مشكلتي باختصار
انا على وشك انهاء الماجستير ولي بحوث منشورة في مجال تخصصي وطموحه واريد دراسة الدكتورة & خطيبي غير طموح لايفكر الا براتب اخر الشهر ماعنده خطة مستقبلية اساله وش هدفك بالحياة يقول ولا شيء , ماله في العلم ابد , ينطق الدكتوراة ــ< دكتورات
انا مطلعة قارئة اكتب الشعر الفصيح اهتماماتي كثيرة احب النقاش والمحاورة في الامور الجادة وفيما احب من هوايات & خطيبي مايدري وين الله حاطه , كلامه تافة وسخيف سواليفه سواليف بزران اذا فتحت حوار جاد رد بردود غريبة عجيبة , مااقدر افتح معه اي موضوع لاني احسه مايفهمه ولا يميل اليه مافيه اي نقاط التقاء بيننا
انا احب ادلع نفسي اصرف في حدود مصروفي اكرررررررره االبخل واعشق الهدايا واللبس انيقة واهتم بهندامي واتابع الموضة واهتم بالماركات & خطيبي منذ عقد قرانا لم يحضر لي اي هدية , يعلم بأن جوالي شحن كروت مافكر يرسلي شحن لو بعشرة , الشبكة كانت عادية واقل من عادية ما احضروا طقم لامي مثل عرفنا وعاداتنا , رابطين المهر بمغيط ؟ حاطينة بوسط صندوق الشبكة؟ وين الحركات وين الزينة ؟ علماً بانه مرتاح مادياً وراتبه عالي واهله ماديتهم جيدة واخواته بنات يعرفون السنع والذوق يعني لاتقولون ماعندهم خبره , وبنسكن بسكن الحكومة وانا زوجة ولدهم الوحيد يعني المفروض يطيرون فيني , اشعر بانه بخيل , سيارته كوريلا, وراتبه حول العشرين ؟؟؟؟؟؟
انا جميلة جداً ولا امتدح نفسي هذا كلام الناس منذ صغري حتى اني معروفة بين اقاربي تبارك الله & خطيبي لايهمني شكله ولا فكرت لكن الغريب منذ عقد القران عمره ما امتدح شكلي او لبسي او تغزل حتى يوم الملكة ماكان ينظر لي كثيراً , اقسم بالله من يوم تملكت الى الان عمره ماقال وجهك شعرك خشمك لبسك , اصبع رجلك الكبير , ياخي اي شيء المهم احس اني قاعده اكلم رجال مب وحده من صديقاتي , لدرجة شكيت انه شبعان بنات ولا يهتم ؟؟ ولاتقولون خجول لانه ابعد مايكون عن الخجل
انا ذكية لماحه , وهو شخص ما ادري هو غبي هو ساذج هو وش قصتة تتكلم معه تقول هذا (صحيح او سبيكة ) تتعمق بالحوار تقول هذا لئيم وفيه لعانة , اقرب تصوير لشخصيته كاني اكلم شخص عمره 15 سنة نفس الاسلوب ونفس الردود ونفس سطحية التفكير لكن الفرق ان هذا عمره 33
انا رومانسية كثيراً في داخلي حنان وعاطفة لو وزعتوه على هل الارض كفاهم وزاد , حلمت بالرجل الذي ساتزوجه بالحلال وساعيش معه اجمل قصة حب رومانسية اعددت نفسي لذلك قرات كثيراً واستعديت كثيراً وخططت وحلمت صنت نفسي طوال هذه السنين واجد نفسي جديرة برجل يحتوي كل ذلك لما املك من مواصفات ومقومات,, لكني صدمت ؟؟؟
حاولت بالبداية اتقبل الوضع , بدأت ارسل واقول كلام حلو والعب على نفسي لكن عجزت خصوصا انه لايشجعني لا يرسل كثيراً واذا ارسل صباح الخير مساء الخير ,
