هذا الدكتور الي انت رايحله اشك انه دكتور صراحه...كيف يقلك استمر على الادويه على طول وانت اساسا ماعندك مشكله ...والانطوائيه هذي تحلها بنفسك يعني تحضر مناسبات تعزم ناس لبيتك اي شخص تصادفه وترتاح له تعطيه رقم تلفونك وهكذا...انت عالج نفسك بنفسك وبعقلك

وحتى لو كنت فعلا انطوائي ترى هذا طبيعه وخلقه مو مرض عشان الدكتور يشجعك على الاديه النفسيه وكلها كيماويه...ومافكرت لو شافتها زوجتك وش بتقول ...اكيد بتشك فيك وتعتقد انها انخدعت فيك وتفتكر انه فيك مرض نفسي وانت مافيك الا العافيه...

والزواج مسؤليات بيت وزوجه ماراح تفضى ولاراح تلقى وقت للاجتماعات والطلعات يعني انطوائيتك ماراح تضرك بشي بالعكس تفيدك كثير من ناحية حياتك الزوجيه وفيه ناس اجتماعيين جدا وبعد الزواج صاروا بيتوتين جدا رغبه فيهم يعني مو من الزواج نفسه خصوصا اذا كانوا مرتاحين مع زوجاتهم..

وبالنسبه لعمر البنت مناسب جدا لك اغلبنا تزوج 17 او 18 ...الفرق الين 10 سنوات مناسب...

واتمنى ان نجحت الخطه الي اتفقنا عليها تجي تبشرنا وش صار معك..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

في البدايه أشكرك لأهتمامك وردودك الرائعه التي فعلا أفادتني كثيرا ..... وبالنسبة للادويه خلاص أنا تركتها والحمدلله .......وأنا لسيست طبيعتي العزله ولكني وضعت في بيئه(أقصد الجامعه والغربه) أجبرتني على هذه العزلة ...وهذا الثمن الذي دفعته لأصبح مهندس...ولكن ما فائدة العلم والشهادة اذا كان فيها الحرمان من ممارسة حريتك واجتماعينك مع الناس .....وصراحة أنا متحمس للزواج جدا ... ليس لاشباع رغباتي الجنسية فقط ... ولكن لأنعم بحنان ودفء وود يريح قلبي ويزيل عني الكدر ......

وبالنسبة للفكرة أن شاء الله أحاول أطبقها ... لكن المشكلة أني ساكن في شقه دور ثاني ..يعني ما يمديني أجي مع شبااك المطبخ ولا الصاله .. لأن الشبابيك كله تفتح على الشارع ...
بفكر وأشوف لها دبره ... والله يعين ....

لكني الا الان احس بأن البنت عمرها 18 .. وأحسها صغيره ما أدري ليه ؟؟ ما أدري أحس لو أبحث عن بنت مبتدئ في دراسة الجامعه أو أوشكت على الانتها من الجامعه يمكن يكون أفضل ...

عمرها 18 سنه ... وأنا 24 سنه ... يعني الفرق تقريبا 6 سنوات ....
أنا أنظر لها من نظره أخرى .... دعوني أوضح..... أنا خلال دراستي الجامعيه ..أثناء مسكني بالسكن الجامعي .سكنت مع أكثر من 8 أشخاص من أصدقائي ... نظام الجامعه كل شخصان في غرفه...فمرة سكنت مع من هو قريب من ثقافتي ومن بيئتي ... ومره سكنت مع من هو مختلف عني في الثقافه والفكر ...وخلال هذه المرحله ...تعرفت على الكثير من الثقافات ...ووجدت راحتي النفسيه عندما أسكن مع من هو قريب من ثقافتي ... فتجدنا متفاهمين على كثير من الامور بسبب توحد الفكر والثقافه ...والعمر ... فأهتماماتي وتفكيري معه تقريبا متطابق ...وهذا السبب الذي دفعني لأبحث عن زوجه من عائلتي أو من المقربين لي لنكون من ثقافه واحده....
ولكن !!
لو على سبيل المثال ... ألزمت لأسكن بالجامعه مع طالب صف ثاني ثانوي!!!! وأنا الان قد أنهيت المرحله الجامعيه ... وعشت معه لعدة شهور ... أنا أتوقع أنا اهتماماتنا تكون مختلفه جدا !!! وسوف أنظر له نظرة العطف عليه لصغر سنه بالنسبه لي ...... لا أنظر له نظرة من يريده أن يشاركة أفكاره وطموحاته ...

أعلم .. أني سوف أتزوج امراءة وتكون بيننا علاقه حميميه ... ولكن !! عندما ننتهي من هذه العلاقات ..يبقى فكرها وأراءها ...... أنا والله شعرت براحه لا يعلمها الله عندما سكنت مع أحد الاشخاص المقربين لي بالجامعه لمده سنه وكانت من أسعد اللحضات بالنسبه لي ... تعرفون لماذا ؟؟؟ عمرنا متقارب .. أفكارنا متقاربه وهمومنا وحده ...

