علاج الخراب ... - منتدى عالم الأسرة والمجتمع

17-11-2011, 04:53 AM

رحماك ربي33

عضو جديد

تاريخ التسجيل: Nov 2011

المشاركات: 5

علاج الخراب ...

بسم الله الرحمن الرحيم
والحمد لله
والصلاة والسلام على رسول الله
نبينا محمد وعلى آله وصحبه اجمعين
يسعدني اني أقدملكم هالمشاركة الي ما ابي من وراها غير دعوة صادقة
من قلب مؤمن عسى الله انه ينفعني فيها باذنه تعالى

عاد انتو لا تقصرون ابي دعوة من قلب بالستر والعافية

ندخل بالموضوع
حنا يالحريم مساكين والله
نحمل ونولد ونرضع ونسهر ونشتغل سبحان الله
ما نبي غير وجه الله والاجر والثواب نحتسبه منه سبحانه
لكن إن كنت متزوجة؟!!
فهل زوجك راح يرضى بالنقص؟!!

وخاصة من قبل راحته
عسى الله يخليلنا ازواجنا ويصلحهم لنا >>ويرزقني بالزوج الصالح قولو آمين<
زوجك هو تاج راسك وانت الملكة في بيته
ولازم الملكة تكون مسكتة !!
يعني محد مثلها ويوازيها

<<كني طولتها<<اقول دشي بالموضوع بسرعة الله لا يهينك

مع الايام راح تحسين صار فيك شغلات غريبة الي اليوم يسمونها
خرابات!!

وهي ان الرحم مسكرب وما ينفع لشي!!

أنا قصتي مع الخراب لها باع طويييييييييييل

خلصت فلوسي على هالدكاترة والله كل زيارة خاصة اكثر منى:20:
مية دينار وممكن اكثر
وياليت في فايدة
فوق ما حلالك رايح !
عرضك بعد رايح !!
الي يحب النبي يبص!!؟؟

صرت استحي ومليت
الام برحمي وظهري وصرتي وعصعصي وعيوني فيها غبار وغمامة وكني حولة!!
يعني بالعربي سكراب

لحد ما سبحان الله قابلت وحدة كلمتني عن نظام وطلبته منها
قالت انا ما عرفه بس عندي كتاب عنه
طبعا الغرقان الي مثلي يتعلق بقشة عشان يطيب
جبته منها وكان ميات الصفحات دخت وانا اقراه
لحد مالخصته وبديت حياتي الجديدة
صرت سوبر مان !!:14:
قصدي سوبر وومن ...

طبعا هذا النظام اسمه
::
نظام فيافي ,,,
بلمساتي ورتوش بسيطة مني ؛<مو بكيفي طبعا خبرة سنوات
طلعتلك الزبدة المفيدة من تجربتي
يعني والله ان مشيتي عليه ما تندمين
بالعكس ينفع باذن الله
قبل النظام لازم في شغلات تسوينها عشان تظبط معاج صح
نبدأ باسم الواحد الاحد //

وقت النظام وتطبيقه لازم أيام الدورة او لو كنتي نفاس يا عييييييييييني عليك تطلعين عرووووووس من جد وجديد
الممنوعات في النظام::
1-لا تنزعين البنطلون القطن والمشي حافية عالبلالط بدون دلاغ لازم تتدفين رجولك المي لا يلمسها
2-الاستحمام ممنوع كثر ماتقدرين لا تبللين راسك وشعرك لا يتنقع وهذي اهم نقطة
3-المشروبات الغازية تمنع منعا باتا
4-البرد<ايس كريم ممنوع ,الجوامد /كل شي لزج مثل الملوخية والباميا,والبطيخ الاصفر والرقي والبصل الاخضر والحوامض مثل الكيوي
والاناناس والمانجو الليمون
5- و لا تسحبين او تشيلين شي ثقيل ترة يطيح رحمك !!
والاجهاد بشكل عام ابتعدي عنه
يعني ريحي شوي هالكم يوم بس
طريقة تقسيم النظام قسمين
يعني ان كانت دورتك 6 ايام ال3ايام الاولى نظام وال3 الثانية باقي النظام
وان كنتي نفاس
اول 20 يوم نظام وال20 الثانية نظام
النظام فيه
سفوف
شاي اعشاب
منقوع
غسول
بخور
طبعا انتي راح تجمعينهم من العطار بيدك وتخلطينهم
وراح افصل بكل وحد وبعدها اعطيك شلون ومتى تاخذينهم
أول شي السفوف
تروحين لاحسن عطار عندكم وتطلبين منه
(كوب حلبة ونص كوب حبة سودة ومقدار فنجان حبة حلوة وملعقة كبيرة قرنفل (
هذا السفوف الي بالايام الاولى الي شرحته لكم
السفوف الثاني
وانتبهي تراه الاهم لانه ينظف كل شي بالرحم بسرعة عجييبة !!
وهو (كوب حبة سودة وملعقة كبيرة قرنفل وملعقة كبيرة قرفة او دارسين وملعقة كبيرة فلفل اسود وملعقة صغيرة محلب وفنجان كمون وملعقة كبيرة نونخة وفنجان حبة حلوة (نطحنهم كلهم وبعدها نظيف للخليط فنجان رشاد مو مطحون بس حب :لان الرشاد هو الي يغسل الرحم وينزل بقايا الدم
اعزكم الله
شاي الاعشاب
مكوناته ××
المقادير العامة
طبعا راح تكون كمية تكفيك لاكثر من سنة انتي وخواتك والي تبينه
نص كيلو ميرمية +نص كوب كمون+نص كوب شيح +نص كوب حبة سودة +نص كوب حزاة +نص كوب قيصوم +نص كوب قشر قهوة +نص كوب نونخة +نص كوب من اعواد الدارسين +حبة سودة نص كوب