الرجل بااااااااارد باااااااارد بااااااااارد كتله جماد ياناس تعبت نفسياً منه ؟ مقرررررف
اول مرة كلمني بعد الملكة باربع ايام ؟ علماً بانهم ناس متفتحين وفري وهو متفتح وغير خجول ابداً , اتصل مباشرة دون ان يرسل قبل ويبارك او يعرف بنفسه؟ اول ما اتصل كان هذا اسلوبة ( أخبار ؟ أعلوم؟ ايوة ؟ وش سويتوا ) كأني واحد من الشباب ؟؟؟ تخيلوا هذا اول اتصال ؟ وين الرجل اللي يطمن ويقول كلام يريح لبنت خايفة واول مرة تكلم رجال, وين الكلام الحلو وين الرجولة في الاسلوب ؟ الى الحين ماعمره قال حبيبتي او عمري او اي شي في الحياة كلمة حلوة , محسسني كانه متزوج عشرين حرمة وشبعان
مرة سالته قتله ليش فكرت تتزوج ـــ<< يقالي ابيه يفتح موضوع عاطفي
قال والله امي ازعجتني تبيني اتزوج ــ<< هذا رد بالله ؟
انا انصدمت قلت يعني انتي مب متحمس للزواج
قال لا لا وش دعوة ــ<< حس انه تورط
انا فكرت بالزواج لان تعرفين وش بعد هالعمر خلاص الواحد كبر لازم يعرس ـــ<< ياشيخ ليتك سكت بس
يسولف عن ان اخواني اللي كانوا معه وقت الشبكة وقعدت اعرفه عليهم ومن ضمنهم اخوي الصغير حبيبي يوم وصفته له
قالي ايييه عرفته ( اخوك الدب ) ؟؟
وش اخوي الدب؟ الدب ذا ابرك من وجهك
ماعنده اسلوب بالكلام ياناس الفاظة غير منمقة , يتكلم عن سواقهم اللي قاهره يقول (حمار . كلب . الخ ) وش حمار كلب مع بنت هذي ثاني مكالمة لك معها؟؟
ماتعودت على كذا انا ؟ وين الذوق وين البرستيج ؟؟ وش هاالالفاظ
وعلى فكرة اكثر من مرة اذا سولفنا عن اخواني يقول اخوك الدب؟ افكر اقوله ما اسمحلك تقول كذا عن اخوي (بلهجه حاده )
او اقوله امك العجوز واعاملةبنفس الاسلوب عشان يعرف ان الله حق
اقوله ابوي يمدحك وحبك ــ<< انصب عليه
يرد يقول ايه انا هبلت فيه خليته يعجب فيني ؟؟؟؟؟؟؟؟؟؟ هبلت فيه ؟؟؟؟؟؟؟؟؟؟؟؟؟
كرهته كرهته كرهته , لا انسجام فكري ولا عقلي ,بينا فرق السماء عن الارض , لاتقولون لي ليش ما سالتي اول ؟ الرجال غير مدخن وضابط (نقيب ) واهلي لم يسبوه لي , وللاسف انهم سموا سذاجته (طيبة قلب ) لكن لاطيب قلب ولا حزنون سذاجه على لعانة
وشكله داخل العسكرية بالواسطة
من اول مكالمة عرفت شخصيته وفهمت انه لا يناسبني
اخ خ خ تمنيت اني كلمته قبل عقد القران كنت رفضته فورااااااااااااااااا , , ياليتني تعرفت على شخص وتزوجته كل العادات والتقاليد البالية مافادتني
لاتقولون تطلقي ماااااااااااا ااقدر , مستحييييييييل , انا وش غلطت فيه عشان اصير مطلقة , اهله ليش يخطبوني وهم يعرفون مواصفاتي ليش يغشوني في ولدهم ليه ما اختاروا وحده تناسبهم وعلى قد عقلية ولدهم وقعيطية مثلة
انا راح اتزوجه واعيش حياتي لي , يعني طلااااااااااق عاطفي
لكن اتطلق شرعاً مااااااااااا اقدر
اعذروني كلامي ملخبط غير مرتب , اكتب وانا منهارررة
26-10-2011, 04:58 AM
ضوابط المشاركة
العرض العادي
