:*

بما أنك خطبت من الرجال خلك عند كلمتك
وأطلب شوفه شرعية وشوفها وإذا الأمور تمام
أستخير ربك وتوكل على الله

وترى الزواج من بعيد
أفضل من زواج الأقارب
وإذا أهل البنت طيبين فهذا بحد ذاته مطلب
لحياة مستقرة بدون مشاكل

:*

__________________

والله انك انسان متهور هههههه الله يهديك بس
الدنيا موب طايرة شوي شوي والزواج مسؤليه
اذا وافقو اهلك اجلس مع صاحبك واستفسر عن اخته شكلها صفاتها قل انا معجب باخلاقك اختك مثلك >>والله من زيين الاسلوب بس اهم شي توصل المعلومه

انا اشوف عمرها افضل

لكن سؤال ليش الزواج من بعيد أفضل من الأقارب .. هل فيه ايجابيات لامستيها على ارض الواقع ... لأني صراحه متردد جدا ... وسبب ترددي هو أنهم عائله بعيده عنا ... صحيح من نفس القبيله ونفس المستوى ...لكن هم عائله بعيده عنا ... وأنا صراحه متردد من هذي الناحيه ....

سبحان الله مافيه شئ كامل ... اللي ارتاحت نفسي لأخلاقهم وطيب ولدهم وحسن تعاملهم ... بعيدين عن عائلتنا وأهلي ربما يرفضوهم ... واللي من الأقارب ... نفسي ما تبيه ...

ذكرت قول الشاعرة :
اللي يبينا عيت النفس تبغيه ........... واللي نبيه عي البخت لا يجيبه

بالنسبه لأخوها عندما صارحته بالموضوع .. صراحة الرجل يعرفني زين وهو من اصدقائي خلال خمس سنوات في الجامعة ... هو رحب فيني وقال ماراح نلقى احسن منك وحياك الله ...وأنا كنت متحمس جدا ...

لكن أنا شاورت أبوي ... وأبوي ماعمره أجبرني على حاجة ... لكن يقول أن هذي العائله نسبهم ما هو من نسبنا .. وأنا والله محتاااااااار ... هل أقدم وأحاول (طبعا بعد رضا ابوي ) وأعرف أهلي على أهل الرجال ..ويشوفوا أهلي البنت وأخلاقها ... ثم بعد ذلك النظرة الشرعيه ...
وهم عائله متفهمين .. وعندهم النظره الشرعيه من حق الخطيب بخلافنا
ولا أسمع كلام أبوي وأصرف النظر لهذا السبب اللي هو ان نسبهم ما هو من نسبنا ..وأنتم تعرفوا في المجتمعات القبليه هذه من أهم الاشياء ... وبالنسبه لي فأنا لا أمدحهم لكن والله أنهم أهل كرم وطيب وهذا ما شاهدته وعرفته عنهم ...

نريد ارائكم السديده كما عودتونا

والله انك صادقه ... فعلا كنت مستعجل وهذي الامور ما فيه عجله .... لازم يكون فيه تفكير منطقي بعيد عن العاطفه...

لكني الحين خطبت من الرجال ... ومرت فتره ولم أكلمه في الموضوع ... حتى هو استغرب ... ومره من المرات كنا ماشيين مع بعض ( لأن علاقتي به قويه وأنا وهو على تواصل دائم ) المهم انه لمح لي كأنه يذكرني .. لكني ما قدرت ارد عليه ... ومشيت الموضوع ... والسبب في هذا التردد اللي أنا فيه هو :
................ نسبهم ما هو من نسبنا ............................................
ونظرة الاقارب وخصوصا الشياب ... فلان ما أعجبنه بنات ربعه ...

