السلام عليكم ورحمة الله
اول شي الموضوع يخص اختي والموضوع شوي ملخبط
بس بحاول اسرد اللي اقدر عليه
هذي اختي كانت في مشاكل مع زوجها من 8 سنوات كل سنه وهي عند اهلي من شهرين الى ثلاثه زعلانه او زوجها راميها عندهم
خلال الثلاث السنوات الاخيره
اول شي راحت لاهلي سنه بعد السنه رجعها زوجها وجاب واحد معروف عندنا يتدخل ويصلح رجعت معاه ماستقرت حياتهم
رجعو لنفس المشاكل رجعت لاهلي وتركها زوجها قال الله يستر عليك وعلقها سنتين عند اهلي
خلال السنتين هذي اخذ اولادها اكثر من مره اخر مره رجعهم ابوي بمحامي ورجعو لحضانتها وصارت اشياء كثيره وقضايا بالنفقه او مصروف لانها كانت معلقه منه من غير صرف وقيمة ذهب استلفه منها وقضية طلاق رفعها ابوي قبل موعد المحكمه باسبوع اتصل علليها مرتين فقط لاغير واليوم الثاني راحت معاه من عند الباب يعني مارضى اهلي اللي سبهم في المحاكم ولا جاب قيمة الذهب ولا مصروف سنتين وراحت معاه تحدت الدنيا كلها وراحت عشان عيالها عندها ثلاثه بنتين وولد
راحت وابوي مو راضي عليها وامي تقول بكيفها وكلنا موراضيين لانها ارخصت نفسها كثير ودايم ماتاخذ الارايها يعني يوم زعلت دخلت كل الدنيا محاكم واهل وناس وشيوخ في مشكلتها بس يوم رضيت راحت بدون تعبر احد ماهمني اي احد غير ابوي كلنا دعينا لها بالتوفيق وقلنا ربنا يسخره لها
الحين بعد شهرين من رجعتها رجعت المشاكل بينهم دايم كئيبه ودايم زعلانه منه ودايم تحس انها مضلومه على فكره هذا طبعها حتى وهي عند اهلي دايم تحس انها مضلومه مننا احنا اخوانها ودايم عندها مليون سبب يزعلها
مره قلت لامي خلي ابوي يرضى عليها لانها متنكده كلمتني امي بعدها قالت قولي لها تبطل نكد وقولي لها محد مستعد يتقبلها بعد ماراحت معاه من غير رضانا خليها تعيش مع زوجها وتتحمله مادام اختارته واسمع ابوي ياكد على كلامها
المشكله الحين ان زوجها مسافر ماليزيا يتمشى قلت لها لاتروحي لاهلي لانه دااااايم لما يوديها عند اهلي مايرجع ياخذها الابعد شهور وهي توها راجعه له مالها شهرين قالت طيب
قال لها زوجها ا اجل روحي لاهلي هي زعلت وارسلت اليوم تسب وتقول مابي ومارح اتحملهم وهم صدق ناس بوجهين يعني يعاملوها زين وعند الناس يسبوها بس قلت لها تحملي شوفيني كل شهر خمس ايام عند اهل زوجي وانا حامل وتعبانه واخدمهم واسوي كل شي واسافر سفر لهم قالت لا انتي مع زوجك ليه يسافر ويحطنا عند اهله بيقولو مايبغاها يعني حسيتها هيه هيه ماتغيرت ولاتعلمت من السنتين ولاشي انا اختها الوحيده اللي تشكي لي وتحملني همومها وكل شوي اعقلها وانا تعبانه وحامل ونفسيتي مره تتعب من كلامها اليوم قلت شكلي بجرحها عشان تفوق لنفسها واقول اهلي يقولو خليها تصبر على زوجها اللي اختارته مهما كان مانبغاها ترجع لنا بس خفت على مشاعرها بس لازم تتعلم انها غير ووضعها غير رجعت عشان عيالها مافكرت تشرط اي شي ولا تخليه يتادب ولا تمرمطه مثل مامرمطها سنتين ولما رجعت نسيت هدفها كيف افكرها واعقلها من غير اجرحها كيف اعلمها انها تبالغ واننا كلنا عندنا مشاكل يمكن اكثر من مشاكلها بس صابرين مدري ايش مشكلتها بالضبط نوروني علموني يمكني غلطانه يمكن ف شي مانتبهت له موعارفه ايش السبب
وش رايكم اقلها لاعاد تشكين لي المشكلهه اخاف انها اذا تصرفت من راسها تخبص الدنيا وانا كل كلامي لها يهديها يعني اقلها شوفي زوجي يقول كذا انا عادي متحمله والا اقلها حتى اهل زوجي يعاملوني بكذا بس مجبوره اسكت ولا اتكلم عشان زوجي يعني احس انه ممكن الكلام يفيدها ويهديها بس انا تعبت والله تعبت

اول هي رجعت بدون رضي الاهل فهي ملزومه تتحمل اختيارها واخطائها
ثانينا ماهي اسباب المشاكل خليها تدخل المنتدي وتكتب اسباب المشاكل والاخوات والاخوان راح يساعدها

حاولت تدخل وتكتب مشاكلها مارضيت ابد تقول تخاف احد يعرفها
بس هذي مشكلة ماليزيا وروحتها لاهله مو راضيه وهو يقول انتي تكرهين اهلي وهي تقول ابي ارتاح ببيتي وهو معاه حق كيف يخليها وحده بالبيت اسبوع وهي ماعندها الاثلاة اطفال والدنيا تخوف

ممكن مشكله ماقدد قالتها لي هالايام بس هي كانت موجده لما جات اول عند اهلي وهو انه ماينام معاها الانادرا كل كم شهر مره اتوقع انها يوم رجعت هي عارفه هالشي لانه هو كذا من اول ماتزوج

مافيه رجال يكره حرمه من الباب لطاقه

مع احترامي اختك مزاجيه وكل شوي طالعه بشي


الله يصبركم عليها

دعي أختك وفقها الله تأتي هنا
وتسرد لي الأحداث وتفاصيل شخصيتها وشخصية الزوج
وسأجيبها إن شاء الله