مرحبا
ابي اقول لكم قصتي وارجوكم قولولي شسوي
امس انا كنت متضايقه جدا وحاسه باختناق
وفوق دا كله زوجي ولا سئلني اشفيني؟
وبعدها انا قمت اسولف لاانه كانت نفسيتي جدا تعبانه(وانا الاحظ على زوجي يوم اكون مبسوطه يتقرب لي ومن تكون نفسيتي تعبانه يهملني مره وحده مع اني اعامله بكل اهتمام لمن يكون حزين)....ومن ضمن الكلام....قلت اتصدق طلعتلي شعره بيضا فقال بسرعه يعني خلاص اتصل بخواتي يدورون وحده اصغر لي
وصار يضحك وزاد واقعدك بغرفتين مع اهلي واسكنها في بيت بروحها.....انا ساعتها انقهرت من جد مو وقته كلامه بدال مايخف عني...اللي ولا عمره بهالغربه مسح لي دمعه ولاخفف عني...فانا قمت من القهر وقلتله اذا سويتها من جد الله لايوفقك منحرقة قلب....فهوه شكله زعل وقالي ادعي علي علشان غلاكي في قلبي يزيد
شسوي
والله مو عافه شسوي ....وهوه عنده اعتقاد اني دايما ادعي عليه ....الله يخليكم قولوي كيف اشيل هالفكره من راسه وانا مادعيت هذاك اليوم الا من ضيق خلقي والا هوه دايم يقولي انا لمن اخللص دراسه وارجع للبلد بتزوج وحده ام خمس تعش سنه واضحك او اقوله مين الي امها داعيه علها وبتاخد واحد قد ابوها.....المهم اني ماتضايق ...بس ذاك اليوم ماقدرت ...بغيته يقول كلمه زينه ..بس... الله يسامحه

اشلون افهمه اني ماادعي عليه ....
ارجوكم

قولولي وش الحل

لوول اذا قال لك كذا قول لي انه اذا تزوج غيرك ماراح تحبه ربع حبك له! وبيكون خرب بيته بنفسه لانك ماراح تعيشين معاه وخلها تنفعه وقتها ! على طريقه المزح طبعا يعني مهوب بزعل وصراخ !
وانك راح تتزوجي واحد غيره لوووول الدنيا ما توقف عليه كثير يتمنون وحده زيك !! غيضيه وخليه ينقهر هههه على طريقه المززززززح
وبيني وبينك يا اختي الرجال مايحبون النكد !! وصبرهم قليل مش زينا لو نشوف احد متضايق نبكي معاه !! الشي هذا معروف في الرجال فلا يضيق صدرك وحاولي انك تطنشين ولا تنكدي على نفسك

وبالنسبه للدعاء احسن حل انك تدعين له بالخير في كل وقت وهو داخل وهو خارج قدامه عشان يعرف انك ماتقصدين ولو اني حاسه انه يستهبل عليك ومن النوع اللي يحب يتظاهر بالزعل عشان يشوف رده فعلك !

الأحبة فى الله السلام عليكم .. بعد الإطلاع على المذكور أدناه .. كمقدمة .. الرجاء تفقد ما فى الملحقات وهى مجموعة من الأحاديث القدُسِية ، وانظروا الى رحمة الله ولطفه بنا وحرصه علينا .. سعياً لأن نتَعلَّم معاً: الحياء من الله.

يقول الله عزَ وجَلْ فى:



(الحديث القدسى)





إنِّىِ والإنْسُ والجِّن فى نبأٍ عَظيِمْ

أخلُق .. ويُعبد غيرى

أرزُق .. ويُشكر سواى

خَيْرىِ إلى العِبادِ نازِلْ وشَرُّهم إلىَّ صَاعِدْ

أتوددُ إليهم بالنِعَمْ .. وأنا الغَنِىُّ عنهم

ويَتبَغَّضُّون إلىَّ بالمعاصى وهم أفْقرْ ما يكونون إلىَّ

أهل ذِكْرى .. أهل مُجَالَسَتِى .. فَمَنْ أراد أن يُجالسنى فليذكرنى

أهلُ طاعتِى .. أهلُ مَحَبَّتِى .. أهلُ مَعْصيتِى لا أُقنِّتهُمْ من رحمتى

إن تابوا إلىَ فأنا حبيبهم

وإن أَبَوْا فأنا طبيبهم

أبتليهم بالمصائب لأُطَّهِّرهُم من المعايب

من أتانى مِنْهُمْ تائباً تلقَّيتهُ من بعيد

وَمَنْ أعْرَضَ عَنِّىِ نادَيته من قريب

أقول له أين تذهب ؟..

