وحشتونى . كنت فى مصر فى اجازة اللة وحدة يعلم عدت علية ازاى . المهم انى ماعنديش هناك كمبيوتر علشان كدة اتقطعت عنكم الكام شهر اللى فاتوا مع انى كنت فى اشد الحاجة ليكم كاصدقاء . مش عافة انتم فاكرين مشاركتى ليكم فى مشكلتى وهى ان لزوجى زميلة فى العمل تعدت حدود الزمالة وكانت تصرفاتها معاة غير مريحة خالص بالنسبة لى .احنا ماعندناش اولاد والمشكلة عندنا احنا الاتنين يعنى مش قلقة انة ممكن يكون بيدور على الاطفال . هى اكبر منى ب 7 سنين ومطلقة لاكتر من 6 مرات من 3 رجال وتصرفاتها ليست فوق مستوى الشبهات وهو يعرف كل حاجة عنها وعارف انها (......) ومع ذلك لم يحاول ان يقطع علاقتة بها بدعوى اننا فى غربة وانها لوحدها وانة بيتعامل معاها على اساس انها اختة مش اكتر . والكل نصحنى انى اصاحبها واكون على اتصال بيها علشان اعرف كل تحركاتها. المهم انا نزلت اجازة لوحدى وكانت معايا على نفس الطيارة وزوجى تاخر فى النزول لظروف طارئة لاكتر من شهر . المهم اجازتها هى خلصت ورجعت للشغل وكانوا هما الاتنين هناك لوحدهم وانا فى مصر لوحدى .وفى يوم مش عارفة اية اللى خلانى افتح اليميل بتاعة (كان قال لى على كلمة السر بتاعتة مرة فى وسط الكلام) المهم اتصدمت لما قريت ايميل كانت بعتتة لة من مصر بعد رجوعها لمصر وهو كان لسة فى شغلة .الايميل كان بدايتة كلمة( حبيبى ) والباقى كلة كلام عن انها مش قادرة على غيابة وبتعد الايام علشان ترجع للبلد اللى بيشتغلوا فيها علشان تكون معاه وجانبة .طبعا مش هاقدر اوصف لكم عن الالم والعذاب اللى حسيت بية والهانة كمان انى كنت بادخلها بيتى وبتاكل من اكلى عيش وملح وتكون دى النتيجة .ماحسيتش بنفسى الا وانا باطلبها فى البلد اللى بتشتغل فيه (وهو كان لسة هناك) وقلت لها كلام مش ممكن كنت اتخيل انى ممكن اقولة وهى كانت بتسمع ولم تعلق على اى كلمة .طلبنى زوجى فى نفس اليوم واعتقد انة ماكنش لسة عرف باللى حصل المهم مسكت نفسى جامد انى اقول لة حاجة .تانى يوم اتصلت هى بيه وحاولت تدافع عن نفسها انها بتتعامل معاه على انه اخوها وطبعا انا لم اقتنع باى كلمة قالتها وكل اللى رديت بية عليها انى مش عايزة اعرفها بعد الآن وطلبت منها تبعد عنى وعن زوجى والا هافضحها قدام كل اللى يعرفوها مش بس بموضوع الايميل ولكن باسرار كتير اعرفها عنها تدخلها السجن (مش كلام فى الهواء انا فعلا اعرف حاجات تسجنها)بعدها حسيت ان زوجى متغير معايا فى التليفون زى ما يكون منتظر منى انفجر فى وجهه ولكنى لم افعل وانتظرت لحد ما رجع ولجأت لاختة الكبيرة اللى فى مقام والدتة وحكيت لها عن كل حاجة حصلت خلال السبع سنوات عمر علاقتنا معاها ولم يعجبها ما سمعت ووعدتنى بالتدخل وقد كان تكلمت معة المهم لن اطيل عليكم الخلاصة انة دافع عن نفسة وكل كلامة انة بيحبنى وانها هى اللى فهمت زوقة معاها انة ممكن يكون اهتمام خاص بيها وانة عارف عنها كل حاجة واللى يعرفة عنها لايمكن يخلية على علاقة من اى نوع بيها ولكن هى اللى فارضة نفسها علية وانة لما قرا الايميل ضحك لانة تخيلها مراهقة باعتاه للبوى فريند بتاعها وانة بعد ماعرف انى تالمت قد اية بعد ماقريت الايميل انة هيقطع كل علاقة بيها خارج نطاق العمل كزمايل . ولما رجع البيت ولوحدة طلب منى انى انسى الست دى خالص واقطع كل علاقة لى بيها لانه خايف على سمعتى وسمعتة منها . انا عارفة انة بيحبنى وبيعشق التراب اللى بامشى علية لكن مشكلتة انة بيحب دايما انة يكون فى بؤرة الاهتمام (برج الاسد) وعلاقتها بية بترضى غرورة دى حاجة انا متاكدة منها . تفتكروا اتصرف معاه ومعاها ازاى الفترة اللى باقيه لنا هنا فى الغربة لغاية ما ننزل بلدنا وكل واحد منهم يروح لحالة وهى فترة لن تقل عن سنتين . منتظرة اعرف رايكم فى اللى حصل ومشورتكم فى اللى جاى.