أما النقوع فتجيبين بطل مي صحة صغير عشان ما تفسد الخلطة وان خلصتي سوي جديدة
تحطين فيه ماي ومرة نص ملعقة كبيرة تقريبا ونفسها عنزروت وكم حبة محلب تقريبا 9 وخليه كم ساعة وبعدها اشربيه
بخور الهو وما أدراك ما بخور الهوا ؟؟؟
عاد هذا هو مربط الفرس
الي يطلع كل حاجة مستخبية كدة ولا كدة
بس تتبخرين راح تحسين بشعور مو طبيعي
اجمعي ..
خواجوا مقدار كف اليد بس كف متروسة ها؟؟
ومرة وقشر بصل عاد هذا من بيتكم جمعيه كمية كبيرة وكسريها و
كمون وفلفل هوا وهدب الاثل ومحلب وحلتيتة وعود هوا يعني مقاديرهم كلهم
تقريبا كف الايد
اجمعهم كلهم واطحنهم طحن مجروش يعني مو حيل ناعم
آخر شي وهو الاهم الغسول
ملح فارسي يجي كنه قزاز لونه شفاف عند العطار جيبي نص كيلو وارطا مطحونة هم نص كيلو وحطي بابريق خليه خاص لك ماي وحطي كسرة كبيرة من الملح
ومعها ملعقتين ارطا وخليها تطبخ عالنار لما يصير لونها احمر او وردي
ولا تبعدين عن الغاز لانها تفور بسرعة قصري عالنار وخليه يطبخ 5 دقايق تقريبا لحد ما تطلع الفايدة منه
وخلاص جمعتي الاشياء الي نبيها طبعا من عطار وجمعية وحاولي كل المكونات تكون بيدك عشان ينجح مشروعنا!!
نجي الحين لنظام اخذ هذي الاشياء وكيفيتها
في الصباحـــــــــــــــــ(على الريق السفوف الاول
وبعدها التمر مع رشاد او عصيدة
وبعدها بنص ساعة الفطور
أنا عن نفسي أطبخلي شوربة وأقسمها نصين
أكل طاسة صغيرة شوربة مع ملعقة صغيرة السفوف لانه بروحه طعمه ما ينبلع
ولا ينفع مع الحليب
والنص الشوربة الثاني اخليه بالثلاجة واسخنه بالليل مع السفوف مال الليل

الغداأأأأأأأأأأأأأأأأأأأأأأأأأ أأأاا
بعده على طول المنقوع

العصر
شاي اعشاب
شابورة بر...ان حبيتي مع حليب دافي

العشا
بعدها النص الثاني من السفوف
وقلتلكم انا اخذ الشوربة الي بالثلاجة اسختها واضيفلها ملعقة صغيرة من السفوف واحيانا تكون هي عشاي

وبعدها المنقوع
لانه يغسل الامعاء
قبل لا تنامين
حطي فحمتين على النار لحد مايستوون وخوذيهن للحمام معاك
وحطي ملعقتين من البخور الي خلطتيه عليهن وتبخري فيهن وروحي بسرع على فراشك وتدفي ونامي
ابي افصل شوي على هالنقطة وعفوا لان حرام في ناس ماتعرف سامحوني
لما تدخلين الحمام يكون عندك حمام افرنجي جيبي صحن حديد وحطيه داخلة فوق المي مالته يعني يطفو فوقه لا تخلين الصحن يغرق بس كنه قارب فوق البحر والله جد ابي اوضح عشان الكل يفهم
ومجرد ما تحطينه رشي البخور عليه واقعدي بسرعة لمي رجولج وخليهم فوق الحمام وخلك قاعدة لحد ماتحسين انه الفحمة طفت والنار خلصت والبخور تعبة فيك من داخل
راح يطلع منك ماي من رحمك ممكن يطفي الفحم وهذا دليل على انك تعالجتي من الهوا
والماي الي مسببلك ريحة وافرازات ريحتها خايسة
والله يشفي الجميع
سامحوني طولت لكن ابي اشرحلكم عشان تفهمون
والله يا بنات توني ارتحت وعلى فكرة انتي بمجرد ما تجمعين هالاشياء الي مطلوبة منك
راح تكون الدور ة الجاية اسهل لان راح تكون علب بس تستخدمينها
هو الجمع الي راح يتعبك بالبداية وبس
ادعولي ايدي قامت تعورني من الكتابة...
في اضافة ابي اضيفها لكم والله انها نصيحة اخت تحبكم في الله
لا تستخدمين اي تحاميل تبيعها الحريم