ولا أحد يفهم أن نسبهم ما يشرف ... والله ألف نعم فيهم ... والله ان خوتهم شرف .. لكن هذي اعتقادات بعض كبار السن ... وما ادري هل اخذ فيها ولا لا

:*

لكن سؤال ليش الزواج من بعيد أفضل من الأقارب


لسبب وإيجابية واحدة فقط
إلا وهي حصر المشاكل في أسرة صغيرة واحدة
بمعنى لو حدث بينك وبينها خلاف أبوك وعمك
وأهلكم ماتحدث بينهم مشاكل أو قطيعة

ولو حدث طلاق لاقدر الله لاتحدث قطيعة لرحم
أو أحقاد بين ذوي الدم الواحد

:*
أما غير كذا
فزواج الأقارب جيد جداً
في حالة واحدة:
إذا العائلتين لديهم صفات وراثية مميزة مثل :
الجمال /الذكاء /سرعة البديهة /البنية الجسدية الجيدة /


فهذا أدعى لتقوية هذه الصفات الجيدة
والمحافظة على نسل هذه العائلة المتميز الصفات

:*


:*

__________________

حاسة فيك انك ملخببببط بما تعنيه الكلمة ولخبطتنا معاك

اجلس لحااالك وقت طووووووويل وفكر

استشر من هم اكبر منك الوالد احس انه متفهم ناقشة بكل نقطة في بالك
وضروري الوالدة يكون عندها خبر وتاخذ رايها وقول اللي بخاطرك لهم

افترض انك اخت بنت عمك بترتاح شوووف جميع النواحي وكذالك اخت صاحبك

اذا انت معجب بالعائلتك بقووة وعاجبتك طبايعكم خذ بنت عمك

اذا مو مرتاح لعاداتكم تحسها مالها داعي ولا يعجبونك اقاربك انفذ بجلدك وخذ من برى العائلة

اعتقد ان صاحبك ينتظرك واحس انهم شارينك

واحسبها للمــــــــدى البعيــــد علشان ما تندم

مو تجي بعدين تقول باخذ بنت عمي<زوجة ثانية> وانا اولى فيها من الغريب ولحمي ودمي ومدري وشو او احد يجبرك عليها ~هذي الحين قدامك تبيها خذها


الشياب وما ادراك ماالشياب!!!! منو عاجبهم اصلا
اما انك تاخذ بنت عمك تظلمها وتظلم نفسك علشانهم تكفـــى لا
تجلس بالمجلس معهم ايه كفو اخذ بنت عمه رجال
وترجع لبيت كاره نفسك وكارها وحياة بارده سخيفة ليييه كله علشان كلامهم ماراح ينفعونك



انت رجال تاخذ الي تبي وبكره العيال يتبعون اسمك انت

الله يكتب لك اللي فيه الخير

متابعة لموضوعك لكن انا مع الاراء الي تقول ان البنت تتغير اذا كبرت
وربي انهم ينقلبون 190درجة

وبخصوص زواجك من الي كنت تحب احمد ربك ليل نهار لانه كثير من الفرص الي تفوتنا تكون من صالحنا من حيث لا نعلم

لكن دائما نتعلق بالبعيد والمستحيل سبحان الله !!

بخصوص عمرها ما اقدر اقول لك انها صغيرة لآن عمرك انت بعد يعتبر وسط ولايقين على بعض
ولا تقول ماتعرف تطبخ وتنفخ ومن هالديباجه الي كأن الانثى ما خُلقت الا لها !!

اذا ربي وفق ودبت الالفه والمحبه بينكم كل اموركم راح تمشي وانت راح تصبر عليها وهي برضو راح تصبر عليك وعلى عيوبك ..

زواج الاقارب له ايجابيات وسلبيات واهم السلبيات
اذا صار مشاكل بين الزوجيت تصل لقطيعة رحم بين العائلتين!
وايضا صديقك ممكن الزواج يأثر على صداقتكم لعدين لان
الحياه لاتخلو من المشاكل واكيد بيوقف بصف اخته!
الله يكتب لك اللي فيه الخير.