ما هو جديدك مع زوجتك؟
أرجو أن تكون أموركما طيبة.

والله يا اخوي ما اخفيك
الحمد لله تمت الرجعه والحمد لله
رجعت امريكا لوحدي بس ما ادري ليه فيني شعور اني غلطت يوم رجعتها
مادري احساسي بالبرود اللي شفته فيها وخصوصا انها قالت لي رجوعي خوف من لقب المطلقه
مادري وشلون اتعامل معها سويت نفسي ما سمعت شي ترجع بعد ساعات تقول انا قلت اذا هو رجع من نفسه انا ارجع اذا احد ضغط عليه انا ما برجع مادري ليه تكرر هالاصطوانه بس انا مقفل اذاني ومخليها على راحتها
بس المصيبه لمن وصلت امريكا حسيت اني غلطت وبدت الافكار توديني وتجيبني
واعوذ بالله قاعد اتصيد فرصه عشان اطلق
اعذروني مادري ذا مرض نفسي ولا وش السالفه مادري
شرت من امريكا فجأة عشان ارجعها وخسرتني السفرة 30000 الف بين تذاكر ورضوة وتمشيه
وبعدها ينقلب حالي بس اخفيت ذا الشي بيني وبين نفسي
مادري قد احد مر بالهشي
اتذكر الفضايح اللي سوتها اندم اني بادرت بارجاعها واتذكر اني استخرت اني اطلقها في رمضان واستشرتكم وكنت مره ناوي الطلاق خلاص , هديتوني شوي رجعت استخرت فجأة زي البرق حجزت للسعوديه فاجأت الكل برجوعي قررت ارجع زوجتي رغم ان مشكله كبيرة صارت بين امي وخواتي وامها وخواتها ومشادات لسانيه حتى هي تقول انصدمنا بعد الهوشه بيوم جيت تقول برجعها
مادري وش اللي جاني كيف بهالسرعه بعد الاستخارة سافرت ورجعتها وجلسنا اسبوع مع بعض ورجعت مادري
وش اللي صار مادري كيف مشت الامور مادري
اللي اعرفه الحين اني ندمت على اللي سويته ليه مادري
ممكن البرود اللي شفته منها مادري
ممكن لانها ماتغيرت مادري
لخبطه
حتى اساس الاشتياق والحزن يوم كانت تاركه البيت احسه مو موجود الحين
معقول اكون مريض نفسيا مادري

لا آاله الا الله وحده لا شريك له له الملك وله الحمد وهو على كل شي قدير
بارك الله فيكم جميعا اخواني اخواتي
اتعبتكم معي ضيعت وقتكم معي وانا اقولها انا انسان ملخبط
مادري كل شي مادري
لا حول ولا قوه الا بالله