السلام عليكم و رحمه الله و بركاااته


اولا احب اشكررر كل انسان بهالمنتدى المميزز ممن يساعدون المحتاجين للمشوره نفس حالتي

ثانيا انا كنت متابعه للمنتدى من خلال الزياره فقط من دون التسجيل . وبما انو وجدت مبتغاي و لكثرت المشاكل حبيت اسجل لكي استفيد من خبرررتكم جميعاااا


ثالثا هذي اول مشاركه لي ماصدقت تنقبل عضوييتي و دغرري ل كتابه الموضوع


بسسم الله ابدا مشاكلي مع زوجي انا كثيره كلام بس ب احاول اخفف كلامي تحملوني يعني

راح اقولكم عن زوجي عمره 31 يشتغل ب القطاع العسكري ظابط ب معنى اصح
انا عمري 23 تخرجت ثانويه وتزوجت
متزوجين من 4 سنين
زوجي حنون وكريم معاااي

بس عنده مشاكل معينه

انا ماابي اغيرها لان صعب اغير رجالل مفروض انا اتغير للاحسن
انا ابغى اعرف كيف اتعامل معه . وكيف افهم الشي اللي يبغى يوصل له
لا تقولون اعرفي انتي ايش الخلل ب النسبه لك وعدليه

والله لما تصير مشكله واقوله وش الناقص فيني انا ماابيك تكمل نقصك عشاني
انا ابي اعرف وش اللي مو فيني عشان اسويه لك
يرد علي ب كل برووووود

يقول والله كامله ومافيك العيب بسس ...

زوجي ب حكم معرفتي فيه مايقدر يعبر عن مافي خااطره
وغالبا اسحب الحكي منه تسحيب
حتى ب اكتشاف مشاعره تجاههي
اجلس اساله كم مرره

يمدحني و يقولي كلام حلو
بس بعد ماساله يعني كيف شكلي اليوم .؟ او لما اسوي تغير ب نفسي اقول هاه اعجبك .؟

مايبدي رايه لاا ينتظرني لااحد مااساله و يجاوب

هذي مشكله
ابي اعرف كيف اخليه يتكلم ويعبرر عن مشاعره بدون مااساله مره واثنين حتى لما يكون متضايق احلفه الا يقولي و يكتفي ب قول متضايق بسس مرات كثيرر اتركه على راحته ممكن تكون مشكله ماايبغى يحكيها لي

ثاني مشكله
زوجي اهله من النوع البيوتوتي جددددددددن
حتى هو انسان بيتوتي
يعني مرات اطلع من البيت انا ولما اكلمه يقول ب البيت

طيب روح ل فلان و فلان وفلان طيب شوف فلان انا اللي اقترح عليه اماكن واقترح عليه يزور اخوياه
وكمان اهله جدن بيتوتين لما اروح ل اهله اقول له خلينا نطلع للمكان الفلاني عشان امه ابيها تشم هواء تشوف الناس لان غالب ووقتها ب البيت وحرمه كبيره بديهي ب تتعب من جلسه البيت

انا اهلي مستحييل يجلسون ب البيت يعني يمكن ب الاسبوع نطلع 5 مرات مع الويك اند

كل ويك اند مستحيل نجلس ب البيت
هالنقطهه دايم و دايم و دايم نتهاوش انا و زوجي عليها
انا تعودت على الطلعه من البيت

اوكي لو ب اقول ل زوجي خلينا نطلع مااعنده مشكله ب يطلعني

بس لما يجي الويك اند ويكون فيه عزيمه او زواج او مسيار او اي شي يتنررفز
و يعصب و يجلس يقولي كل الناس جالسين ب البيت الا انتي و مدري ايش
ولما اساله اقول مين كل الناس ادري يقصد اهله يقول كل اللي اعرفهم

ولما اروح ل زواج طبعا معروف ب زواجاتنا اهل الرياض يعني العشاء ممكن الساعه 2 ونص

لما اجي الساعه 3 طبعا على حسب بعد القاعه
يسوي لي ساللللفه واني انا اهملته وانه هو ماطلع من البيت و و و مشاكل مرات تنحل ومرات كثير لااا


ابي اعرف كيف افهمه ان طلعاتي خصوصا ب الويك اند

ب الوسط الاسبوع كله عنده ابي افهمه انو الويك اند هذا مفروض الواحد يشوف الناس فيه مو ينحكر فيه
ولما اناقشه وكيذا يقولي هذا جزاتي ابي اجلس معك > طبعا لو جينا للحق لو جلست ب البيت ب الويك اند ب يقولي يلاا نروح بيت اهلي ماراح يخليني ب البيت او انا وياه متقابلين

ولما اقوله ب اروح مثلا نسلم على فلانه ولاده مع العلم اني مااروح الا ل بنات عمي و بنت خالي فقططط يعني المقربين جدا البعيدين مااروح لهم ب النفاسات ولما يكون احد من خواته والده اول من يدخل عليهم حنا
وانا لما اقوله يقولي مو ضروري تروحين
عزاء مو ضروري تروحين الحي ابقى من الميت
مسيار مو ضروري روحاتكم و شوفاتكم كثيره

ولما ازعل واقوله ليه تحرمني من اهلي وتمنعني منهم يقولي خلاص روحي ب نفس مو طيبه ولما اقول ماراح اروح وانت كيذا نفسك خايسه وودك اني مااروح ماكن يقول لا روحي انا راضي واروح للمكان ب مجرد ماارجع يرجع نفس الموال واني مااجلس ب البيت وطلعاتي كثيره

