15-09-2011, 10:35 PM
|
المشاركة الأصلية كتبت بواسطة زهور الدعاء
السلام عليكم حبيبتي مرموسة
انا نفسي من زمان ادخل من ايام عرضتي مشكلتك كنت ابنصحك بكم شي لكن بالاخير مع الانشغال ما قدرت وربي اكرمك وفرجها... ما ادري اخاف اقولك كلام اندم علية لانو المشاكل بين الزوجين مايصير نخوض فيها بدون خوف من الله انتي ياحبيبتي زوجة تانية ...والزوجة التانية لازم تصبر وانا اشوفك صابرة ...لكن تقصير زوجك في حقوقك جعلك مضغوطة وهنا مربط الفرس.. صرتي عصبية وصار كثرة جدل وعتاب بينكم ...لان الضغط يولد الانفجار... حقك في السفر والخلوة بزوجك مشروعه وانا ما اشوف غلطتي في السفرة ولا كانت اصلا هي السبب في مشكلتك ..صدقيني السبب عند زوجك .. هو من الاساس مو عادل بينكم ومسوي انو خايف من الله .. انتي ممشية الوضع وبتقنعي نفسك انو انتي راضية لكنك بتراكمي وجوا نفسك .. بالاخير صرتي عصبية ... تبغي رايي ... انتي لو قدرتي تعالجي العصبية الي عندك حتى لو بطبيب نفسي تكوني ريحتي نفسك وكمان علشان تواجهي زوجك ببرود وقت ما يبغى يقلب الطاولة عليكي ثانيا لازم تشوفي حل لدوامك بحيث انك ترجعي بدري...او تكوني طابخه له في البيت من الليل يرجع ياكل ويريح لحد ماتجي ... صدقيني نص مشاكلك حتنحل لو ركزتي على نقطة وحدة الي هي حقوقك .... لازم زوجك يبات يومك في بيتك .... زوجك مايل كثير لبيتو ال2 وما اعتقد هذا من زوجتو ....ما نبغى نسيء الظن بها بس هو عندو حاجة لزوجة تانية ومو هاينه عليه غلاوة الاولى ... لو فرضا ارتاح عندهم وقال ما اقدر اجي سامحيني قولي لا ..ما اقدر ..نفسي اسامحك بس احسها بقلبي وانا خايفة ربي يعاقبك ..لآنو في قاعدة فقهية اسمها ((( ما أُخذ بسيف الحيااء فهو بااااطل))) انا احس انها تقعد بقلبي وانا خايفة عليكي مو عليا ... لاتركزي على تمشية ولا على علاج ..ركزي على حقوقك ...من حقك تعيشي عيشة زي ما فرضها ربنا لكي بيتك وزوجك يمرك يوم ايوة يوم لا ...وهذا راح يساعد في هدوءك النفسي كثير ... ولو ناقشك حطي العدل اول اهدافك ..ولو فعلا يخاف الله وخايف انو ربي يعاقبه وحاسس انو يظلمك راح يتأثر ...ولو قال ما اقدر ..قولي ..اكبر ظلم تاخذ من عمري 8 سنوات تستسمحني فيها بأيامي وبعدها تقولي ما اقدر ...الان انت فعلا ظلمتي ورجعلي ال8 سنين الي من عمري راحت عشانك وانا اسسسامحك والله معاك ... لايمثل دور الخايف من الله وان الناس راح تتفل في وجهه لو عرفت انو سافر لتركيا ومناظرها ..بينما راح تتفل حقيقة لو عرفت انو فاتح بيتين ومو عادل.... انا هنا حاسة انو كلامي قاسي بس اكره المغالطة ...كيف يطالبك تروحي لآهلك ويهجرك في بيتك ويتركك ولا يدخل ..حرام الزعل يزعل ويهجرك عادي بس يتركك ما يدخل البيت ..بأي شرع ...مايجوز اصلا يهجرك في بيتك الا في الفراش مو يهجر البيت بكبره... اذا مثل دور التقي الخايف من الله مالك الا انك تتفقهي بحقوقك وتطلبي منه انو يتقي الله ويقوم بحقوقك ...وكوني هادئه لبقة متمسكنة ... ونصيحة حبيبتي لك انتي زوجة 2 يعني الصبر والصبر والصبر ....والحلم ..لانو انتي جاية وزوجك قضى عمرو مع وحدة واتعود ع امور كثير ...فاصبري علشان تؤسسي حياتك لانو هو لديه حياة مؤسسة في بيت ثاني ...النزاعات تؤثر عليكي اكثر منه ... وحكمتك هي تكمن في الصبر علشان تحافظي على بيتك ... واتغافلي بس مو ع حساب حقوقك الاساسية الضرورية زي المبيت ..يعني مشوار ما اداه ... طلب ما قضاه لك عادي اتغافلي وربي كريم بيجبر قلبك يارب الان هو راح يرجع من السفر حاولي بكل جهد تكوني هادئة وما يأثر عليكي سفرو ... لانو هو حاسس بأنو انتي أكيد راح يجي بنفسك انو تنقطع سفرتك والان متهني ... لو فاتحك ....قولي انا اتمنيت انكم تتمتعو وتطولو علشان المرة الجاية أطول لآني متأكدة انك تخاف الله وبتعدل واستحالة تقطع سفرتي وتسفرهم ... لو فرضا افتعل مشكلة في يوم من الايام ودخل اهلك ...الزمي بيتك مالو حق يخرجك منو ويستفرد بايامك بحجة الزعل ..وهذيك الساعه طالبي بوجودو في بيتك في ايامك ... وامام اخوتك ووحدي هدفك وقتها في هذي النقطة لا تكثري على نفسك النقاط علشان لا يتوهك ويضيعك بين الاخطاء واذا قال عصبية وصوتك عالي قولي اعطيني حقوقي كاملة علشان نفسيتي تهدأ وتروح عصبيتي الله يفرج همك ويرزقك الي يشغلك من الذرية الصالحة ورضا نفسك ... اسال الله يغفرلي ان اخطأت بالكلام معاكي ربي يوفقك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
