الله يجزيكم ألف خير بهالشهر الفضيل على الدعوات اللي والله أشعر أنها من قلب صادق
أختي العقد انقطعت لسفري خارج مدينتي عشان جبت بنتي عندي زي ماذكرت بقسم اخبار الاعضاء ولاكن أحببتك في الله يارب يفرج همك ويوفقك على أهتمامك لموضوعي وتسلمين ياقلبي
ىخر اخباري يالغاليه

اتصل اخوه وقال الولد رفض يبغا حقه كامل ابويه قال اوكي خلي اخوك يقابلني بالمحكمه وان شاء الله مايشوف ريال لإنها خرجت بطلب منه وفهالحاله كنت ابغا المعروف معاكم ولاكن طمعكم فينا نساكم حق الله عليكم
قاله ابويه ابغاك تشهد انت وابوك لمن جيتوني البيت وانتو اللي طلبتو مني تطلع قال اخوه طيب

لمن خلص الكلام قلت لأبويه مستحيل بيشهدون ظد ولدهم وكمان القضاه عندنا بيعطونه مهره كامل لانه بيروح ويقول ابغاها وفهالحاله بقول انا مابغاه والقاضي بيقول ردي له فلوسه لإنك انتي ماتبغيه
وبطول المده وبتعب زياده وعلى ايه تضنين موقف ابويه صح ولا اعطيه الفلوس وأخلص ابويه يقول كيف تعطينه وهو الي طلب ليش نكون معاهم بهالطريقه احنا نساعدهم يظلمونا مدري من فينا الصح

أول شي أبارك لك برجوع بنتك لأحضانك وعسى عينك ما تبكيها أبداً

ثانيا بالنسبة لهذا اللي ما يتسمى....... الله يغفر لي

لا تعطينه ريال....... ومن ناحية الشهادة كان المفروض ابوكي ما كشف اوراقه وانهم يشهدون معه لأنهم كذا بيفكرون ويفكرون ويلقون لهم مخرج

أحلى شي عنصر المفاجئة لهم عشان ما يمديهم يجتمعون ويتشاورون

وأكيد تعرفين مبدأ فرق تسد

إذا قدرتوا اسحبي هالمايتسمى على جنب باين انه ينهز بسرعه وتقدرين تخلصين منه

كل ما قعد وسطهم كل ما طولت المسألة وابوك بيتعب معاهم

ليش ما أبوك يدق عليه ويقوله تعال يا ولدي ابيك ضروري ومن هذا الكلام.....

يجلس معه يقوله البنت تبيك وبتموت علي وانت طيب ويا حلوك بس أهلك يخربونك ولا انت كامل ما شفت زيك

ويسحبه في الكلام يسجل عليه تسجيل انه فعلاً ما خرجتي هم اللي طلعوك وهم اللي يتآمرون عليك

وهكذا......

وابوك وشطارته يا يخلص ويهزه ويطلقك منه من ليلته وياخذه بالمشاعر والعاطفة وانتي تعرفين له أكثر وحده

ولا وقت المحكمة ان رفضوا الشهادة وهذا على أقل تقدير بيسوونها

وإذا قالوا العكس يطلب ان القاضي يحلفهم انه كلامهم صح وأبوك غلطان

والله المستعان..... حسبي الله عليهم


وإذا يخاف........

ما أحلى من طاري النفقة.... يهددهم أبوك فيها

انهم طلعوك غصب وانه ما صرف عليك طول المدة اللي انتي فيها عند أهلك.... وأحسب انه كذلك

فإذا كان صح خليه يهددهم فيها وانه بيرفع عليهم قضية وياخذ النفقة كااااملة

وبنات الناس مو بلعب عند هالأشكال

الله يفكك منه ان كان في هالأمر خير لك في دينك ودنياك وعاقبة أمرك

ودعواتي لك بالتوفيق والفرج والسعادة والحبور في الدارين ونحن معك وكاااافة المسلمين والمسلمات اللي يخافون الله

