السلام عليكم .....
من لي غير اصحاب المنتدى الغالي حتى افضفض عندهم واجد النصحية الحكيمة ... جزاكم الله الجنة

مشكلتي باختصار انا متزوجة حديثا ... وحصلت مشكلة بين اسرتي وزوجي ... زوجي مسافر في بلد اجنبي وانا في دولة خليجية ... (للعلم ابي متوفي من سنة ونصف تقريبا) ... زوجي خطبني من اخي وزوجة ابي اللذان هم وكلائي وبعدين اتفقوا على العرس وفلوس العرس والواسطة كان قريبنا وبعدين لما بدانا في عمل اجراءات العرس بلغنا القريب بمبلغ تقريبي وهو 7300 دولار علشان نبدا حجز الصالة وفستان الزفاف وباقي لوازم العرس وزوجي دفع الفلوس للقريب (الواسطة) .... وبعدين قلت الفلوس منا واحنا ما كملنا الاجراءات الباقية فلما وصل زوجي من السفر وامه جاءت معاه بلغناهم باللي صار وكملو باقي الاجراءات وبعدين خلص العرس وفرحنا وانتهي الموضوع اللي صار انه زوجي وانا اتعزمنا في بيت اهلي بعد العرس وبعدين جاءت مرت ابوي وقالت لزوجي "على فكرة القريب صاحبك هو واهله ناس بخلاء وايدهم ماسكة علشان لما كنا نحجز الصالة والفستان كانو يقولون لنا ليش ماخذين من الغالي" وبعدين زوجي سكت وما قال شي ولما رحنا البيت زعل وقال هي مرت ابوك تقصد اني انا البخيل حاولت الطف الموضوع وسكتنا وبعدين راح زوجي وقال حق صاحبه اللي هو الوسيط بيننا والوسيط زعل ايضا فراح اتصل على اخوي المسافر الى ماليزيا للدراسة وبلغه وقال له يرضيك انه امك تقول على هذا الكلام وااخي اتصل على مرت ابوي وبلغها وهي من يومها زعلانه معاي وتقول لي كيف زوجك يفتن على ويقول على كلام زي هذا .... وانا اتصلت على زوجي امس وبلغته بالموضوع وقلت له لا تكبر المواضيع وتفشي اسرار الزوجية لاحد ما رايكم بتصرفي هل هو صح ام خطأ؟؟؟

عزيزتي الخطأ الاكبر على زوجك عندما سكت ولم يرد على زوجة ابيك بكلمه في لحظة الموقف...بل استخدم اسلوب الاسقاط وسوء الظن فاعتقد انها تصفه شخصيا ...رغم ان زوجة ابيك هي راس المشكلة في الموضوع

وكان المفترض ان يكبر زوجك دماغه ويتناسى الموضوع وتصرفك صحيح واتمنى ان يقف الموضوع عند هذا الحد..وان يحذفوا معادلة الماضي لان الكلام ليس مفيد في شيء سوى زيادة الضغائن والشيطان شاطر...

وفقك الله

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

أختي الكريمة ..
نصيحتي ان تقفلي الموضوع بمعنى عدم الحديث في الأمر .. لأنه اصلآ ليست هناك أي مشكلة ..
ودمتي سعيدة "
‏.

الله يهدي زوجة ابوك ما كان له دااااااعي الكلام بهالامور وإثارة فتن لا داعي لها , عموماً حاولي مثل ما قالوا الاخوان تقفلين الموضوع من طرف زوجك وقولي له انه مو بيدك ولا تتمنين انه يصير مثل هالمواقف وبيني له انك ما ترضين عليه وانه زوجك وحبيبك وابو عيالك مستقبلاً وقولي له انت رجال وعاقل وتحتوي هالامور بحكمتك ، ووضحي له انه ما قصر في امور الزواج ولا يلقي بال لكلام زوجة ابوك بحكم انه رجل وعاقل وحكيم وهيك حكي ، وفقك الله

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

صحيح زوجة ابوك بدأت لكن المفروض زوجك يطنش وما ينقل الكلام

الحين عدة أطراف زعلت

موقفك بإذن الله صحيح لكن حاولي تمتصين غضبه

وتقولين له انت ماقصرت ولا قريبك فيكم الخير والبركه وهي كبيرة مايخالف تحملها ومن هذا الكلام

ولمحي له انه ما استفاد شيء لين نقل الكلام بالعكس ناس شالت في خواطرها

وقولي له اتمنى تصير مشاكلنا بينا ومحد يتدخل فيها كذا أحسن للجميع

موفقه خير

__________________

الله يهديكم...اختي قفلي على الموضوع لانه مو فصالحك..راح ينقلب عليك انتي وكلهم يطلعون بدون مشاكل وتمين انتي طول العمر خسرانه

قفلي الموضوع واطلبي من مرت ابوك تقفل على الموضوع لانها هي سبب المشكله وكمان زعلانه وتبي تسوي مشكله بينكم ..وزوجك المفروض يكبر عقله ومايحط عقله بعقلها...لكن يحق له يدافع عن صاحبه خصوصا انه له الفضل عليكم وكان واسطه بينكم يعني ماسوا الا الخير

قولي لزوجك خلاص انتهى الموضوع ولاتتصلي عليه وتعاتبينه وتقولين ليش وليش لانه بكذا راح تخسرينه كان من البدايه عاتبتي مرت ابوك لانها هي بدأت بالكلام على صاحبه وهي تعرف علاقتهم مع بعض اذا في قلبها شي تقوله امامك انتي او اخوك مو تروح تتكلم عند زوجك وكأنها قاصده تسوي مشكله كلامها ماله داعي ابدا

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

جزاك الله خير .... كلامك صحيح

مشكور جزاك الله خير ........ صراحة هي مشكلة تعتقدون انها بسيطة بس الاطراف فيها متعددة

مرت ابوي بتفتح في المواضيع علشان سبب واحد .... احنا في عادتنا ان اهل الزوجة عند كتب الكتاب ياخذوا فلوس كهدية واهل زوجي ما عطوا مرت ابوي ... وهي من يومها وهي شايلة بقلبها وزعلانة

مشكور جزاك الله خير