اختي العزيزه اهلا بك وصدقا افتقدت وجودك النشط في المنتدى....

وفعلا اشعر بشعورك واهو امر يحتاج لتفهم وتعمق اكثر ...خصوصا وانه يتضح لي ان زوجك في سن متقدمة نوعا ما مما يدل على ان هناك مجموعة اسباب تكون سببا لهذا الاتجاه الذي يعد شرخا من شروخ الحياة الزوجيه...
فبالحوار اللين تستطيعين الوصول والتقرب الى زوجك اكثر وبالانصات اليه والى ما يشكل عليه من امور..لانك ذكرتي لنا...

اقتباس:

مشكلتة انة بيحب دايما انة يكون فى بؤرة الاهتمام (برج الاسد) وعلاقتها بية بترضى غرورة دى

فهذا امر طبيعي في كلا من الزوجين الاشعار بالاهتمام وبالحب وفي الزوج بشكل خاص..وقد يشعر الرجل بشيء من الغضب اذا شعر ان زوجته لاتثق فيه ولا في قدراته...او انها تحاول تغييره بشكل بطريقه شوف فلان كيف عمل... لذلك الرجل طبيعته هرميه يحب ان يشعر بان زوجته محتاجه اليه وتعطيه التقدير لاي شيء يعمله...

لكن اعود واقول ان زوجك قد اخطأ وبامكانك معالجة ذلك بالصبر والدعاء والنصيحه...اسئل الله ان ييسر لك امورك...وكتبت لك على عجل شديد ...والاخوة الكرام لن يقصروا معك ان شاء الله...

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

انا اختي كانت عندي نفس مشكلتك
بس هاللي عندي اجنبيه مو عربيه بس لزقت لزقه
تتصل حتى بنص الليل حتى تشتكي واتصوري انا مو فاضيلي ويقهرني لمن يسمعها باهتمام ويهديها
ونفس الشي من اكلمه قاللي هاذي مثل اختي
بس انا قعدت بلرايحه والجايه اعصب واسب فيها حتى لاعت كبده
وصرت اردد بمااني ادرس مختلط ترضى اسمح لواحد يتصل فيني كل شوي لسبب غير االدراسه
فكان يزعل ويعصب فاقوله اجل المفروض تعذرني
لييين ماانقطعت الاتصالات
يااختي
هالرجال مثل الاطفال يبيلهم متابعه واهتمام والا يضيعون بجو هالاغراء اللي حولهم

