السلام عليكم ورحمة الله وبركاته .. قبل اسبوع كنت في دولة الإمارات العربية المتحدة وجلست فيها اسبوع .. سكنت بالشارقه .. وكانت تمشيتنا مابين الشارقة ودبي .. كان ودي نأخر الروحه لبعد العيد .. ولكن قدر الله روحتنا في هالوقت .. ماخطر في بالي اصور الرحله على اساس اني انزلها بموضوع .. وعلى اساسه ماصورت الرحله من اولها .. لكن جمعت لكم اكبر عدد من الصور اللي صورتها هناك وان شاء الله تعجبكم . هذا مسجد مشهور بالشارقه وقريب جدا من سكنا .. طريق الشيخ زايد عليه اكثر المولات بدبي .. هذا المتروو ... مسجد الشيخ زايد ..الله يرحمه .. ،‘، من الأماكن اللي رحنا لها بالشارقه مربى الشارقه للأحياء المائية .. وصورت هالصور .. والمكان كثير عجبني وصادفنا رحلات لمدارس فصار المكان اغلبهم بنوتات صغار الله يحفظهم لااهاليهم : ) .. والدي الحبيب الممر مررره روووووعه .. طلعنا فوق وصرنا نشوف الاحواض من الاعلى الصراحه شوي توترت مويه وارتفاع شوي - فوبيا هنا لما نزلنا تحت اخر المشوار بالمربى .. وكانت مبيعات اكواب والعاب واعتقد مداليات كلها مطبوعه او على هيئه بعض الكائنات الموجوده زي السمك والدلافين .. --------------- سوق الصين او التنين .. فيه كذا واحد بالامارات .. هذا بدبي .. صورته بس من برا .. عندهم الاكسسوارات حلوه والشنط والجزم وانتو بكرامه .. وفيه كثير الكترونيات وطبعا الصناعه صيني .. المكان جدا كبير ومقسمينه حسب نوع البضاعه .. اثاث - اناره - جزم وشنط - ملابس - الاكترونيات - تحف واشجار زينه .. الخ .. اسعاره جدا مناسبه .. ،‘، رحنا كمان مول الامارات .. مجمع تجاري كبير بدبي .. فيه كمان القرية الثلجيه بس خساره ماشفتها من فوووق .. ماادري هذا ليش هي دعايه ولا منظر ولاوحده مضيعه جزمتها المهم اني صورته يتبع >>>

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

،‘، الصور الجايه كانت في دبي مول .. مجمع رائع .. كبير جدا هالمجمع ماادري كم دور .. الأكواريوم بـ دبي مول .. زحمه بالمره هذا من برا وتدخلي جوه بتذكره .. بس مادخلنا .. وهنا بعد صوره .. وفيه كمان معرض مدري مكان المهم لللزواحف وكائنات بحريه كاندي ليشوس محل كبير للحلويات معروضه ومرتبه بشكل مغري جدا اختي تقول عندنا زيه بالظهران مول مااتذكر انه فيه بس شكل اختي فاهمه غلط كان ودي اصور من الداخل بس كان ممنوع فاكتفيت من برا بس .. طلعنا برا المجمع باتجاه نافورة دبي .. المول يشرف على هالبحيره اللي فيها النافوره وجلست انتظر العرض يبدا .. وخلال هالوقت جلست اصور مدري شاطره ولا فضاوه .. مقابل مول دبي.. سوق البحار وبينهم جسر .. بس مارحت هناك .. على مااتذكر انه فندق مقابل لـ دبي مول .. هذا برج خليفه ممكن نطلع فووووق بتذكره وتشوف كل دبي .. بس اكيد مستحيل اطلع ولا طلعت الساعه سبعه بتوقيتهم بدا العرض .. وكان جدا ممتع صورته فديو وهاللقطات منه .. ،‘، على نفس امتداد شارع الشيخ زايد.. كان مجمع ابن بطوطه .. شئ لايوصف جدا اعجبني ديكوره عباره عن ساحات .. ساحة بلاد الفرس .. والقسم الصيني والقسم الهندي والمصري.. الساحه التونسيه . والاندلسيه.. طلعنا على برا من القسم الصيني وكانت هناك جلسات خارجيه رائعه .. هنا الساحه اعتقد ساحة تونس خياااااااااليه كأني بمكان زي القصص العالمية استأذنته اصور وصورت اول اشوف اسكريم كذا ينباع كان بمولات الرياض ولا جده مدري عجبني شكله واخذت منه وكان طعمه جونان اخر الصور كانت ليوم العوده . القرية المائيه .. جنب برج العرب .. وفيه بوابة خارجيه للمكان تضم القريه والبرج وماادري اذا شئ ثاني بعد لاني اكيد اني مادخلت برج العرب .. مشينا على طريق شارع الجميرا .. ولقينا هالمطعم عجبهم عشان المندي المكان من جوه فيه جلسة طاولات والاغلب جلسه عربيه .. مرتب المكان تغدينا ومشينا على فيه اماكن ماصورتها .. مثل السوق القديم بالشارقه .. كله جلابيات تفصيل وفيه جاهز .. ومحلات عطاره ومواعين .. يشبه سوق نايف .. ورحت لمولات بالشارقه .. مثل الشارقه ستي سنتر .. صحارى -ناسيه بالشارقه ولا دبي - مولين ثانيه نسيت اسمائهم بس بالشارقه واغلب مولات الشارقه على شارع الوحده .. كان نفسي اروح للمتاحف والاماكن التراثيه .. لكن ماربي كتب .. الحمد لله استانست بالروحه .. وان شاء الله عجبتكم الصور : ) ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

تقرير جميل وصور حلوه بارك الله فيك
وذكرتيني بزيارتي لها

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

دبي مدينة جميلة ومتجددة دوماً...
زرتها 3 مرات تقريباً...وآخرها قبل 15 شهراً.

ماشاء الله ,حلو التقريروالصور
دايم نروح دبي ,,,مانمل منها أبد

__________________

رووووووووووعة ماشاء الله، ماتخيلت الامارات كذا حلوة ^^
شجعتيني اروح لها بيوم من الايام

نورتي يا لا تظلمونة.

الحمدلله أنكِ استمتعتِ بالرحلة .. وحمداً لله على سلامة العودة.

__________________


اللهم طِيبَ الأثر .. وحُسْنَ الرحيل.

دبي جميله :: ومجملينها اهلها بأخلاقهم ...
النظافه .. والنظااام .. لا يعلى عليه في دبي ..

لكن :: الأجانب لاعبين فيها لعب .. وكأنها بلدهم .. وضاربين في عرض الحائط عادات وتقاليد البلد ..

شكراً على التقرير الجميل ..

__________________

الله يهنيك اختي
تقرير رائع ماشاء الله

__________________
اللهم فرج همي

روعة ماشاء الله تبارك اهااا غايبة عن المنتدى ونحن نفكر تعبانة ومنخشة في دبي
على العموم رحلة موفقة وتقرير روعة
بس ليه معطيتنا قفى والدك الله يحفظه لك
كان وجهه عشان ابحث واقول هل تعرفون ابنة هذا الرجل الا ان اصل اليك ههه

اما الجزمة اكرمك الله تحفة بس لا أحد يفكر انها منتجع وينام فيها ههه

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]