ألكَ ربٌ سِواىْ!

الحسنةُ عندى بِعَشْرِ أمْثالها وأزيد

والسيئة عندى بمِثلها وأعفو

وعِزَتِّى وجلالى لو إستغفرونى منها لغفرتها لهم.


abumshmsh

بصراحه الرجال دايما يطفرون حريمهم بالزواج عليهم وهذا شي عادي بس انت قوي اعصابك وتحملي ولا تبينين لزوجك ضيقتك لان والله اغلب الرجال ما يبون الي تضايقهم ولا الي تنكد عليهم عيشتهم الله يكون بعونك ويوفقك بس بيني لزوجك حبك وعشقك والله يصلح بينكم

اهلين اخواني
حبيت اشكر تفاعلكم
وانا ماانقهر واعصب بس ماكان مزحه بوقته
لااني اعرف بيت واحد ويااالله يقدر عليه
بس
مااقول الا الله يهديه ....كلامه ماكان بوقته ابدا
وانا مااهتم....بس من كثر مايردد اجاني هاجس انه بس يخللص من دراسته ومن بعد هالغربه ومافيها من شقا وتعب يقوم يسويها
هالرجال ياخدون اول وحده ويطحنوها طحن ولمن يستوون ويوقفون وتكبر روسهم .......اول وحده يكافؤوها الزوجه يجيبون وحده ثانيه .....
عموما
انا ماهمني هالثانيه الله وش بلمستقبل
بس ابي اشيل فكرة اني ادعي عليه

والله بعد الصلاة ادعيله مو عليه

ساعدوني

السلام عليكم ورحمة الله

أختي الكريمة ... إنك تشيلي سالفة إنك تدعي عليه .... بسيطة جدا جدا جدا ...

أولاً ...... أعتذري له عن ذاك اليوم وقوليله إنك زليتي (( مو تقولي كان مزحك مو بوقته لالالا تجاهلي خطأه ))) بس قولي إني زليت وأنا آسفة وقلبي يومين ما ريحني ليش اني دعيت عليك وخايفة عليك وووووووو ....

ثانياً .. كل ماجا رايح العمل أو الدراسة أدعيله بصوت عالي (( الله يوفقك ويفتح عليك )) وإذا جاب شي للبيت (( قولي الله يخليك لنا )) ............... خلي بدال كلام ( سلمت إيدك .. وحتوحشني ... ,,,,وووو والدش الكثير ... خلي بداله .. ( الله يخليك لنا ... الله يحفظك ويردك بالسلامة ..


وأما العلاج الحقيقي للمشكلة >>>>>>>>>> أدعي له في ظهر الغيب ....


وترا بيني وبينك ماهي مشكلة كبيرة بالحيل .. تراه موقف وعدا.. وعلى قولة أختك >> يستهبل ووده يعرف ردة فعلك ... >>> لأنه احنا الرجال عندنا حركات زي كذا


الله يوفقكم ويسعدكم انشالله

أخوكم / ساي

__________________

أنك إذا لم ترضى سوى بالأفضل فسوف تحصل عليه - بإذن الله -

مثل ما قال اخوي ساي

اذا جاء بيطلع ادعي له بصوت عالي

يا عسى ربي يوفقك

الله معاك

تروح وترجع لي سالم

وخلاص ان شاء الله ما في مشكله عزيزتي








همسه باذنك
لا تعطين اهتمام وايد للكلام الي يقوله لاثارة غيرتك
خليه يطلع الي في قلبه علشان تعرفين مايته