حياتي تغيرت بعد بنتي صارت جحيم - منتدى عالم الأسرة والمجتمع

20-06-2011, 10:06 PM

احترت باسمي

عضو جديد

تاريخ التسجيل: Jun 2011

المشاركات: 11

حياتي تغيرت بعد بنتي صارت جحيم

السلام عليكم بصراحه انا ماكتبت هنا الا ابيكم تعتبروني وحده من خواتكم تنصحوني

معليش بتكلم بالعاميه ابي اطلع الي بقلبي مابي اتصنع

انا مشكلتي زوجي اخذنا بعض وكان مقتنع فيني ومقدرني لين انجبت بنتي هنا خلاص تغير صار وحش

صح فيه صفات ايجابيه بس برضه السلبيه تمسحها لو بكت البنت ضربني لو مثلا كانت بتطيح وطاحت غصب عني ضربني مره كنا رايحين لام زوجي في مدينه ثانيه تونا داخلين الا الباب صقع بنتي بالغلط على خفيف حتى رح دفني مع راسي باقوى ماعنده قدام هله وخواته <<حسيت وقتها قمه الاهانه والذل

ومن القهر بكيت قدامهم بالله هذا اسلوب

اخرتها اليوم البنت تشرب والكاس وسطه ملعقه بغت تدخل بعينها سحبته منها وبكت مره رح قال الله يلعن اصلك وضربني مع كتفي بقوه واحيانا يصفق
ورحت اغسل الحوش قام لقى الحوش نظيف كله عشانه لاجاو اصدقاه مايتفشل راح قام قال من قال لك امس متهاوش مع الجيران قالوا لاحدد يغسل حوشه كله عشان المويه لاتخلص اااه يالقهر يعني يجلس الحوش وسخ عشان خاطر الجيران قام هاوشني وسطرني كف وربي مارديت ولاكلمه ومره نسيت المويه تكب بالغساله وطلعت لاني كنت مشغوله جالسه اطبخ له اشياء هو يحبها قام من النوم على طول جاني مسرع ابتسمت عسى ماشر رح يضربني ليش خليتي المويه تنكب بغت توصل للكهرب ومدري ايش ورحت للمطبخ كمملت
طبعا لاخلص ضرب رح راضاني او عطاني مبلغ بس الجرح مايينسى
هو ماكان كذا كان حنون وطيب بس تغير من عقب ماخلف

طبعا انا موضعيفه شخصيه كنت من القهر ارد عليه واتكلم ابي ابرد خاطري افي احد ياخذ حقي
غيرت اسلوبي صرت اناقشه مافي فايده
الحين صرت اسكت واحترمه مافي فايده اش الحل نفسي يحترمني والله ابكي من القهر اكتب وابكي
كلمت اهلي يصبروني اصبري ومدري ايش كلمت امه هاوشته تعدل فتره ورجع اش الحل افكر لارحت لاهلي اقول له خلاص ماعد ابيك ابيه يتادب بس ماني عارفه كيف
طبعا والله انا صابره مره حتى هو يقوله مارح القى زيك

التعديل الأخير تم بواسطة احترت باسمي ; 20-06-2011 الساعة 10:09 PM

20-06-2011, 10:32 PM

اصعب حكاية

عضو متألق

تاريخ التسجيل: Apr 2011

المشاركات: 593

كيف تقولي انك مو ضعيفة شخصية وهو يضربك على اتفه الاسباااب؟؟؟ وقدآم اهله بعد!!
حاولي تقوي شخصيتك ووضحي له انك مو لعبه عنده كل ما صار شي قاام ضربك,, حطي له حد لذا الاسلوب الهمجي,,
اذا على بنته والي صار معها ما اتووقع انه بيكون احرص منك عليها, لكن هو شافك ضعيفة ولا تردي عليه وصار الضرب عنده حلآ,,,
اذا ضربك مرة ثاانية وقفي بووجهه ,قولي له ما اسمح لك تمد يدك علي,
-خذي مووقف حاازم وقووي,,لا تهتمين فيه مثل اول والتفتي لنفسك شووي,, لآ تحسسيه انك له وانك مثل الخآدمه طبخ وتنظيف بيت وتربيه لبنتكم,,,
-انشغلي عنه بهواياتك ولا قرآءة كتاب مفيد ,ولو جلستو مع بعض مو شرط تسولفي معه,,وتعطينه اهتماام هو ما يستحقه ..
-حسسية انك متغيره وقوووي شخصيتك شوي يرحم والديك,,
-لا تكووني سلبيه ,,انتي لك شخصيتك ولك اهتمامات غيره ,, مو هو بس الي بحيااتك,فيه عندك اهلك وصديقاات,زوريهم وعيشي حيااتك,,لا تقطعين نفسك من العالم عشاانه,,
فيه نااس تستحق منها ان نضحي لأجلها,, وفيه نااس نضحي بها عشان ما نخسرشخصيتنا و انفسنآ..

اعتذر منك اختي الغاليه لكن والله نرفزني موضووعك,, كآن الله في عوونك يا غاليه..

__________________
[SIGPIC][/SIGPIC

20-06-2011, 10:36 PM

احترت باسمي

عضو جديد

تاريخ التسجيل: Jun 2011

المشاركات: 11

مشكوره يالغاليه بس والله وقفت في وجهه كم مره الوي يده واكلمه بعصبيه لازم تحترمني احيانا لارمى علي شي ارده له من القهر احيانا صرت ارد له الضربه لان\ه مايستاهل الاحترام بس عجزت والله قلت خل اصير طيبه ممكن يصير احسن ويحترمني لااحترمته بس مافي فايده

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه