اسلام عليكم اخواتي واخواني انا في هم ليعلمه الا الله انامتزوجه من خمس سنوات من رجل متزوج وطلق زوجته بعد زواجي بشهور ولااعرف ليه لليوم ولما خطبني الكل يشهد له بدين وانه رجل مستقيم تزوج وكل يوم اكشف فيه شي اول شي ادخان وبعدين اشرطه الاغاني وبعدها الخيانه انصدمت وين الدين اللي يعرفه مجرد مااتكلم معه او احول انن نتناقش يقلب كل شي على راسي وانا الخطا وهو الصح وعلى اتفه شي يطردني من البيت ويمد يده والله احينن يكسرني لدرجه ماعد اقدر اتحرك ودايم يخنقني لين افقد بين ايديه والله اني مااروح حتى لهلي ومااجيب اي سيره لحد ودايم انا واعيالي اقل من اخواتي واعيالهم ولما اطلبه شي يقوم الدنيا وصرت مااطلب اسكت واتنازل عن حقوقي يسافر خارج المملكه وانا في بيتي ومااقول لحد اليوم رحت معه لمشوار وقلت له ان اختي شاريه لبسه مره حلوه سكت ماقال شي قلت له بعتاب توقعتك بتقول ابشري والله مااخليها في نفسك وانت عارف ان عندنا مناسبه ويليتني واعتبت سمعني كلام يسم البدن والصدمه لما قال لي ترا ماباقي لك الا طلقه وحده ومدري متى طلقني انهبلت قلت متي طلقتني مرتين قال والله لو اسمع لك صوت لعطيك اخر طلقه المشكله اني دايم لمايطردني من البيت اترجاه يخليني عشان اعياليوالله اني اكتب لكم مشكلتي وانا ابكي وحالي مايعلمه الا الله ماقدر اخلي اعيالي محتجيني وتعبنين وهو يعرف انهم نقطت ضعفي ودايم يهددني فيهم والمشكله اني حبيت بجنون لما اكشف خيناته اموت من القهر واسكت ادري كلامي كله مو متوازن بس وربي من اللي فيني احس اني ابنجن كيف باقي لي طلقه وربي ضاقت فيني الدنيا انا جيت اكبت لكم مشكلتي وانا ابكي وهو راح ينام ياربي وش اسوي شورو علي ايه نسيت اتهم اختي انها تحرضني عليه شورو علي وش اسوي معه لتقولون اروح لهلي ماعندي احد اخواني ومااقدر اروح لهم وامي الله يطول في عمرها لحيل ولا قوه

ياعمري الله يفرج همك حبيبتي إنتي متمسكه لجل عيالك ماتنلامين
وماألومك لو قلتي نار زوجي ولاجنه هلي
ماأملك لك إلا الدعاء حاسه فيك وبقهرك لاحول ولاقوه إلابالله
أكثري من الإستغفار

اهلين اختي فاقده شي مشكوره حبيبتي جزاك الله خير

ياحياتي .. انتي بينتي له انك تخافين من الطلاق وعرف نقطة ضعفك..وعارف ان عيالك نقطة ضعفك وصار يهددك فيهم
اختي اذا تبين عيالك ..اصبري
طالبي بحقوقك وبمصروف حتى لو رفض ..اذا ضربك.. روحي المستشفى واخذي تقرير طبي..
ثم روحي للمحكمه واشتكي عليه انه ضربك..رح يكونو عيالك من حضانتك

او خبي صورة التقرير واشتكيه للشرطه حتى يكتب تعهد بعدم رفع يدينه عليك
لاتخافين مارح يقدر يمد يده عليك او يضربك وان سواها الشرطه رح تحميك ..
او اسألي لك مستشار اسري ..خليه ينورك ويعلمك وش تسوين ..وايش اللي يصلح بحالتك
وبحالة ان زوجك طلقك وكيف وضع عيالك ووضعك..ولو جاء الطلاق من طرف زوجك رح تلزمه المحكمه بالنفقه عليكم
والتقرير الطبي اللي رح تاخذينه رح ينفعك كثير عشان كذا اذا ضربك مره ثانيه لاتتأخري روحي المستشفى باي طريقه وخذي هالتقرير وخبيه