يعني بالعربي ... لو أحصل بنت متقاربه معي بهذا كله ...اضافه للعلاقه الحميميه بين الرجل وزوجته ...سوف أنعم بسعاده كبيره ...

فما رأيكم ... هل ما يدور في خاطري صحيح أم ماذا ؟؟

اييه والله شوووفها كذا خلللسه<<خل وحده من خوواتك تدبرهاااااا انا جربتها خطيبي قبل لايخطبني شاافني خلللسه هههههههههههههههههههههههههههههههههههههههههه...

بصراحه لاادري ماذا اقول لك بخصوص العمر....هذي نظرتك انت بس انا الاحظ الكل او الاغلب من المتزوجين الفرق بينهم 6 او 5 الى 10 سنوات والامثال الي انت ذكرتها كلها علاقات مع اصدقاء من نفس جنسك يعني فرق بين صديقك وزوجتك

البنات الحين مو مثل اول الحين تجيك عمرها 18 وعقلها كانها 30 وانا اشوف فرق 6 سنوات مره حلو يعني لاصارعمرك 36 هي بتكون 30 صراحه مره ممتاز وخلي نظرتك مستقبليه

واهم شي لازم تحطه في بالك انه التوفيق بيد الله سواء اخدت بنفس عمرك او اصغر منك بكثير صدقني التوفيق بيد الله انت بس اطلب من امك تدعيلك ان الله يوفقك..
واذا انت حاس انك ماراح تقتنع بسبب العمراو بسبب اخلاق ابيها او البنت ماهي داخله مزاجك خلاص اطلب من اهلك يفضونها سيره ويبحثون عن بنت اخرى تدرس في الجامعه وتكون من نفس العائله ..

اعتذر عن كثرة مداخلاتي..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

بالعكس .. أنا مبسوط من طرحك الرائع ...وبانتظار المزيد من الردود

,,,

العمر مناسب جداً من الناحية النفسية والإجتماعية

وسالفة الاهتمامات والهوايات المشتركة ترى اليهال { الصغار في السن }
صاروا ينافسون اللي فوق 30 فما بالك بواحد عمره 24 !!
يعني انت وياها بتكون اهتمامتكم وهمكم على قولتك واحد
اترك هالافكار في صوب استخير وشوفها بطريقة اللي اقترحوا عليك الجماعة وانتهت السالفة

يعني لا تعقد الامور اصلا ما فيه مشكلة يا خوي

الله ييسر لك كل خير ..~

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

عفواً اخي الكريم تم نقله للقسم الأنسب

قسم المقبلين على الزواج

__________________
أشتقت لكم جداً 💔

سبحان الله ماافهم سبب ليه الناس تاخذ ادوية نفسية؟؟؟؟؟؟؟؟؟؟؟
اتوقع مشكلتك لها علاقة به الموضوع
عموما انت صلى استخارة قبل كل شى واذا فيها الخيرة الله بذنه راح ييسر لك امر شوفتها

__________________

بصراحه رايي يختلف عن راي اخواتي
ما اؤيد نهائياً لي يشوف البنت خلسه عيب
لو اخوي يظل عزوبي طول عمره ما اسوي هالحركة وبعدين انا الي راح اتحاسب علي هالحركه
يوم لا ينفع مال ولا بنون ..
اذ اهلها رافضين النظره الشرعيه في الف من البنات غيرها بس اني اسوي هالحركه مستحيل ..

البنت وهي صغيره يختلف شكلها تماما بعد مرحلة البلوغ
يعني انت وانت صغير نفس شكلك الآن ..
لاتاخذ البنت وانت مش مقتنع بها ..
وعمرها حيل حلو ومناسب لسنك .. مش صغيره
ربي يرزقك بالزوجه الصالحه ..
حيل اعجبتني اردتك القويه ع تركك للادوايه النفسيه ..
لاتقلق بهذا الشأن كل شي مع الزواج يتغير بتشوف نفسك ماعندك وقت حتى تجلس مع نفسك من كثر الطالعات والجايات معها مثل اخواني ..

ووفقك الله لكل خير..

__________________
-

آخوي آنآ تزوجت وعمري 18


مأشاءالله تبارك الله .. بس بصرآحه كنت مرااااااهقه مرررره مررررره

بس البناات يختلفون يعني مو كل بنت مثلي .. !!

يعني أنا لما تزوجت كنت أقول لزوجي ليه ماتصير آخوي

وكنت أقول له شرايك أصير خويتك وأنت تصير خويي ..

يعني مرررررره عاايشه حياأة مراهقين .. وكنت العب كوره ..

بس يوم كبرت سنه وسنتين تغير كككككل شيء ..
وصار عندي بنت الله يحفظها يعني حسيت أني أم ومسؤوله عن كل شيء

الحين حسيت أني متزوجه هههههههههه ..



بس آخوي قبل ماتسوي أي شيء .. يآليت تستخير ؤربي يخير لك إلي في صالحك ..

استخر الين ترتاااح ..


وبالتووووفيق يَ رررررب ..