فاقده وينك؟؟

يارب سهل عليها أمورها

وأخرجها من حلق الضيق إلى أوسع الطريق

الله يوفقك وينصرني واياك على كل ظالم وظالمة اللهم انصرنا نصر عزيز مقتدر اللهم انصرنا نصر عزيز مقتدر

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

اول مره اشوف احد يفكر يخرب حياته
بيت الرسول حصل به مشاكل زوجيه انحلت
يعني زمانهم يختلف عن زمنا ولابد نعرف ونفرق ونأخذ الحكمه ونصبر
والزوجه الذكيه هي الطائعه لزوجها والذكيه في تغيير بعض الاشياء الغير مرغوبه باسلوب الانوثه والطيبه وحسن التبعل صدقوني كلشي راح يمشي زي ماهو مفروض
وانصحك اختي بعدم التفكير بالطلاق ولاتسمعي كلام كل هلابنات لانه اللي يده في النار مو زي اللي يده في المويه وانتبهي لاتفكرين بخراب بيتك حتى ولو علشان بنتك تعيش في كنف امها وابوها والله سيجازيك على صبرك على زوجك وسيحنن قلبه لك .

كل من شارك بموضوعي أشكركم جميعآ
اختي العقد الفريد والله لك وحشه يالغاليه أنشغلت بشهر رمضان وجيه بنتي عندي والآن سافرت عند أبوها
أتمنى أعرف الكثير عنك احببتك في الله

يا هلا بفاقده تو ما نور المنتدى

الحمد لله أهم شي كسبتي عباده بهالشهر الفضيل

وبنتك الله يسهل عليها وييسر أمرها ويردها لك دائما وأبداً رداً جميلاً

وأحبك الله الذي أحببتني فيه...


------------------
أنا متزوجة مضى من عمري 27 سنة

عندي 4 أطفال أكبرهم بنتي وهي في عمر بنتك الله يحفظهن لنا والبقية أولاد رزقني الله صلاحهم وبرهم أجمعين

وهم كنزي الثمين وأغلى ما أملك في الوجود..

مسالمة ... عند حد معين

صبورة .... وأتمنى أن أكون كذلك للأبد

مرحه ... مبدعة.... ومربية جيدة لأطفالي >>> كما أعتقد

حسنة المعشر وأحب حسن الخلق مع من عرفت أو لم أعرف

أحب الخير للناس مثلما أحبه لنفسي

ولكني حساسة للأسف ومثالية في حياتي لأحيان كثيرة



وبالتأكيد تتقاذفني أمواج الحياة حكال أي انسان على وجه الأرض

يوم أضحك وعشرة أيام ابكي

وهكذا ستبقى الأيام إلى أن يرث الله الأرض ومن عليها

ولكن في نفس الوقت سعيدة بامتحان ربي لي... على أقل تقدير أكفر أكوام الذنوب التي أحملها

وأثق بنصر الله لي على هذه الدنيا... أثق بأن غداً سيكون يوماً مشرررررقاً

أحب النظر إلى السماء .... وأحب أن أشبهها في علوها ووقوفها بلا عمد ... انها كريمة في امتدادها وتغليفها للأرض

حينما تضيق بي الأرض بما رحبت أهرع إلى نافذتي لأراها وأناجي ربي....


هذه أنا... يا فاقده

افتقدتي شيء وأنا أفتقد أشياء

الله يعوض صبرك خير يااخت العقد الفريد والاخت فاقده شي ويجعل مااصابكم في ميزان حسناتكم

الله يسعد قلبك وين ماكنتي وأبعد الله عنك فقد أي شيء غالي يالغاليه

فرج الله كربتك ووجهك لما فيه خير لك في الدنيا والآخرة وما شاء الله الأخ " البليغ" ففي كلامه حكمة، وتذكري قول الله تعالى " ويمكرون ويمكر الله والله خير الماكرين" فأنصحك بالاستخارة وتسليم كل الأمر الى الله ولا تحزني فكل أمر المؤمن خير وإن النصر مع الصبر.