الله المستعان ليس هناك واجبات عليها لكونها موظفه
الا ان هي ارادت من طيب خاطر ان تساعده
فجزاها الله خيرا وان لم تريد هو ملزم بها وبنفقه عليها

الموضوع كوم وسؤال اخوك لك عن راتب زوجته كوم ثاني ..!!
لهدرجة صار الانفتاح وعدم الخبرة في دراية الامور ..
. لماذا يشغله الموضوع بسؤاله منك؟
يعني زوجته مالها احترام وتقدير عندة فيعرض خصوصياتها عليك ..
اتمنى ان لا تدخل نفسك في امورهم العائلية .. لانها لو كانت مشكلة لزوجتة اخبرته بانها لاتعرف كيف تتصرف فيها وتطلب منه المشورة والمساعدة .

__________________

استغفر الله العظيم
شكلي بختصر الموضوع واترك البحث عن وظيفه والله لايهينه يكرف ويدفع ويصرف غصبا عنه
بعض اشباه الرجال ماهو فالح يستدل بالشرع الا ب (فانكحوا ماطاب لكم من النساء مثنى وثلاث ورباع) وعلى الزوجه الصبر على ظروف زوجها ومرضه و..و..الخ
والنفقه واي شيء مايجي على هواه ينسا الشرع والخوف من الله
منجد حريم في جسم ذكور
على فكره لو شافته يستاهل بتعطيه مالها كله وبطيب نفس بعد
تعلموا كيف تتعاملوا مع الانثى ؟؟ اعلموا ان الانثى قاروره تتاثر بالكلمات الطيبه بالحنيه و..و..الخ
مو بالجلافه والتفكير المريض اللي يجيب المرض ويخليها تتمنع وتتعنت في رايها بعدم اعطاءه فلس واحد خصوصا ان النفقه عليه الله لايهينه
انشالله اذا اخذتوه بالقوه ولا بضغط بطرق ملتويه غبيه ربي مايطرح فيه البركه
لانها ضعيفه ماتقدر تدافع عن نفسها مسوين مرجله ياحيف بس على الشوارب

__________________
الحجاب عبــاده وليس عاده

هو صحيح انه الزوجة غير مجبرة على صرف هللة واحدة لزوجها .. و أنا موظفة و الحمدلله يعني لا احد يقول تتكلم من غير دراية
لكن افتكرت اخوي و زوجته، اخوي قطع دراسته للانتساب و اللي خسر فيها مبالغ من اجل زوجته، و شجعها على إكمال تعليمها
الجامعي بمدينة تانية و كان هو اللي يمسك الاطفال وقت اختباراتها و التدريب العملي او يجيبهم عند امي، و يصرف عليها بكرم
ماشاء الله و هو مستحيل ياخد قرش من حرمة.. و الحمد لله زوجته بعد سنوات تخرجت، لانها كانت ترسب بمواد مرات

المهم انها كانت جالسة معاي و تقول لو توظفت، ما راح ادفع و لا قرش عالبيت .. و اخوي صحيح مو محتاج لراتبها، بس غريب
تفكيرها ؟ و قلت لها بابتسامة بوجهي.. اصلا اخوي حتى ريال واحد ما يرضى ياخد مننا و طالع على أبوي الله يرحمه
اصلا الرقم السري لبطاقته البنكية زوجته عارفته، يعني ماعمره بخل عليها و هي تدري

عكس زميلتي، تزوجت و بعد زواجها زوجها شجعها تكمل دراستها و كان يوميا يوصلها الجامعة و يرجعها من مكة لجدة..
و كانت تترك أطفالها مع حماتها و لاتدري عنهم.. هذا كلام زميلتي و هي اقرب وحدة من صحباتي لي.. المهم انه بعد
ماتخرجت و توظفت، صرت اسمع و اشوف بنفسي ماشاء الله عليها بتاخد ابو زوجها المستشفي و دفعت له من نفسها
و عملت له عملية بعيونه و تساعد حماتها و زوجها من غير ما احد يطلب منها .. و بطيب نفس، و اهل زوجها اصلا
حالتهم المادية مو قد كذا، فتساعدهم دايما

