السلام عليكم ورحمة الله وبركاته

انا اشتريت غرفة نوم باللون الابيض و الرمادي طبعا اللابيض وجوده اكثر
من هوم سنتر مردف ستي سنتر بدبي

بس مشكلتي الحين بختيار لون الغرفة احس مخي مقفل باللون =(
شو اللون الي يناسب الغرفة
كنت افكر اخليه السقف بنفسجي غامق والجدار رمادي فاااتح
بس الفرش اي لون !!

ابي مساعدتكم الله يخليكم =(
لون غرفتي الحالي بنكي بس مليت منه ابي لون يفتح النفس
ويخليني ما اطلع من غرفتي ابدا

بليييز ساعدوني بلون الغرفة و الفرش كيف اخليه

صح عشان ما انسى عندي بالغرفة مخزن صغير فيه خزانة الملابس
بعد عطوني اقتراحات لها بلييييز =(

والسموحه

معقوله ولا رد =(

مبروووك الغرفه الجديده

اقترح عليك تدخلي اللون الأحمر
يعني مثلا خلفيه السرير يكون أحمر وباقي الجدران رمادي فاتح وطبعا دخلي عليها لوحات واكسسورات بين الأحمر والابيض والاسود
والفرش خليه رمادي غامق أو احمر
وتقدري تدخلي اللون الأسود بس بذكاء

اهم شي تربطي بين الاضلاع مثلا الضلع الاحمر اللي حيكون خلفية السرير طبعا تعلقي عليها لوحة بيضا مثلا أو رمادي فاتح

ولا تنسي الابجورات ممكن تكون احمر

رواء .. يعطيج الف عافيه صديقتي على الرد وردج شوي ساعدني
لكن بلون غير الاحمر انا ابي لون مو تقليدي يعني الاحمر الكل يسووويه ابي لون ثاني

حصلت هالموقع
http://colorschemedesigner.com/

حسيت انه بيفيدني وبيفيد غيري من ناحية درجات الالوان الي تناسق بعضها
وحبيت هالالوان
http://colorschemedesigner.com/#0031Tw0w0w0w0

قولو رايكم بالاختيار =) وانتظر ردكم

الاحمر احلى شي

او الاسود

__________________
يارب ...والباقي وحدك تعلمه

تقدري تستبدلي الأحمر بالوردي الغامق أو الفوشي بنفس التنسيق

بنفسجي مره حلو مع الابيض والرمادي بس خليها بدرجات يعني مثلا الفرش غمقيه شويه يطلع حلو

اللون التفاحي او البنفسجي بيطلع جميل مع الرمادي والأبيض

حصلت لك صور يمكن تفيدك باختيار اللون

__________________

تتهنين يارب ,
الوانك رآئعه ما راح ازيد عن اللي قالوا البنات , الاحمر ووالرمادي والاسود روعه
كمان لو تخلي المفرش مشجر يجمع كل الالوان بيطلع رووعه , و اهم شي تضيفي الاكسسورات خداديات
قطع فرشات للارضيه اضاءه مكتبه صغيره و كمان الاباجوره راح تزيد جمال الغرفه .
اتمنى تكوني استفدتي , كل الشكر

أختي أشوف حلو يكون اللون الأساسي الأوف وايت وحاولي تدخلين فيه اللون الرصاصي شوفي هذي الأمثلة ..
http://www.invitinghome.com/wall-dec...wall-decor.jpg

http://homepaintingideasncost.com/wp...6f73_b-jpg.jpg

http://2.bp.blogspot.com/_1QXQfraNbW...er-ideas-2.jpg

http://www.homehues.com/userfiles/20...20stickers.jpg

أشوف اللون العشبي مع الرصاصي الفاتح حلو .. ما حصلت إلا هذه الصورة
http://t3.gstatic.com/images?q=tbn:A...bAOlDAMGd_3nSU


وإذا تبغين تستخدمين لون ثقيل حاولي يكون على جدار واحد فقط .. مثال بإمكانك يكون فيه لون رمادي غامق بهذا الشكل
http://img.alibaba.com/wsphoto/v0/44...esale.summ.jpg


أشوف الرمادي مع الزهر شيء حلو مرة شوفي هذا الشكل
http://4.bp.blogspot.com/__MInKf-H-D...ge_living2.jpg
لكن أرجع وأقول جميل لو يكون فقط بجدار واحد أما الباقي خليه لون فاتح مرة أو أوف وايت


أشوف بعض المداخلات قالت اللون الأحمر .. اللون الأحمر والأسود ألوان ثقيلة جدا ولا تناسب غرف النوم لكن بإمكانك إدخالها بحذر .. يعني تكون بسيطة واللون المسيطر يكون اللون الفاتح .. بحثت وما حصلت غير هذي الصور
http://2.bp.blogspot.com/_wekRpCfMbv...Wall-Decal.jpg

http://www.gowallpaper.net/wp-conten...Wall-Decor.jpg