انصحك بلنصيحه الذهبيه ،،وعن تجربه ،، الدعـــــــااااء

الههي يكشف كربك ،،امـــــين

الصـــــــــبر و العقـــــــــل +كتيييير دلع وحنــــان

نصيحتي لك هي الصبر

خللي اعصابك بارده

والاهم من كده انك تعطي زوجك اهتمام اكتر من الاول

عامليه زي ماكنتوا في بداية حبكم

دلعيه... اهتمي بيه... اعمليله مفاجات ... وخللي بالك منه كويس واكيد انتي عارفه الباقي

بس زي ماقلتي هو الاسد يعني اعصابه في تلاجه .. الله يكون في عونك

بس ماتخافيش انشالله الموضوع هيعدي على خير .. وزوجك اكيد انسان كويس

بس انتي خليكي صبوره وعاقله ...

انا بقولك الكلام ده لاني عملت كده بالضبط لان حصل لي تقريبا زي اللي حصلك ..

ماتخافيش ... كله هيبقى تماااااااااااااااااام


بالتوفيق وياريت لما الوليه دي تبعد عنكم وتسافر تبقي تقولي لنا وتفرحينا..


تحيااااتي

اصدقائى الاعزاء مش عارفة اشكركم ازاى على انكم رديتو على واثلجتم صدرى باهتمامكم .انا فى غربة وماليش صديقات هنا لانى تقريبا اتعقدت من الست اللى قلت لكم عليها . زوجى هو فعلا ابنى اللى ما خلفتوش مع انة اكبر منى ب 10 سنين وعمرة دلوقتى 46 سنة يعنى مش كبير قوى فى السن . وزى ما قلت لكم انا ما عنديش اولاد وكل وقتى واهتمامى وحبى وعقلى ومشاعرى لزوجى ودة واللة مش مزايدة على اللى بيحصل منى لكن جوايا احساس انة عمل كدة لانة واثق من حبى لية وانى هافوت لة . واحساسى كمان انى اديتة كتير يمكن زيادة عن اللازم . انا طبيبة ولا اعمل هنا فى الغربة لظروف العمل الصعبة واللى ما تناسبش ظروفى العائلية . ودة يمكن يكون سبب كمان للى عملة على اساس انى محتاجة لة ماديا مع العلم انة كريم جدا جدا جدا . وحنين على الناس كلها (كلها) وهو دة الباب اللى كانت بتدخلة منة . متهيالى انى لو شفتها دلوقت (انا ما شفتهاش من ساعة اللى حصل ) هاضربها قلم على وشها .لكن انا عارفة انى مش هاعمل كدة (كلام وخلاص ) كل كلامة معايا انة عارف انى عاقلة ومش ممكن اتهور فى تصرف يخلى الناس تتكلم عننا .بيحب دايما ان صورتة قدام الناس تكون كويسة.انا لو حاصرتة بالاهتمام رايح فين وبتكلم مين ممكن يزهق ولو غمضت عينى وعملت ودن من طين والاخرى من عجين هيضيع من ايدى . يعنى الفترة اللى جاية عايزانى اكون زى البهلوان وامشى على السلك . فية مشكلة تانية وانها ليها ابن شاب عندة14 سنة ومرتبط بزوجى لانة اتربى بعيد عن ابوة وكان زوجى بالنسبة لية بديل للاب او الخال زى ما كانت دايما بتقول .الولد دة صعب جدا بل مستحيل انى ابعدة عن زوجى وهو من راية ان الولد مالوش ذنب فى اللى عملتة امة . انا حاسة ان الولد دة هيكون مسمار جحا اللى هتنطلنا بية كل شوية . ربنا كريم وقادر يبعدها عننا . لى طلب عندكم خليكوا على اتصال بية علشان انا قوية بيكم ومحتاجة لكم جدا . وشكرا ليكم مرة تانية.

بيرو عزيزتي كل الي اقدر اقوله لكي حافظي على زوجك واملي عليه حياته

وياريت تنسى هالانسانه وتمسحوها من حياتكم تعاملي معها كهامش والفترة الي بقت حاولي تبتعدو عنها


وتقبلي تحياتي