السلام عليكم إخوان واخوات
كيف الحال جميعا
في بعض المشاكل صراحة تحتاج اطراف خارجية محايدة حتى ما تكبر المشكلة لو كانت صغيرة وملمومة
بصراحة ما اعرف كيف او من وين أبدا ،،شخصية المراة وتفكيرنا يختلف عن شخصية الرجل حسب الفطرة واحيانا الشخصية والطبائع ،، لكن سؤالي كيف لازم تكون المرأة دائمة التفاؤل وتحاول تتجنب النكد واسبابه؟يعني مثلا شغل زوجي يتطلب السفر شبه المستمر وهذا الشي ما اقدر اعترض عليه لان الحمد لله زوجي انسان طموح وقدامه مستقبل بإذن الله لكن صراحة احيانا تكون سفراته ورأ بعض وتكون المسؤولية علي بالبيت مع الأولاد فيها شوية،، ولدي وبنتي في الحضانة وفي كي جي ون اقدر تسيطر على تصرفاتهم الى حد ما لكن مع طول سفر الاب او تكراره بشكل مستمر احسه ما يخلينا نشبع حاجاتنا النفسية العاطفية من وجوده ،، وبالذات بالنسبة لي ممكن تجمتع علي تعب احد الولدين او تعبي أنا في فترة غيابه ( مع العلم لسنا وحيدين في المدينة اللي إحنا فيها في اهلي واعمامي ) ضجيجها يوفي الغرض لكن وقت الطوارئ او الحاجة في اكثر من شخص ألجأ له منهم ولله الحمد
المشكلة عند عودة زوجي وبعد حسن الاستقبال والترحاب والاستراحة اذا حس أني تعبانة او متضايقة شوي من سفره في حال كان عنده سفرة جاية قريبة يقولي ليش انتي نكدية؟؟سؤالي طبيعة المراة العاطفية وطبيعة الرجل العملي اللي يطلب من زوجته ،بطريقة فيها إجبار انها تفكر بتفكيره ممكن تخليه يشوفها نكدية؟
صراحة أنا من كم سنة كانت طبيعتي نكدية لكن الحمد لله طورت من نفسي كثير جداً حتى أمي اقرب الناس لي. بعد زوجي تقولي تغيرت بشكل جذري وصراحة اكثر الناس اللي تعرفني معرفة عميقة تقولي تغيرتي للأفضل كثير من ناحية الشخصية والتفكير الايجابي والنفسية لكن للأسف ما اشوف تغيير شخصيتي ظاهر في زوجي مما يسبب لي احباط شديد.
في الاخير يقولي انتي نكدية احترت كيف ارضيه او اوصله تفكيري ،، ولو شاف عياله أخلاقهم مو عاجلته يقولي لو انتي مقتنعة أني أسافر لتحسين ظروف المعيشة كنت قدرت تفهمي الأولاد وتضبطيهم اكثر لكن يا ناس أنا إنسانا مو نبية وقد ما كان عندي صبر و طولة بال وتفاؤل بالأخير احتاج دعم ودفعت عاطفية نفسية منه ،، هو ما يقصر وهو معانا وحتى لو مسافر على قد ما يقدر لكن كثر السفرات وطول غيابه لابد ياثر سلبيا وصراحة كان مقتنع انه سفراته تأثر سلبا لكن الان تغير وما عاد يفهمني كثير واحترت كيف اكون متفائلة وصاحبة نفسية مشرقة على الدوام ،، قولولي اذا أبالغ. وانا حاضرة لأي سؤال
طولت عليكم لكن محتاجة مشورتكم وبالذات الأخوة الرجال
أختكم ام حمزة
*
عذرا عالاخطاء الإملائية الإي باد ما يساعد على طباعة صحيحة
في معلومة مهمة نسيتها زوجي صار عنده اتكالية واضحة بما انه متطمن ان اهلي جنبي وهو مسافر وممكن يمدد ايام سفره علشان يخلص شوية من ضغوط العمل اللي اراعيها جداً على قد ما اقدر وفي معلومة كمان انو زوجي غير حامل لأي جنسية يعني هو مستثمر بوثيقة سفر وليس جواز سفر وهذا سبب سفره لفترات طويلة صحيح الموض ع مو بيده والفيزا لأي بلد وبغالها وقت طويل لكن أنا اتحدث ان من حقنا يمضي معانا الوقت اللي يشبعنا حتى نقدر نتحمل غيابه والاهم يتفهم نفسيتنا مثل ما أتفهم شغله ونفسيته اذا تذكرت شي ثاني خبرتكم
15-10-2011, 05:30 PM
ضوابط المشاركة
العرض العادي