حتى لما اطلبه مثلا اروح للسوق او اروح للمشغل او اي شي ب البدايه يررفض و لما اقوله اووكي واسكت والله مابين انو زعلانه او متضايقه من رفضه يجيني يقولي خلاص يلاا امشي ب اوديك واذا رفضت انو اروح يعصب علي واذا رحت برضو يوديني ب نفس خايسه و يرجعني ب نفس اخيسسسس

قبل فتره بسيطه قالي ب اجيب لك سواق عشان افتك من مشاوريك
وزعلت مرررررررررررررره وقلت له اووكي جب لي شغاله عشان افتك من طلباتك


وجلس يضحكككك ب اقوى مافيه مبسوووووووووط اني انقهررت وجلس يبوس ايدي يقول مالي غناه عنك ولا عن مشاوريك

مرات احس انه يرفض بس عشان يشوفني معصبه

يحب يستفزني وخصوصا ب موضوع الزواج الثاني
يفررررح يحس ب الانتصار لما اقووله جررب تتزوج

ماادري كيف اتعامل معااه والله وصلت معي انو يغلط واسكككت و اضحك وامشي الكلام
ويعصب ويهاوشني واسكتت
كلله ابي اراعي نفسيتي لاني بديت اتعب مرره

مادري كيف ارضيه



عن اذنكم
واسفه اذا اطلت الكلام
على انه باقي ب القلب كم كلممه << خخخخخخ بعددد كل هالحكي وباقي :14:


ي رب مااكون ثقلت عليكم

ب انتظاااركم

ماعليك وضعك جداً عادي بس يبغى له كم شغله ويسلك
زوجك بحكم عمله وتربيته مو بقادر يخرج خارج حدودها
عشان كذا لما يطلع مجبر ويستانس يرجع بنفس جداً مرحة
غير عما كان عليه قبل..
لاتحاولين تسحبين من الكلام لانك بتتعبين بالذات الاسرار
الخاصة بعمله.. قدري له سرية عمله..
حاولي تتفاهمين معه بهدوء في وقت رايق على موضوع
الطلعات والروحات.. يعني حددي طلعاتك يبدو انك اخذتي
من بيت اهلك نقطة عدم الالتزام والتحديد في الحياة وزوجك
عنده التزام وحدود.. راعي هالنقطة كثير..
انتي تنظرين للامور بطريقتك انتي
اما يوم تنظرين لها من زاويته رح تكتشفين الفرق..
ولا تزودين الحن ّ والزنّ....
تري صبره لو ما وصلتوا لحل رح ينفجر
يمكن تصحين يوم وما تلاقينه حولك..
هذا النوع من الازواج يصبر بدون ملل ولكنه
في الاخير ينفجر..
انتبهي له زين.. تري الانحراف اليوم ولا اسهل منه
دامك رايحه جايه بدون حدود لاتلومين الا نفسك
عيشي له مثل ماهو عايش لك.. فهمتي..!!

زوجك ذهب طيب وحنون وبيتوتي..
هذا اليوم عملة نادرة
لو تشوفين هبقات الشباب هاليومين بتعرفين انك بنعمه
الواحد منهم مايصدق يرمي زوجته عند اهلها او اي مشوار
وهاتك يا مواعيد مع بنات او غزل او استراحات وخرابيط



تمنياتي لكم بغدً مشرق وتوفيق مستمر

__________________
ان انت اكرمت الكريم ملكته.. وان انت اكرمت اللئيم تمردَ!!

بالنسبة لمشكلتك الاولى(زوجك كتوم)
فأبداً ما تحاولي تسحبي الكلام منه سحب..هذا طبعه
واكره شيء عند الرجال المرأة اللحوح..لذلك انتي فقط حسسيه بالأمان
مثلا شفتيه متضايق قولي(خير حبيبي فيك شيء؟)بيقولك مافي شيء ردي(عراحتك حياتي)خلص ما تلحي اكثر يعني اسأليه مرة وحدة بس..ومع الوقت بتلاقيه بنفسه يجي يحكيلك عن مشاكله حتى تملي وتقولي خلاص ما ابغى اسمع شيء

المشكلة الثانية(زوجك بيتوتي)
انا شاعرة فيكي..نفس المشكلة كانت في بداية الزواج نفسي زوجي يطلع مرات مع اصحابه حتى لو ما أطلع انا المهم يطلع عالاقل اتنفس الحرية شوي،كنت بحكيله اطلع بس طبعا عالفاضي لانه هذا طبع فيه مايغيره بين يوم وليله
بعد فترة من الزواج بدأت المشاكل بينا فصار كل ما تصير مشكلة بينا يطلع ومايرجع الا اخر الليل
عشان هيك ازا بدك اياه يطلع سوي مشاكل معاه وطفشيه

لو تشوفين هبقات الشباب هاليومين بتعرفين انك بنعمه
الواحد منهم مايصدق يرمي زوجته عند اهلها او اي مشوار
وهاتك يا مواعيد مع بنات او غزل او استراحات وخرابيط
^
^
انا زوجي من هالنوع للاسف وانا مع كلام الاخ مشكلتي زوجتي
زوجك نعمه حاولي توازني بين رغباتك ورغباته قبل يضيع منك او يتغير عليك