السلام عليكم ورحمة الله
اريد دكتور يرد علي من فضلكم جراح او نسا
معلش عندي سؤال
انا بعد ما ولدت الحمد لله كنت ومازلت الحمدة لله برضع طبيعي وبكمل بالصناعي
المهم من بعد الولادة بشهر ونص لبست حمالة صدر ضيقة ..الاستيك بتاعها حبك على سدري لغاية الصبح ومن بعدها الحتة ديه في سدري اليمين كلكعت وبقت كدة ناشفة وكانت وجعاني
المهم روحت لدكتورة نسا والدكتورة قالت اني عندي التهابات في الغدد اللبنية واعطتني مضاد حيوي وكمان قالتلي اداوم على الكمادات والتشفيط
عملت كمادات وشفط بس مش كتير ولسة الحتة ناشفة برده
بعدها تقريبا بشهرين لقيت في نفس السدر في حتة حمرة غير الحتة الناشفة وكان سدري بيألمني
رحت لدكتورة تانية جراحة دخلت ابرة في سدري عشان تتأكد ان مفيش خراج والحمد لله الابرة طلعت فاضية وادتني بردة مضاد حيوي عشان الالتهاب وقالتلي ارضع منها بردة وكمادات
انا بعمل كمادات بس مش كتير وبرضع منها بنتي كل يوم وبرده ناشفة بس الالم والاحمرار راح بعد المضاد الحيوي
وبعدها روحت لدكتور ثالث جراح برده وكشف وقالي دية لبن متجمع واداني برشام اسمة امبيزيم وكمان كتبلي على مرهم اسمة فيوسيكورت عشان ادهن بيه على سدري ...... الحتة اناشفة لانت شوية بعد الدوا ده وهو قالي بعد كدة اوقف المرهم بعد اسبوع والاقراص اخلصها و اداوم على الرضاعة برده منها للبنت
المهم بعد ده كله عملت كمادات وبرضع البنت منها وهي لانت شوية بس لسة في حتة ناشفة وبصراحة من شوية ايام بطلت المكادات وحاسة دلوقتي ان الحتة رجعت بقت ناشفة شوية زي الاول وبدأ يبقى في الم بسيط

ممكن تقوليلي ايه علاج الموضوع ده والحتة الناشفة دية ازاي ممكن تلين وتبقى طبيعية هل ارجع لعلاج الدكتور الاخير ولا اعمل ايه وهل الموضوع ده ممكن لا قدر الله يحتاج لتدخل جراحي ولا ايه بالظبط
منتظرة ردك وربنا يكرمك

اللي عندك ده فعلا التهاب بسبب خروج اللبن من القنوات اللبنية وبقى وسط نسيج الثدي
المشكلة دلوقتي الإلتهاب ده درجات لو وصلنا لخراج لازم نفتحه وبسرعة والا هايبوظ الثدي كلها

حضرتك لازم تروحي لجراح مستواه كويس جدا يشوفك ويشخصك كويس ويعملك سونار على الثدي اذا احتاج كمان وياخد قرار
ماترضعيش بنتك من ثديك الملتهب علشان مايجليهاش اسهال بس لازم تشفطيه كويس جدا جدا لان اللبن لو فضل فيه حالته تسوء جدا

__________________

طيب يا دكتور ازاي يبقى العلاج بتاعي لو موصلتش لمرحلة الخراج ....... ياريت تفيدني عشان بس يبقى عندي خلفية عن الموضوع
هل العلاج يكون بالمراهم الموضعية وااقراص ...ام بتدخل جراحي؟؟؟ وشكرا

لو مااتجمعش خراج بنكتفي بالمضادات الحيوية والكمادات وحاجات موضعية ومهم قوي تفضي صدرك باستمرار من اللبن
اما لو خراج يبقى لازم نفتح

عموما اكشفي الاول بس عن حد كويس احتمال يطلع اننا بنفكر في سكة غلط ومافيش حاجة من دي اصلا
انا ماشوفتكيش اصلا بنتكلم من كلامك
وبعدين انتي لو ماعندكيش نقح في الثدي وحرارة عالية يبقى مافيش خراج ولا حاجة

__________________

طيب طلب أخير يا دكتور .... حضرتك تقدر تدلني على جراح كويس في الأسكندرية عشان مش عايزةاجرب اروح لأي حد وخلاص
وجزاك الله كل خير

للأسف مااعرفش حد في اسكندرية

__________________