و عن نفسي الحمد لله تخرجت و توظفت على طول و زوجي يوم تزوجني فهو يدري أني موظفة و قالي انه مايبغى ربة بيت
عشان لا ترجه كل شوي طفشانة طفشانة. يعني ماحد غاصبه علي، لو مايبغى وظيفتي
و كان شرط اخوي بالعقد انه مايتدخل بوظيفتي و هو رضي بالشرط، و في الحالة هذه فمساعدتي له تكون من نفسي
يعني اذا شفته كريم معايا باخلاقه و تعامله و بماله، فمن نفسي أنا بأشيل عنه جزء من المصاريف الخاصة بي .. بس يكون
فاهم انه هذه اصلا مو من مسؤولياتي..

و لو حسيت بلحظة انه حاط عينه على راتبي، وقتها ماراح اصرف قرش واحد ..
و لو هو تعب على دراستي مثل اخوي و زوج صحبتي، فالوضع بيكون مختلف و أكيد بيكون تصرفي مثل زميلتي وقتها

و الفلوس اصلا بالأخير بتروح لمين؟ مو لمصلحة الاطفال ؟ خلاص الفلوس عشان تخدمنا مو علشان نحن نخدمها و نضيع سعادتنا
عشانها ؟

سؤال استفزازي من أخوك..

لان لو كان هناك تفاهم بينهم لما طرح هذا السؤال أساساً..
ولو كان الموضوع انه محتاج ويريد زوجته تساعده بإمكانه الطلب منها مباشرة..

لكن إسلوب السؤال يدل على لوي الذراع..
بمعنى
إنه بما انها توظفت ... كيف استغل الموقف لصالحي؟؟
اخوك هو صاغ الأمر وكأنه حلبة مصارعه

أخوك للأسف انسان استغلالي ..
وأنت تطرح الأمر وكأن هناك مجال لتحلليل والتحريم

والشرع الواضح يقول ان الزوجه لا تدفع ريال ولو كانت غنيه
اما اهوائكم التي تكتبونها هنا فاتمنى ان تكتبوا ان هذا رأي شخصي لا يمت للدين بصلة..

ومبروك لأخوك الوليمه ..

اما الأخ ليش كذا .. فردك صراحه إبداع ..
ممكن نسمي ما طرحته
مهر الوظيفه

- على فكره انا لا اعترض ان يقبل الرجل مساعدة زوجته في حال احتياجه
وقلت يقبل
مو يلوي ذراعها ليأخذ حق تعبها ..

الأمر يرجعي للمعاشرة بالمعروف
ولهـن الاثنين .. وأتمنى ألا يدخلوا في سالفـة الحقوق والشرع


ما يزعجني كثيراً حينما تأتي الأخوات وينتقدن الرجل ويأتيـن بسالفـة الشرع والحقوق
ولكـنهـن لا يعرفـن من الشرع إلا حق النفقـة فقط
أساساً إذا المرأة لم تشترط على زوجها الوظيفـة في عقد النكاح .... فمن حقـه أن يمنعها من العمل والا تخرج من بيتـه إلا بإذنـه

هل هـن يؤمـن بأنه من حق الزوج أن يمنع زوجتـه من الخروج من البيت حتى وإن كان لأجل الوظيفـة ؟؟؟!!!

وهل سيمنعها من الوظيفه لانها لم تعطيه صرافتها ؟؟ ام لانه يريدها فقط ربة منزل تهتم بشؤنه وبابنائه
شتان بين الاثنين

اين العشره بالمعروف
ماذا لو اعطته راتبها سيوافق على خروجها من بيته ؟؟
اتقوا الله في النساء

__________________
الحجاب عبــاده وليس عاده