في تحاميل انصحكم فيها
استعملي بعد كل دورة وحدة اواثنين بالكثير لانك راح تسكرين من تحت حييييييييييل

اسمهم بيتادين بس البسي حفاظة لما تستخدمينها لانك راح تغرقين الدنيا
وراح تشوفين بعينك البلاوي الي كانت فيك
وجزاكم الله خير
اسعدكم ربي
ربي يجعل كل زوجة عروس بعين زوجها ويسخره لها ويبارك لها بعمرها معاه اللهم آميييييييين

صج في نقطة نسيتها
الحلبة
خوذيها بس بالايام الاولى وبس لا تاخذينها بالايام الاخيرة وحليها مع العسل ..

__________________

سبحانك اللهم وبحمدك عدد خلقك ورضا نفسك وزنة عرشك ومداد كلماتك
http://www.mg-vip.com/eslam.htm

18-11-2011, 03:35 AM

غراااام زوجي

عضو نشيط جدا

تاريخ التسجيل: Sep 2011

المشاركات: 293

كل الشكر لك ع هالمجهووود

وجزيتي كل خير .

18-11-2011, 10:03 AM

سيدة الموقف

كبار شخصيات المنتدى

تاريخ التسجيل: Apr 2011

المشاركات: 5,061

:*

هالأنظمة فيها شيء جيد وأشياء سلبية

*من الأشياء إلي ماتقبلتها بهذا النظام حكاية (لاتتروشي ولايلمس الماء شعرك)

يعني بالله مو شيء مقرف تجلس الوحدة 6 أيام ما تأخذ دش ولاشور وكمان متزوجة
يعني بصراحة أشوف هذا شيء غلط

الإستحمام بماء دافي والنظافة شيء ضروري أيام الحيض
لأن أهمال هالأمر قمة التلوث والقذارة

*الأشياء إلي تؤكل مثل(الحلبة والرشاد )
هذه ريحتها ماتزول إلا بطلوع الروح
ليش مايتم الإكتفاء (بالقرفة واليانسون والشمر والحبة السوداء
والحبة الحلوة والكمون والقرنفل والمره)
لازم يعني شيء فيه ريحة وينفر خلق الله من المخلوقة

*وضع أجسام غريبة بالمهبل مثل تحاميل من صنع
النساء وهذا خطير جداً جداً والمشكلة مرة قريت أنهم
عبارة عن شبه ومرة (الشبة مادة محرقة جداً وتأكل الجلد)
فكيف تضعها الوحدة بمكان حساس..؟!

وأشكرك لأنك نبهتي لخطورتها واستعضتي عنها ببديل طبي
وحتى التحاميل الطبية ماتستعمليها دائماً بل للضرورة وعند الحاجة

* * *

ومن الأشياء الإيجابية بالنظام:
عدم المشي على الأسطح الباردة بدون شراب
*عدم تناول المثلجات من آيس كريم وماء مثلج
*عدم شرب الغازيات

كل هالأشياء فعلاً تؤدي للمغص وتتسبب في عدم
نزول الدم وتجعله يتجمد بالرحم لفترة

وايضاً من إيجابياته:
*عدم حمل أشياء ثقيلة أو سحبها
لأن هذا فعلاً خطير
*عدم تجويع النفس لأن هذا يؤثر جداً
لأنك تفقدي كميات دم ومحتاجة لتغذية
والتجويع يسبب مساؤى كثيرة ووهن

:*

__________________

" اللهم اجعل لي فرجا ومخرجا , ودبرني فإني لا أحسن التدبير "
*

شوك أحبكِ في الله
فكوني قوية وابتسمي لتبتسم الدنيا

18-11-2011, 11:40 AM

nana70

عضو دائم

تاريخ التسجيل: Mar 2011

المشاركات: 57

بالله قشر بصل وكمون ..!

مكان حساس مثل هذا يتبخر بهالخرابيط ....؟!!!

18-11-2011, 06:33 PM

روح المساء

كبار شخصيات المنتدى

تاريخ التسجيل: Jun 2010

المشاركات: 3,432

أنا سبق وقريت تحذير طبي من نظام فيافي لإنه فيه أشياء غلط كثير

اقتباس:

كل شي لزج مثل الملوخية والباميا,والبطيخ الاصفر والرقي والبصل الاخضر والحوامض مثل الكيوي
والاناناس والمانجو الليمون

طول عمرنا وعلى أيام جداتنا وأمنا ناكل هالأشياء سواء كنا بعذر شرعي أو نفاس ولاصار شي الحمدلله
انا أشوف إنها مجرد خرابيط قالوها وتعلقوا فيها كسبب للخراب
إضافة إلى كلام الأخت سيدة الموقف *

يعطيك العافية

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه