضلوا عند جدتهم
و انا مش عارف اعمل ايه
03-01-2012, 11:53 AM
انتهت الاسره
ضوابط المشاركة
العرض العادي