اهلين اختي الملاك جزاك الله خير وحده من صديقاتي قالت لي نفس كلامك بس انا اخاف وبصراحه من حبي له ماافكر اشكيه مابي اخسره احاول اكسبه وارضيه بس للاسف طلع مطلقني مرتين بدون علمي

اختي وربي كلامك يعذب وحبيت اقولك ان في هذا الزمن قله الرجال اللي يحترمو المرأه واعرفي أن اي رجل يريد أن يهين
المراه ليس برجل لو عنده رجوله مايمد يده على مراته ولاكن اقولك حاولي نصحه وأكثري من الأستغفار فالله هو الملجأ
الوحيد وحاولي لاتزعلينه تجنب لشره وهذا واحد مايستاهلك لا انتي ولا كثير نساء نسمع بقصصهم والله يصبرك يارب

اخي شاااب مرحبا جزاك الله خير والله اني احاول ارضيه بس اهو دايم يحقرني وربي اسوي نفسي مااسمعه عشان ماتصير مشكله ويمد يده وولدي تعقد ادا شافه يمد يده على يصيح بس الحمدلله على كل حال وجزاك الله خير

لاحول ولاقوة ألا بالله

أنتي اللي همك من الموضوع أنه باقي لك طلقه فقط ولاأسلوب وخلق زوجك السيء !

أختي والله العالم أشك أنه يكذب عليك في قوله أنه طلقك طلقتين وباقي لك واحده !!

وهذا حتى يخوفك فقط لأنه عرف نقطة ضعفك وهي الطلاق وخوفك من حرمانك من أبنائك

اكبر غلط تسويه الزوجه لما تبين لزوجها خوفها من الطلاق أقصد الزوج أللي مثل زوجك أللي مابقلبه لارحمه ولاخوف من الله

أنتي تهاونتي في حقوقك وكرامتك لذلك لاتستغربين أفعال زوجك وأمثاله

كم مره ضربك وسكتي وسامحتيه مقصر بدينه ومقصر بحقوقك وكمان قوي عين وومو تارك لك فرصه تناقشينه وتبينيله اغلاطه !!

وكمان ضرب وتهديد !!

وتحبينه كمان على ايش يااختي الله يهديك هو عارف حبك له وخوفك من البعد عنه لذلك يستقوي عليك ويذلك ويهددك كل ماناقشتيه بأغلاطه

ضامن أنك ماراح تسوي شي لو كان عارف انه راح يكون لك ردة فعل على غلطاته وسوء فعله معك ماكان تمادى

لازم تكونين أقوى من كذا وماترضين بالغلط والظلم حتى لو ماأنحلت المشكله

راح يكون لها تاثير على الأقل تخليه يفكر شوي في العواقب قبل لايغلط

الله يفرج همك ويسخر لك زوجك ويريح بالك

أعذريني بس مليت من كثر ماأقرأ مثل مشكلتك من النساء الي يكون ضعفها اكبر سبب لأستمرار مشاكلها

__________________
أشتقت لكم جداً 💔

اختي احب زوجي مرحبا والله يااختي اني بكيت لما قريت ردك صدقتي يااخي بكلامك هومتاكد لما يطردني ويضربني ان مالي احد اشكي له الاالله سبحانه اخواني مايعرفوني حتى بتصال شكيت لخوي مره قال خلاص خليه يطلقك ويخد اعياله وانا ماقدر ابعد عن اعيالي لو دقيقه اتحمل كل شي بس مايطلقني وخد اعيالي ووحده من خواتي مطلقه وربي شايفه الويل من اخواني وزوجاتهم امي لحيل ولا قوه الله يطول بعمرها

ماشاء الله كفت ووفت
وأنا من رأيها
أختي بسألك سؤال
أنتِ مكمله تعليمك أو معك شهادة..؟!
لازم تبحثين عن وظيفة تعزك وتجعلك
تشعرين بالآمان قليلاً وتشعرين بكيانك
لأن زوجك عارف أنك منحده عليه لذلك
يتفنن في إذلالك لو عندك دخل ثابت
راح تقفين بوجهه وتقولين له حدك

لأن أمثاله مايستاهلون الحشيمة
مدت يد وأحتقار وإذلال وين الخوف من الله؟؟!!
الله يعينك ياقلبي ويفرج همك

::